MARRO 9:18 - Qullaawa Maxaafa

¹⁸ «Hakkunni gedensaanni, Kaaliiqi albaanni cubbo loossine assitinoonni bunshenni hanqissinoonnisi daafira, ita aga agure shoyilloo hashshanna shoyilloo barra galagale Kaaliiqi albaanni gombisamoommo.

MARRO 9:18 ပူးပေါင်းရင်းမြစ်များ

LAYINKI SAAMUEELI 12:16

Daawitino qaaqqisi daafira Magano huucci'ri. Itanna agano agure, baalanka hashsha uulla kadhe goxi.

UMI MOOTOOLLA 19:8

Isino kae sagale ite waano agi. Hattenne itino wolqanni Siina yinannihu Kaaliiqi ilaali geeshsha 40 barranna 40 hashsha wo'ma ha'ri.

IZIRA 10:6

Hakkunni gedensaanni, Izira Maganu Mini albinni kae, Eeliyaasiibi beetti Yihohanaani noowa ei. Qafadotenni higino manni ammanama hoogansanni assino sao daafira wi'lanni keeshshi; mittoreno di"itino, diagino.

FAARSO 106:23

Maganu mannasi hunara kaita, doorinosihu Muse mereeroho uurre, hunannonsakki gedenna hanqosino aguranno gede Magano huucci.

FULO 34:28

Hakkiicho Muse itikkinninna agikkinni Kaaliiqi ledo 40 barranna 40 hashsha keeshshi. Tonnenta gondooru hajajono bocame kinna aana borreessi.

FULO 34:9

«Mooticha'ya ballo, baxattoeha ikkiro, kuni manni mokkookka ikkirono, ledonke fulatto gede huucci'reemmohe; cubbonkenna saonke agurte mannakki assi'rinke» yii.

MARRO 10:10

Qoleno Muse, «Anino albinte gede, ilaalu aana huuccanni 40 hashshanna 40 barra keeshshoommo. Kaaliiqino huuccatto'ya macciishshinoe; ki'ne huneemmo yiinotano agurino.

MARRO 9:17

Kunnira, anga'ya noota lamenta bocame kinna tuge alba'neenni hiiqqaqqoommo.

MARRO 9:25

«Kunninni kainohunni, Kaaliiqi hunanno'ne gede coyi'rinohura, hakkonne shoyilloo hashshanna shoyilloo barra Kaaliiqi albaanni diriire,

MARRO 9:9

Kaaliiqi ki'ne ledo eino gondooro borreessinoonnita bonce seekkinoonni kinna haa'rammora ani ilaalu iimira fuloommo. Hakkiicho mittoreno itummokkinninna agummokkinni 40 hashshanna 40 barra keeshshoommo.