MARRO 8:3 - Qullaawa Maxaafa

³ Kaaliiqi affinaranna rosiisa'nera yee hudiissino'ne. Ki'nenna annuwa'ne affinoonnikkita menna yinanni sagale itisino'ne. Hatto assinohu mannu Maganu afiinni fulanno qaali baalunni ikkinnina sagale callatenni hee'rannokkita egensiisa'neraati.

MARRO 8:3 ပူးပေါင်းရင်းမြစ်များ

FAARSO 105:40

Xa'midhu yannara hanshaqqe soyinsa; gordunni sagale soye duushshinsa.

FAARSO 37:3

Uullate aana keere hee'ratto gede, Kaaliiqa addaxxi; dancha coyeno assi.

MAATEWOOSI 4:4

Yesuusi kayinni, «‹Mannu Maganu afiinni fulanno qaali baalunni ikkinnina, sagale callatenni dihee'ranno› yine borreessinoonni» yee dawarisi.

LUQAASI 4:4

Yesuusi daware, «‹Mannu sagale callatenni dihee'ranno› yine borreessinoonni» yiisi.

UMI QORONTOOSI 10:3

Baalunku hattenne ayyaanaame sagale ittino.

MARRO 29:5

Kaaliiqino, ‹40 diro wo'ma moola baattora albisummo'ne yannara, uddano'ne diakkaltino; lekka'ne koatteno digooffino.

MARRO 29:6

Timunni roortinota addi sagale, woyinete xajjenna wole dimbisanno ago diagginoonni. Hatto assoommohu ani Kaaliiqi Magano'ne ikkoommo gede affinaraati› yiino.

MARRO 32:47

Kuni qaali ki'nera seeda heeshsho aanno'neho ikkinnina, mullicho qaale di"ikkino. Kunni qaalinni Yordaanoosi Waa fultine ragidhinanni baattora seeda diro heedhinanni» yiinsa.

MARRO 9:9

Kaaliiqi ki'ne ledo eino gondooro borreessinoonnita bonce seekkinoonni kinna haa'rammora ani ilaalu iimira fuloommo. Hakkiicho mittoreno itummokkinninna agummokkinni 40 hashshanna 40 barra keeshshoommo.