MARRO 9:5 - Qullaawa Maxaafa

⁵ Baattonsa martine ragidhinannihu keeraanchimma'nenni woy wodani'ne sumbenni kainohunni ikkikkinni, annuwa'nera Abirihaamira, Yisihaaqiranna Yaiqoobira aansara xaarino qaale wonshara Magani'ne Kaaliiqi tenne daga bunshensanni kainohunni albi'nenni shorrannohuraati.

MARRO 9:5 ပူးပေါင်းရင်းမြစ်များ

KALAQAMA 12:7

Kaaliiqi Abiraamira leelle, «Tenne baatto sirchikkira eemmohe» yiisi. Kunnira, Abiraami leellinosi Kaaliiqira hakko darga kakkalote darga seekki.

KALAQAMA 13:15

La"atto gobba baala ateranna sirchikkira geedonnita asse eemmohe.

KALAQAMA 15:16

Sirchikki kawiichira galagale higannohu 400 diri gedensaanniiti; hakkeeshsha keeshshitannohuno Amooraawoota cubbinsa bati'reenna qorichishe tenne gobbanni fushshe hunammo geeshshaati» yiisi.

KALAQAMA 15:7

Kaaliiqi qole, «Tenne baatto ragi'ratto gede aammohera Keledootu gobbanni Uurinni fushshoommohehu Kaaliiqi aneeti» yiisi.

KALAQAMA 17:8

Wosinchimma hee'rattota Kana"aani Gobba baala, geedote ikkitanno gede ateranna ate gedensaanni sirchikkira eemmo; insarano Maganonsa ikkeemmo» yiisi.

KALAQAMA 19:29

Maganu Looxi hee'rannota lagaho noo katamma huni yannara Abirihaami qaagi. Kunnira Looxi hattenne bao mereerinni haa're fushshisi.

KALAQAMA 26:4

Sirchokkino gordu beeddahe gede asse batiseemmo; tenne baatto baalano sirchikkira eemmo; baattote aana heedhanno gosa baala insanni maassantanno.

KALAQAMA 28:13

Kaaliiqino aleenni hige uurre, «Ani, annikki Abirihaaminna Yisihaaqi Magani Kaaliiqaati; ateranna sirchikkira ikkitanno gede tenne goxxe nootto baatto eemmohe.

FULO 32:13

‹Sircho'ne gordu beeddahe gede batiseemmo; tenne kulummo'ne baatto baala sirchi'nera hegere iqqa asse eemmo› yite su'mikkinni xaarte soqqamaasinekkira Abirihaamira, Yisihaaqiranna Yaiqoobira oottonsa hexxo qaagi» yii.

HIZIQEELI 20:14

Ikkollana, Israeele Gibitsete gobbanni haa're fushshannansa lai manni albaanni su'mi'ya arrassamannota giwoommo daafira hatto diassoommo.

HIZIQEELI 36:22

«Xa kune ani Mootichu Kaaliiqi insara yeemmore baala kulinsa. Kunni ka'a asseemmore, martini gobba baalate xonsiissinoonnihu qullaawu su'mi'ya daafira yee asseemmo ikkinnina ki'ne Israeelete daafira yee di"ikkino.

HIZIQEELI 36:32

Israeele, Konne baala asseemmohu ki'ne daafira yee ikkinokkita affe! Assitinoonni sao baalate saalfattinanni shollitinanni gede hasi'reemmo. Ani Mootichu Kaaliiqi konne coye coyi'roommo» yii.

LEEWAAWOOTA 18:24

«‹Kunni baalunkunni mitturinnino umo'ne batteessitinoonte; albi'nenni shorreemmo daga kunni coyi baalunkunni battaabbinote.

LEEWAAWOOTA 18:25

Baatto nafa gattukkinni battaabbino; anino cubbisera yee qorichishoommose. Kunnira, aanase hee'ranno manna tuffino.

MIKIYAASI 7:20

Bi're albi dirinni kayisse annuwankera oottonsa hexxo garinni, Yaiqoobira ammanamakki, Abirihaamira bagamannokkiha baxillekki wonshi.

SOQQAMAASINETE LOOSO 3:25

Ki'ne himanaanote ragi'raasineeti. Maganu Abirihaamira, ‹Baattote aana noo manni baalu sirchikkinni maassamanno› yee annuwankera eino gondoorono ragidhinanni.

ROOMU SOKKA 11:28

Israeele Dancha Duduwo adha hoogansanni Maganoho diina ikkitino. Hakku coyi ki'ne Dagate qiniite ikkino'ne. Doorshu garinni ikkiro kayinni, albi annuwa widoonni qole Maganu baxannonsareeti.

ROOMU SOKKA 15:8

Hatto yaa'ya, akaakkate uyinoonni hexxo wo'mitanno gedenna Maganu ammanaminoha ikkinota leellishate Kiristoosi Ayihudete soqqamaancho ikkino yaate.

MARRO 1:8

Kuneeti tenne baatto oommo'ne. Ani Kaaliiqi annuwa'nera Abirihaamira Yisihaaqiranna Yaiqoobira insa gedensaannino sirchinsara aammora xaaroommo gobba e'ine ragidhe› yiino» yiinsa.

MARRO 12:31

Insa magansidhanno woyite, Kaaliiqi giwanno coye baala assitanno. Oosonsa nafa magannansara giirte kakkaltanno. Kunni daafira, Magano'ne Kaaliiqa insa magansidhanno garinni horonta magansidhinoonte.

MARRO 18:12

Konne coye assannoha baalanka Kaaliiqi dibaxanno. Kunni bushu rosinsanni kainohunni Magani'ne Kaaliiqi hattenne daga albi'nenni shorranno.

MARRO 18:9

«Magani'ne Kaaliiqi aanno'ne gobba iillitinanni yannara, hakkiicho heedhanno dagata busha woga ha'runsitinoonte.

MARRO 20:18

Insa shaa hoogginiro magannansa magansidhanno gara rosiisseenna'ne, Magani'ne Kaaliiqi aana cubbo loossinanni.

TIITO 3:5

ninke keeraanchimmanni ikkikkinni, isi maarosinni gatisinonke. Gatisinonkehuno haaro ilama hayishshi'ranninna Qullaawu Ayyaani widoonni afi'noommo haaroo'manniiti.