MARRO 9:3 - Qullaawa Maxaafa

³ Ikkollana, uyino'ne hexxo garinni Magani'ne Kaaliiqi ittanno giira gede ikke balaxe alba'neenni fulannoha ikkinota xa affinanni. Insano hunanno; ille'nenni la'inanna qeelannonsa. Ki'neno insa rahotenni shorritine huntinanni.

MARRO 9:3 ပူးပေါင်းရင်းမြစ်များ

FULO 23:23

Sokkaasinchi'ya alba'neenni ha'ranni, Amooraawootu, Hitootu, Ferizootu, Kana"aanootu, Hiwootunna Iyaabuusootu gobba haa're massanno'ne; anino insa huneemmo.

FULO 24:17

Ilaalu aana noohu Kaaliiqihu ayirrinyu xawaabbi Israeelete mannira bubbanno giira gede ikke leellinsa.

ISAYAASI 27:4

Layinkimeeshsho woyine'ya kaashshi dargira dihanqeemmo; hakkiicho mu're kaashsho hunanno utanna kokko'le, buqqise co'o asse giire huneemmo.

ISAYAASI 30:27

Kune, Kaaliiqiti wolqasinna xirchisi xeertote leellanno. Buwanunna wiliile hanqisi malaateeti; qaalisi ittanno giiraati.

ISAYAASI 30:30

Kaaliiqi mannu baalu ayirrado huurosi macciishshanno gede assanno; wolqaataamu qorichisi buwanno hanqinna ittanno giira, wishote, baradatenna kaadete ledo dirranno gede assanno.

ISAYAASI 30:33

Lowo dirira albaanni, Asoori moote giirrannihu, giirate dargi qixxaawe no. Hakko hala'ladonna diime ikkino dargano, lowo haqqe duunnoonni; haqqeno ruqanu gedeehu Kaaliiqi fooli itanno.

ISAYAASI 33:14

Tsiyooni heedhanno cubbaataammi waajjitanno; maganiweelo gosano qece yite huxidhanno. Insano, «Xo'annokki giira Kaaliiqi hanqite ledo, hee'ra dandaannohu ayeti» yitanno.

MIKIYAASI 2:13

Maganu mannasi qafadotenni fushshara hala'lado doogo fanannonsa. Qafadante noo katami cufanano hiiqqite keerunni fultanno. Kaaliiqi umisi mootensa ikke albansaanni ha'ranni massagannonsa.

MAATEWOOSI 15:10

Yesuusi manna isiwa woshshe, «Macciishshitine huwatte!

MAARQOOSI 7:14

Yesuusi xaano manna woshshe gamba asse, «Baalunku ani yeemmore macciishshitine wodanche!

ROOMU SOKKA 8:31

Xa kunni coyira ma yineemmo? Maganu ninke ledo hee'riro, qeelankera dandaannohu ayeti?

EFESOONI SOKKA 5:17

Mootichu hedo maatiro wodanche ikkinnina, gowwoota ikkitinoonte.

MARRO 1:30

Alba'neenni ha'rannohu Magani'ne Kaaliiqi kunni albaanni ille'ne la'anna Gibitsete assi'nente gede, xaano ki'nera gaaramanno.

MARRO 20:1

«Diinna'ne qassinara olaho fultinanni yannara, faradi gaarensanna faradinsa ki'nerinni roore leelli'nero nafa waajjitinoonte. Gibitsetenni fushshino'nehu Magani'ne Kaaliiqi ki'ne ledo no.

MARRO 20:4

Magani'ne Kaaliiqi ki'ne ledo olaho fule olamanno daafira qeelle afidhinanni› yee coyi'rona.

MARRO 4:24

Magani'ne Kaaliiqi ittanno giiraati. Wole magano banxanna lae cincannokki Maganooti.

MARRO 7:16

Magani'ne Kaaliiqi anga'nera sayise aanno'ne gosa baala gatissinikkinni shiiyye; marartinoonte. Woshshaadote gede ikkite amaddanno'nena, magannansa magansidhinoonte.

MARRO 7:22

Magani'ne Kaaliiqi tenne gosa shiimu shiimunni albi'nenni hoolanno. Dubbu moyichi bati'ranno daafira, baalanka mitte higgine huntinara difajjinanni'ne.

MARRO 9:6

Kunnira, Magani'ne Kaaliiqi tenne dancha baatto ragidhinanni gede aanno'nehu keeraanchimma'nenni kainohunni ikkinokkita buuxxe. Ki'ne haxo mokkookkootaho.

LAYINKI TESELONQE 1:8

Hatte yannara, Magano egentinokkirenna Danchu Duduwi Mootichu Yesuusihura hajajantannokkire qorichishanno.

IBIRAAWOOTA 12:29

Maganinke ittanno giiraati.

IYYAASU 11:12

Iyyaasu tenne katamma baalantanna mootoollansa baala amadi; bagadunnino gudi. Kaaliiqi soqqamaanchi Muse hajajino gede assino.

IYYAASU 11:8

Kaaliiqi Israeelootu insa qeeltanno gede assi. Israeelootuno ola kayisse aliyyenni Misirefotimayiminna Sidoonu geeshsha, soojjaatoonnino Mitsipha Lagichi geeshsha shorritunsa. Diinu widihu mittu manchi nafa gatikkinni baalunku goofa geeshsha olu diuurrino.

IYYAASU 14:12

Kunnira, hakko barra Kaaliiqi uyinoe hexxo garinni, tenne gaaraame gobba anera ragisiisinoe. Ninke hatte yannara Enaaqootaho yinanni haxiriggoota, jajjabba qiinshoonni katamma giddo heedhannore ikkitinota coyi'ranke baala atino afootto. Xaano ikkiro, Kaaliiqi kaa'lannoe daafira coyi'rino garinni fushshe shorrammora dandeemmo» yii.

IYYAASU 3:11

baatto baalate Mootichi Kaaliiqihu Gondooru Taabooti balaxe alba'neenni hige Yordaanoosi Waa fulanno yannaraati.

IYYAASU 3:14

Hatti wogga gide gamba assinannita ikkitinohura, wayi wo'me no. Mannu Yordaanoosi Waa fulara qacha agure kai yannara, Gondooru Taaboota dukkino qeesooti balaxxe albaanni higge ha'ra hanaffu; qeesootu wayi giddora e'anni heedheennanni,

EJJEETTO 4:14

Hatte yannara Diboora Baaraaqi, «Kai, Kaaliiqi Sisaara angakkira sayise uyino barri konneeti; kuneeti Kaaliiqi balaxe albakkiinni fulino» yitusi. Baaraaqino 10,000 manna hoodete adhe Taaboori Ilaali aaninni dirri.