MARRO 8:16 - Qullaawa Maxaafa

¹⁶ Gedensaannino seyanno'neta affinanni gede assa'neranna jife la"a'nera, annuwa'ne affe egentinokki sagale menna halallitte baattora itisino'ne.

MARRO 8:16 ပူးပေါင်းရင်းမြစ်များ

KALAQAMA 22:1

Hakkunni gedensaanni, Maganu Abirihaami jife laisi. Qoleno, «Abirihaami!» yee woshshisi; isino, «Mooticha'ya macciishsheemmona coyi'ri» yee dawari.

LAYINKI DUDUWO 32:31

Ikkollana Baabilooninni sonkoonni manni dhaggete malaati gobbasihu daafira xa'mara dayi yannara, Maganu wodanisi giddo noore fonqole afara yee facci asse agurinosi.

IYYOOBI 42:12

Kaaliiqi Iyyoobita goofimarchu heeshsho albitenni roorse maassi'ri. 14,000 ge'reewo, 6,000 gaala, 1,000 waaxa handanna 1,000 harre uyisi.

FAARSO 119:68

Ati lowo geeshsha shooshaqahonna shaqqadohona, wogakki rosiisie.

FULO 15:25

Museno Kaaliiqiwa hige raareenna, Kaaliiqi mitto haqqicho leellishisi; haqqicho haa're wayi aana tugita wayi coommi. Hakkiicho Kaaliiqi heedhanno seera uyinsa; insano jife lainsa.

FULO 16:15

Israeelete manni afe egenninokkire ikkino daafira insa insanaa, «Kuni maati?» yite xa'mitu. Museno, «Tini Kaaliiqi ittinara uyino'ne sagaleeti.

FULO 16:31

Israeele hattenne sagale Menna yitu. Kunirichi, waajjo manii'ra guma lawanno; coommillisino malawu qaso gedeeho.

FULO 16:4

Kaaliiqi Musera, «Hajajo'ya agadhitannoronna hooggannoro afate iiminni sagale dirriseemmona, mannu barru barrunkunni fule hakko barrira ikkitannota calla gamba assi'rona.

FULO 20:20

Museno mannaho, «Kaaliiqi iso ayirrissine cubbo loossinannikki gede assa'neralla dayinona waajjitinoonte» yii.

LAWISHSHA 17:3

Birranna culka giiratenni daashshinanni. Mannu wodana kayinni Kaaliiqi fonqole la"anno.

DAANIEELI 11:35

Egennaammu giddonni mito mitoho lowo qarri iillannonsa; ikkeennano kunninni kainohunni ko'rishantenna ximbiiwante fultanno. Kuni coyi Maganu hedinoti goofimarchu yanna iillita geeshsha keeshshanno.

ROOMU SOKKA 8:28

Magano baxxannorira, hedosi garinni woshshantinorira Maganu coye baala danchummate assannota anfoommo.

LAYINKI QORONTOOSI 4:17

Kuni shetisannonkehu shiimu sa"anno qarri, hakko qarrira aliidiha dhaggeeffantanniha hegere ayirrinye haa're daannonke.

MARRO 13:3

Magani'ne Kaaliiqi wo'mu wodani'nenninna wo'ma lubbo'nenni baxxinannisi gedeenni jife la"a'nera assino coye ikkino daafira, hakkunni himanaanchinna haaqii'raanchi coye macciishshitinoonte.

MARRO 8:2

Magani'ne Kaaliiqi hajajosi agadhitinannitanna hoogginannita afara, affinanni gede assa'neranna jife la"a'nera kunni shoyilluu diri giddo tenne halallitte baatto baalate asse haa're ha'rino'ne gara qaagge.

MARRO 8:3

Kaaliiqi affinaranna rosiisa'nera yee hudiissino'ne. Ki'nenna annuwa'ne affinoonnikkita menna yinanni sagale itisino'ne. Hatto assinohu mannu Maganu afiinni fulanno qaali baalunni ikkinnina sagale callatenni hee'rannokkita egensiisa'neraati.

YAIQOOBI 1:12

Jifamate yannara cincanno manchi ba'raa'rinoho. Jifamihu gedensaanni, Maganu baxannorira uyino hexxonna heeshshote ba'latto adhanno.

UMI PHEEXIROOSI 1:7

Hakku qarri iillanno'nehu ammana'ne halaalaanchimma buuxateeti. Ba"anno culka nafa giiratenni fonqolle la'nanni; culkunni roore ayirrado ammana'neno hattonni fonqolama hasiissannose. Tini fonqolantinoti ammana'ne Yesuusi Kiristoosi daanno barra galata, ayirrinyenna gaamaarre uyitanno'ne.