MARRO 8:17 - Qullaawa Maxaafa

¹⁷ Miteekkitine wodani'nenni, ‹Tenne jiro afi'noommohu wolqankenniitinna jawaantenkenniiti› yitine heddinoonte.

MARRO 8:17 ပူးပေါင်းရင်းမြစ်များ

IYYOOBI 31:25

lowo jiro afi'roommo yee naaxxoommoha ikkiro,

FAARSO 44:3

Baatto ragidhinohu dibagadinsanniiti; wolqansano digatissinonsa; qiniinonsahu, ati baxattonsanna, ledonsa heedhe kaa'loottonsa daafiraati.

ROSIISAANCHO 3:6

Hanse afi'rate yanna no; afi'noonniha hoogateno yanna no. Gamba asse worate yanna no; billaallise hunateno yanna no.

ROSIISAANCHO 9:11

Tenne kalqe aana laoommohu wolu coyino no. Rakke doddannori wo'ma woyite diqolchitanno; bareedda wo'ma woyite diqeeltanno; egennaammu wo'ma woyite diduubbanno; busullaaddu wo'ma woyite diduroo'mitanno; egennaammu wo'ma woyite diayirritanno. Ikkollana, wo'munkura yannanna kaayyo xaaddannonsa.

ERMIYAASI 9:22

Kaaliiqi, « ‹Mannu reeshshi ishinu gede base baalate tugamanno; minde worroonniwiinni, gamba assinannikki gidi gede ikkanno› yite, mannaho kuli» yiie.

HIZIQEELI 28:5

Daddalu hayyo afi'rootto daafira, jirote aana jiro duu'nootto; jirokki batinyinni kainohunni naaxxootto.

DAANIEELI 4:27

Kunnira moote'ya! Ani eemmohe mala macciishshi; cubbo loosa agurte, wo'manka woyite dancha coye assi; sao assa agurte gadadaamma marari. Hatto assittoro lowo yanna keere hee'ratto.

DAANIEELI 4:30

‹Kuni jawu Baabilooni Katami hee'rammora, jawimma'yanna ayirrinye'ya leellishate wolqa'yanni minsiisi'roommoha di"ikkino?› yoommo.

HOOSEI 12:8

Insa, ‹Ninke dureeyye ikkinoommo; lowo jirono gamba assi'noommo. Duroo'mitinohu doogimaletenniiti yee sao aananke afannohu dino› yitanno.

IMBAAQOOMI 1:16

Qawaaxxidhe heedhanno gede kaa'lannonsare baala abbitannonsa daafira woshshaadonsara kakkalo shiqishshanno.

UMI QORONTOOSI 4:7

Ati wolu mannira aliidiha assinohehu ayeti? Noohere baala uyinohehu Magano di"ikkino? Uyinoonnisikkihu gede ikkite umokki mayira bokkeessattoyya?

MARRO 7:17

«‹Tini daga ninke roortinona hiitto assine hunneemmo?› yitine wodani'nenni yaaddinoonte.

MARRO 9:4

«Magani'ne Kaaliiqi insa albi'nenni hoolihu gedensaanni, ‹Tenne baatto ragi'neemmo gede Kaaliiqi kawiichira abbinonkehu, keeraano ikkinoommo daafiraati› yitine wodani'nenni heddinoonte. Kunninni di"ikkino; tenne daga Kaaliiqi albi'nenni shorrannohu bunshensanni kainohunniiti.

EJJEETTO 7:2

Kaaliiqi Gedewoonira, «Midiyaamoota anga'nera sayise aate ledokki noo manni lowo geeshsha bati'rino. Israeele uminsa wolqanni gattinoha laweennansa boo'nite anera ayirrinye ho'litannoena,

UMI SAAMUEELI 2:7

Kaaliiqi buxisanno; qoleno duroonsanno; shollishanno; qoleno gotti gotti assanno.

UMI SAAMUEELI 30:23

Daawiti qole, «Roduuwa'ya, agarinonkehunna horrinonke diina angankera sayise uyinohu Kaaliiqaati. Isi uyinonkerira ki'ne togo assa dihasiissanno'ne.