MIKIYAASI 1:1 - Qullaawa Maxaafa

¹ Iyoaataami, Akaazinna, Hiziqiyaasi hoode hoodetenni Yihudaho gashshitu yannara Kaaliiqi Morisheeti Katamira ilaminohura Mikiyaasira Samaariyunna Yerusaalamete daafira kulinosi sokka aante noote:

MIKIYAASI 1:1 ပူးပေါင်းရင်းမြစ်များ

LAYINKI MOOTOOLLA 15:32

Remaaliya beetti Faaquhe Israeelete moohihunni layinki diro, Ooziya beetti Iyoaataami Yihudaho moohi.

LAYINKI MOOTOOLLA 15:5

Kaaliiqino Ooziya taraawannohunni gogu dhibbinni ganinosi. Reyanno barri geeshsha dhibbu aanisinni ha'rinokki daafira, loosono agure baxxino mine hee'rino. Kunnira beettisi Iyoaataami isi darga mootimmate mineno amade gobba gashshi.

LAYINKI MOOTOOLLA 16:1

Remaaliya beetti Faaquhe Israeelete moohihunni tonaa lamalki diro, Iyoaataami beetti Akaazi Yihudaho moohi.

LAYINKI MOOTOOLLA 18:1

Eela beetti Hoosei Israeelete moohihunni sayikki diro, Akaaziyaasi beetti Hiziqiyaasi Yihudaho moohi.

LAYINKI DUDUWO 28:1

Akaazi 20 diro ikke hee'reennasi moohino. Yerusaalame teesso assi're 16 diro gashshino. Isi albi annisi Daawiti assino gedeeha Kaaliiqi baxanno coye diloosino.

LAYINKI DUDUWO 29:1

Hiziqiyaasi moohi waro 25 dirosiiti. Yerusaalame teesso assi're 29 diro gashshino. Amasi Abiya Zakkaariyaasi beettooti.

ISAYAASI 1:1

Ani Isayaasi Amootsi beettooti. Tini sokka Ooziya, Iyoaataami, Akaazinna Hiziqiyaasi Yihudaho mookku waro, Yihudunna Yerusaalamete daafira kulloonniete.

ISAYAASI 1:2

Kaaliiqi, «Gordonna baatto, macciishshe! Seekke lossi'roommoti ooso'ya anera gara gibbinoe.

ISAYAASI 7:1

Ooziya beetti Iyoaataami ilinohu Akaazi Yihudaho moohi yannara, Sooriyu moote Retsiininna Israeelete moote Remaaliya beetti Faaquhe ola kayissara hasidhe Yerusaalame daggu; ikkollana qeela didandiitino.

ISAYAASI 7:9

Israeelete umino Samaariyaholla; mootensano Faaquheetilla. « ‹Amma'natenni kaajjitine uurra hoogginiro, horonta diheedhinanni yiino› » yoommo.

ERMIYAASI 26:18

«Morisheeti Katamihu Mikiyaasi Yihudu moote Hiziqiyaasi yannara himanaanchoho. Isino Yihudu manni baalunkura, Olantote Mootichi Kaaliiqi, ‹Tsiyooni loosi'nanni gati gede ikke hawuuramanno; Yerusaalameno diingoonni duuno gede ikkitanno; Qullaawu Mini noo gaarino dubbo ikkanno› yee coyi'rino.

HOOSEI 1:1

Ooziya, Iyoaataami, Akaazinna Hiziqiyaasi Yihudaho hoode hoodete mookku yannara, Yoaasi beetti Iyorbiaamino Israeelete moohe hee'reenna Kaaliiqi Bieeri beetti Hooseira kulinosi himani kunninni aane nooho.

HOOSEI 4:15

«Ki'ne Israeelete manni anera ammanama gibbinirono, Yihudu manni tenne sao giddora eanno gede assitinoonte. Kunnira ane magansidhinara Galgala woy Beetiaweeni hadhinoonte. ‹Kaaliiqi Halaaleeti› yitineno su'mi'yanni xaartinoonte.

HOOSEI 8:14

«Israeelete manni uminsara jajjabba mootete minna mi'nino. Ane Kalaqaanchonsa kayinni hawino. Yihudu mannino haammata qiishote katamma mi'nino. Ikkollana katammansanna qiishonsa ittanno giira soyemmo» yii.

AMOOTSI 1:1

Ooziya yinanni moote Yihudaho, Yoaasi beetti Iyorbiaami qole Israeelete moohi waro, Teqoa Katamira ge'reewo allaa'litannori giddonni mittu Amootsi, baatto milli yitara 2 diri gate hee'reenna Kaaliiqi Israeelete manni daafira kulinosi sokka kunninni aante noote.

AMOOTSI 6:1

Israeelete manni ayirrisanno'nerinna huucci'ranno'neri, Tsiyooni qawaaxxaamminna, Samaariyaho waajjitinikkinni heedhinanniri, egennantinoonni gashshaano, ki'nera aanne'e!

MIKIYAASI 1:5

Kuni baalu ikkannohu Israeelete manni cubbo loosatenni Magano dadillisinohuraati; Israeelete manni baora kaima ikkinohu ayeti? Jawiidi katamansa Samaariya di"ikkino? Yihudu manni kaphu maganna magansi'ratenni cubbo loosanno gede assinohuno ayeti? Yerusaalame di"ikkitino?

MIKIYAASI 3:9

Ki'ne halaalaanchimma gibbinanniri, halaale kaphoho soorritinanniri Israeelete gashshaano konne coye macciishshe.

IMBAAQOOMI 1:1

Kaaliiqi himanaanchu Imbaaqoomira ajuujatenni leellishinosi himani kunninni aane nooho.

LAYINKI PHEEXIROOSI 1:21

Mayira yiniro, aye himanino mannu fajjonni didayino; ikkollana himana Qullaawu Ayyaani massagino manni Maganuwiinni adhe coyi'rino.