MARRO 7:7 - Qullaawa Maxaafa

⁷ «Kaaliiqi ki'ne baxino'nehunna doodhino'nehu wole gosanni kiiro roortineenna di"ikkino. Kiiro'ne gosa baalatewiinni lowo geeshsha ajjinote.

MARRO 7:7 ပူးပေါင်းရင်းမြစ်များ

UMI DUDUWO 16:19

Maganu manni kiiro aje noo waro, Kana"aani gobbara wosinimma hee'rino.

FAARSO 105:12

Maganu manni kiiro aje noo waro, Kana"aani gobbara wosinimma hee'rino.

FAARSO 115:1

Ayirrinyu ninkera ikkikkinni Kaaliiqa, ninkera ikkikkinni, bagamannokkihu baxillikkiranna, halaalaanchimmakki daafira ayirrinyu atera ikko.

FAARSO 44:3

Baatto ragidhinohu dibagadinsanniiti; wolqansano digatissinonsa; qiniinonsahu, ati baxattonsanna, ledonsa heedhe kaa'loottonsa daafiraati.

ISAYAASI 51:2

Anna'ne Abirihaaminna iltino'neta Saara qaagge! Abirihaami woshshummosi waro mittichosiiti; ikkollana kune maassi're sirchosi batisoommo.

ISAYAASI 63:9

Qarrinsa yanna baalantera ledonsa qarramino; sokkaasincho soye ikkikkinni, isi umisi daye baxillisinninna maarosinni gatisinonsa; bi're hundinni kayise isi duhinonsa.

HIZIQEELI 20:5

Ani yeemmoreno kulinsa; ani Israeele doorummo yannara gondooro eoommonsa; Gibitsete heedheenna anenee egensiisoommonsa. Qoleno, ‹Ani Kaaliiqi Magano'neeti› yoommonsa.

HIZIQEELI 36:22

«Xa kune ani Mootichu Kaaliiqi insara yeemmore baala kulinsa. Kunni ka'a asseemmore, martini gobba baalate xonsiissinoonnihu qullaawu su'mi'ya daafira yee asseemmo ikkinnina ki'ne Israeelete daafira yee di"ikkino.

MAATEWOOSI 7:14

Heeshshote widira massanno waalchi ruukkashshoho; doogono gurchote; ise afi'ranno manni kiiro shiimaho» yii.

LUQAASI 12:32

«Ki'ne shiima hoshsha, Anni'ne gashshootesi aa'nera hasi'rinona waajjitinoonte.

ROOMU SOKKA 11:6

Dooramansa eltosinni ikkitannoha ikkiro, loosunni di"ikkitino yaate. Loosunni ikkoommero, elto halaalunnita di"ikkitanno.

ROOMU SOKKA 9:18

Maganu maarara hasi'rinoha maaranno; mito kayinni mokkookku wodaniha assanno.

ROOMU SOKKA 9:21

Woy doru uduunne gananno manchi mitto tuutira, wole minira ikkanno gede asse gana didandaanno?

MARRO 1:10

Kuneeti Magani'ne Kaaliiqi kiiro'ne gordu beeddahe gede batisino.

MARRO 10:22

Annuwa'ne Gibitse dirritu yannara 70 manna callaho. Xa kayinni Magani'ne Kaaliiqi gordu beeddahe gede batisino'ne.

MARRO 14:2

Ki'ne Magani'ne Kaaliiqira qullaawa mannaati. Isira baxxitinoonni manna ikkitinara Kaaliiqi baattote aani gosa baalate giddonni doodhino'ne.

MARRO 4:37

Annuwa'ne baxino daafira, insa gedensaanni sirchonsa doodhinohura, ledo'ne hee're jawa wolqasinni Gibitsetenni fushshino'ne.

UMI YOHAANNISI 3:1

«Maganu oosooti» yinanninke gede Maganu Annu hiittoo baxille uyinonkero la'e; addanko, ninke Maganu oosooti. Alame Magano egentinokkihura ninkeno diegentinonke.

UMI YOHAANNISI 4:10

Baxillu togooti; Magano ninke banxoommoha ikkikkinni, isi ninke baxe cubbonke agursiisate Beettosi soyinonke.