MIKIYAASI 1:16 - Qullaawa Maxaafa

¹⁶ Ki'ne Yihudu manna! Ooso'ne qafadante hadhanno daafira, baxxinanni ooso'nera manchittine umo'ne meexxe. Umi'neno doowirchu umi gede bulla ikko.

MIKIYAASI 1:16 ပူးပေါင်းရင်းမြစ်များ

LAYINKI MOOTOOLLA 17:6

Seliminaasoori, Hoosei moohihunni honsikki diro Samaariya qeele angara qo'li. Israeelete mannano qafade Asoorira haa're ha'ri. Insa giddonni gama Halaahi Katamira, gama Goozaani awuraajjira Haboori Wayi mule, woloota qole Medooni katammara heedhanno gede assi.

IYYOOBI 1:20

Iyyoobino kae, dadillunni uddanosi dari; umo meexxe uulla gombisame Magano ayirrisanni,

ISAYAASI 15:2

Dibooni mannino magannansa mine wi'lara gaarrate aanira fulanno. Moaabi mannino katammansa Nebonna Medeba daafira lowo geeshsha dadille wi'lanno. Dadillitino daafira, umonsanna ereedansano meexxitanno.

ISAYAASI 22:12

Hatte yannara Olantote Mootichi Kaaliiqi, umo meexxitinanni gedenna, xiddu uddano uddidhine wi'litinanni gede woshshino'ne.

ERMIYAASI 16:6

Tenne baattora noohu buxichuno dureessuno reyanno. Wi'lannonsahunna madaarannonsahu dihee'ranno; xissiisi're baqqaalla bici'rannohunna umo meexxannohu dihee'rannonsa.

ERMIYAASI 4:8

Ani Ermiyaasi Israeelete mannira, «Xaa geeshsha Kaaliiqi hanqe noonkena, xiddu imaana uddidhine, dadillitine wi'le» yoommonsa.

ERMIYAASI 47:5

Gaazu manni manchite umo meexxanno; Asiqeloona mannino beeshshi're sammi yaanno. Gattino Filisxeemooti, bisonsa huduuxxitanni manchittannohu mamooti geeshshaati?

ERMIYAASI 6:26

Kaaliiqi mannisira, «Guda'nera dayino diini, hedeweelcho bala tuga'neraatina, xiddu uddano uddidhine buluulu aana ofolle! Afi'rinoha mitto beetto shii'rino manchi gede, hururantine wi'le.

ERMIYAASI 7:29

Kaaliiqi, «Ani Kaaliiqi hanqoommo; manna'yano giwoommo; umo'ne meexxitine dadille; gaarra baalate aana fultine kiirtine wi'le.

ERMIYAASI QURTO 2:19

Oosokki dooggate madde baalate, hudetenni reyitaraatina, hashsha wo'ma marro marro higge, baqqi yite Kaaliiqiwa raari. Wodanikkira noore co'o assite isira kulatenni, oosokkira maaro huucci'ri.

AMOOTSI 7:11

Qoleno, ‹Iyorbiaami jaddote reyo reyanno; Israeelete mannino, ilamino gobbanni qafadame ha'ranno› yaanni no» yitanno sokka soyi.

AMOOTSI 7:17

«Kunnira Kaaliiqi ate Amesiyaasi, ‹Galtekki katamaho foortannota ikkitanno; oosokkino olu giddo reyitanno. baattokkino allaggu siiwotenni bikke beeqqanno; atino Magano affinokki gosa giddo reyatto. Israeelete mannino addinta qafadame, gobbansanni fule wolewa ha'ranno› yiinohe» yee dawari.

AMOOTSI 8:10

Diru ayyaani hagiirri'ne dadilleho, faarso'neno wi'late soorreemmo. Afidhino beetto shiidhe wi'litannori gede, umo meexxitine xiddu uddano uddidhinanni gede asseemmo; hakko barri goofimarchi qaraaro ikkanno» yoommo.

MARRO 28:41

Labballonna seenne ooso iltinanni. Ikkollana, diinna'ne qafadde adhite hadhanno daafira, calluwi'ne gattinanni.