MARRO 9:10 - Qullaawa Maxaafa

¹⁰ Kaaliiqi angasinni borreessinota 2 bocame kinna uyinoe. Xaadoho gamba yitini barra Kaaliiqi ilaalu aana, giirate giddo hee're ki'nera kulino'ne hajajo baalanti hattenne kinna aana borreessante no.

MARRO 9:10 ပူးပေါင်းရင်းမြစ်များ

FULO 31:18

Maganu Siina Ilaalira Muse ledo hasaawa gudihu gedensaanni, angasinni borreessinota boncoonni kinna gondoorunnita uyisi.

MAATEWOOSI 12:28

Ani durriisa Maganu Ayyaaninni fushsheemmoha ikkiro kayinni, Maganu Gashshooti ki'newa dayino yaate.

LUQAASI 11:20

Ani durriisa Maganu wolqanni fushsheemmoha ikkiro, kuni coyi Maganu Gashshooti ki'newa iillinota leellishanno.

LAYINKI QORONTOOSI 3:3

Ninke soqqanshonni dagginoonniri ki'ne, Kiristoosi sokka ikka'ne xawoho. Tenne sokka heeshshote Magani Ayyaaninni ikkinnina kuulunni diborreessinoonni. Mannu wodani giddo ikkinnina bocame kinchi aana diborreessinoonni.

MARRO 10:4

Kaaliiqi alba xaadu barra giirate giddo hee're ki'nera coyi'rino'neta alba borreessinota tonnenta hajajo tenne bocame kinna aana borreessino. Kaaliiqi tenne bocame kinna anera uyino.

MARRO 18:16

«Korebi Ilaalira songitini barra, ‹Reyineemmo› yitine waajjitinoonnihura Kaaliiqi coyi'ranno'nekki gedenna isonoo egensiisannota waajjishshanno giira la'inannikki gede huuccidhinoonni.

IBIRAAWOOTA 8:10

«Tenne yanna gedensaanni Israeelete ledo e"eemmo gondoori konneeti» yaanno Mootichu. «Seera'ya giddonsa woreemmo; wodaninsarano borreesseemmo. Ani Maganonsa ikkeemmo; insano manna'ya ikkitanno.