MARRO 9:26 - Qullaawa Maxaafa

²⁶ ‹Mooticha Kaaliiqa'ya, jawimmakkinni woxxoottohanna jawaata cigilekkinni Gibitsetenni fushshoottoha woxekki ikkinoha mannakki huntooti.

MARRO 9:26 ပူးပေါင်းရင်းမြစ်များ

LAYINKI SAAMUEELI 7:23

Ateta assidhe Gibitsete borojjimmanni gatisse fushshoottoti Israeelete gedee gosa mama no? Wole daga shorrite dhaggenna maalale assite mannikki hee'ranno gede baattonsanni magannansa baala guddeenna su'mikki ayirrinsanniha ikkino.

UMI MOOTOOLLA 8:51

Insa ate mannaatinna iqqakkiiti; booso giira gede ittannotenni Gibitsete gobbanni fushshootto mannakkiiti.

UMI MOOTOOLLA 8:53

Mooticha Kaaliiqa! Akaakkanke Gibitsetenni fushshitto waro, gosa baalate giddonni Israeele doodhoottota ikkitinota soqqamaanchikki Muse widoonni qolte coyi'rootto» yii.

NEHIMIYA 1:10

«Magano, kuri soqqamaanokkiitinna umikki mannaatiwe. Kunni albaannino jawa wolqakkinninna jawaata cigilekkinni gatisoottonsa.

FAARSO 106:23

Maganu mannasi hunara kaita, doorinosihu Muse mereeroho uurre, hunannonsakki gedenna hanqosino aguranno gede Magano huucci.

FAARSO 107:2

Ki'ne Kaaliiqi gatisino'neri, iso galattesi; isi diini'ne anganni gatisino'ne.

FAARSO 28:9

Mannakki gatisi; utuwakkino maassi'ri; allaalinsa; hegere geeshsha hanqaffe amadinsa.

FAARSO 57:1

Lubbo'ya ate addaxxitinona mararie; Magano ballo, mararie; qarru dambali sa"a geeshsha, qoolikki giddo maaxameemmo.

FAARSO 77:15

Yaiqoobinna Yooseefi sircho mannakki, wolqakkinni gatisootto.

FAARSO 78:35

Maganu golonsa ikkinota, Wo'munkura Aliidi Magani gatisaanchonsa ikkinota qaaggu.

FAARSO 99:6

Musenna Aarooni isi qeesootaati; Saamueelino iso huuccituri giddo mittikkiho. Insano Kaaliiqa woshshitu; isino yee yiinsa.

FULO 15:13

Bagamannokki baxillikkinni gatisoottoha mannakki haadhe fushshootto; wolqakkinni, hee'rattowa qullaawu dargira haadhe ha'rootto.

FULO 33:13

Baxattoeha ikkiro, hedoottori maatiro kulie; konne mannano ateha assite doodhoottota qaagi» yii.

FULO 34:9

«Mooticha'ya ballo, baxattoeha ikkiro, kuni manni mokkookka ikkirono, ledonke fulatto gede huucci'reemmohe; cubbonkenna saonke agurte mannakki assi'rinke» yii.

ISAYAASI 44:23

Kaaliiqi mannasi Israeele gatise jawimmasi egensiisinona, ki'ne gorduwa hagiidhitinanni faarse! Baatto atino ilillisi Ilaalla, dubbunna giddo heedhinoonni haqqe baala, hagiidhitinanni kukkubbe!

ISAYAASI 63:19

Ninke ati gashshoottonkekkirenna, ate su'minni woshshammeemmokkire ikkinummonkunni barru keeshshino.

ERMIYAASI 14:21

Su'mikki daafira yite mishshootinke; ayirrado barcimakkino shollishshooti. Ninke ledo eootto gondooro qaagi; diiggooti.

ERMIYAASI 15:1

Kaaliiqi, «Musenna Saamueeli huucciteennae nafa konne manna dimaareemmona, albi'yanni ho'lanno gede assi.

ERMIYAASI QURTO 2:20

Kaaliiqa'ya lai! Ninke gede assite wole qorichishoottoni? Meentu ilansanna lossi'rino ooso itona? Qeesootanna himanaano Qullaawa Mine shinona?

MIKIYAASI 6:4

Gibitsete gobbanni borojjimmate mininni wodoommo'ne; Muse, Aarooninna, Maariyaami alba'neenni hadhanni massaganno'ne gede assoommo'ne.

MARRO 13:5

Gibitsete gobbanni borojjimmatenni wode fushshino'nehu Magani'ne Kaaliiqi aana bunshe assitinanni gede kayisanno'ne. Magani'ne Kaaliiqi doogonni wirri yitinanni gede assanno'nena, konne himanaanchonna haaqii'raancho shinona. Kunni garinni busha mereeri'nenni hunne.

MARRO 15:15

Ki'ne umi'ne Gibitsete gobbara borojje ikkitine heedhinoonnitanna Magani'ne Kaaliiqi wode haa'rino'neta qaagge. Techo tenne hajajo eemmo'nehu kunni daafiraati.

MARRO 21:8

Kaaliiqa, Gibitsetenni wodde abboottohura Israeelete mannira yite dallaa agurinke. Mannakkino kunni beebbaataamu reyora xa'mammeemmore assitootinke› yoona.

MARRO 32:9

Kaaliiqi Yaiqoobi sircho, umisi manna asse doodhino.

MARRO 7:8

Ikkollana, ki'ne jawaata angasinni fushshino'nehu, borojjimmatenninna Gibitsete moote Feriooni anganni wodino'nehu, Kaaliiqi ki'ne baxino'nehuraatinna annuwa'nera xaarino xaaro agarinohuraati.

MARRO 9:12

Hakkunni gedensaanni Kaaliiqi, ‹Kai! Gibitsetenni fushshittohu mannikki battaawinona kawiinni rakke dirri. Hajajo'yawiinni rahe fafino; daashshine seekkinoonniha kaphu magano qixxeessi'rino› yiinoe.

MARRO 9:27

Soqqamaanokki Abirihaami, Yisihaaqinna Yaiqoobi qaagi. Kunni mannita wodaninsa haxawarrimma, bunshenna cubbo kiirtooti.

MARRO 9:29

Insa kayinni wolqakkinninna jawaata angakkinni fushshootto mannaatinna doodhootto gosaati› » yee huucci'roommo.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.

IBIRAAWOOTA 9:12

Isi Qullaawu Holgira layinkimeeshsho lendannikki garinni umisi mundee haa're einota ikkinnina, meunnitanna boottate mundee haa're dieino. Kunni garinni hegere gato abbinonke.

YOHAANNIS AJUUJA 5:9

Insa, «Xaanxoonniha borrote goga haa'rate, sumudano tirate maloottohu ateeti. Gorramoottona; mundeekkinni ga're baala, addi addi afoo coyi'rannoha baala, gosanna sircho baala wodde,

UMI SAAMUEELI 7:9

Saamueelino mitto qananni nooha ge'rechu wilii'licho haa're, gudise shilqote kakkalo asse Kaaliiqira shiqishi. Israeelete daafirano Kaaliiqa huucci. Isino huuccattosi macciishshi.