MARRO 8:7 - Qullaawa Maxaafa

⁷ Magani'ne Kaaliiqi gaarratenni lolahanno xashshinna laggatenni fultanno bu'a noowa dancha baatto haa're massanno'ne.

MARRO 8:7 ပူးပေါင်းရင်းမြစ်များ

KALAQAMA 49:11

Ati harrichokki woyinete damattera, ilmichokkino woyinete sinira usudhatto. Uddanokki woyinete xajjenni, seemmakkino duume mundee labbanno huuncamenni hayishshi'ratto.

LAYINKI MOOTOOLLA 18:32

Kuni ikkannohu ani ki'neta labbanno baattora masse worammo'ne geeshshaati. Hatte baattono woyinete haqqenna haaro woyinete xajje, ejersu laalonna ejersu zayite, malawunna gidu fulannote› yiinoe. «Kunnira, moote yiino'ne gede ikkitiniro lubbotenni heedhinannita ikkinnina direyitinanni. Hiziqiyaasi, ‹Kaaliiqi gatisannonke› yaanni gowwisoonke'ne.

FAARSO 104:10

Bu'a laggate giddo du'nantanno gede, hadhanno wayibba ilaallate mereeroonni higge lolakkanno gede assootto.

FAARSO 106:24

Maganu uyinonsa hexxo ammantinokki daafira, dancha baatto mishshu.

FULO 3:8

Gibitsootu anganni gatisammonsara dirroommo. Gibitsetenni fushshe Kana"aanootu, Hitootu, Amooraawootu, Ferizootu, Hiwootunna Iyaabuusootu heedhannota adonna malawu wo'minota hala'ladonna shaqqado baatto eemmonsa.

ISAYAASI 36:17

Kuni ikkannohu Asoori moote ki'neta labbanno baattora masse wora'ne geeshshaati. Hatte baattono woyinete haqqenna sagalete ikkanno gidi fulannote.

ISAYAASI 5:1

Ayirradu baxillaanchi'yanna, woyinete kaashshi daafira faarseemmo. Baxillaanchi'yara lowo geeshsha shaqqadu gaari aana, woyinete kaashshi noosi.

ERMIYAASI 2:7

Laalchosenna wole atoote baala ittanno gede, danchanna shaqqado gobba haa're abboommonsa. Insa kayinni baatto'ya batteessitu; iqqa asse oommonsata baatto'ya huntu.

HIZIQEELI 17:5

Hakkunni gedensaanni, Israeelete gobbanni fullo guma haa're, waa afi'ranni lophannowa mittowa shaqqado darga masse kaasi.

HIZIQEELI 20:6

Gibitsetenni fushsheemmonsatanna ani doorommonsatewa malawunna ado lolakkannota roore baatto haa're masseemmonsa gede hexxo oommonsahu hakka warooti.

MARRO 8:6

«Iso ayirrisatenninna doogosi ha'ratenni Magani'ne Kaaliiqi hajajo agadhe.

MARRO 8:8

Iseno qamade, hayixe, woyinetenna balasete haqqe, roomaanete laalo, zayitete ejedhenna malawu hee'ranno baattooti.

EJJEETTO 18:10

Martinanni woyite yaadikkinni hee'ranno mannira aanaho fultinanni; baattono hala'ladote. Maganu, mitturino hoongokki gobba angankera sayise uyinonke» yitunsa.