MARRO 7:6 - Qullaawa Maxaafa

⁶ Ki'ne Israeele, Magani'ne Kaaliiqira qullaawa gosa ikkitinoonnihura, umisi woxe ikkitinanni gede baattote aana hee'ranno manni baalu giddonni ki'ne doodhino'ne.

MARRO 7:6 ပူးပေါင်းရင်းမြစ်များ

UMI MOOTOOLLA 3:8

Kune ani, ati doodhootto manni kiirre anfannikkihu giddo noommo.

IZIRA 9:2

Israeelete manni, tenne gosa seenne adhino; Maganunnihu qullaawu manni dagate ledo karsiisamino. Tenne bunshera umo ikkitinori sooreeyyenkeetinna gashshaanonkeeti» yitue.

FAARSO 114:2

Yihudu Kaaliiqira Qullaawa manna ikki; Israeeleno isi utuwa ikkitu.

FAARSO 135:4

Kaaliiqi Yaiqoobi umisiha, Israeelete mannano umisi jiro asse dhoodhino.

FAARSO 50:5

«Kakkalotenni ledo'ya gondooro e'inore, dooraminoha manna'ya anewa gamba asse» yaanno.

FULO 6:7

Umi'ya manna assi'reemmo'ne; anino Magano'ne ikkeemmo; Gibitsete borojjimma giddonni fushsheemmo'ne yannara, ani Kaaliiqi Magano'ne ikkoommota affinanni.

ISAYAASI 41:8

«Ati soqqamaancho'ya Israeele, doodhoommo manni kayinni, jaali'ya Abirihaami sirchooti.

ISAYAASI 41:9

Gobbate qaccenni haa're abboommohe; shoolente maddenni woshshoommohe; ‹Soqqamaancho'yaati› yee dooroommohe ikkinnina, tuge diaguroommohe.

ISAYAASI 6:13

Tonnu giddonni mittu manchi gatiro nafa, jajjabba haqqe karreenna gatanno cifichi gedeeha ikkanno; gatino cifichi qullaawa wixa ikkanno» yiie.

ISAYAASI 62:12

Hatti dagano, «Kaaliiqi Wodinoti Qullaawa Gosa» yitanno'ne; Yerusaalameno, «Maganu Baxinosetenna Agurinosekki Katamaati» yitanno.

ERMIYAASI 2:3

Israeele ati anera umi laalchooti; ati anera baxxootta qeechaati. Kunni daafira ate gawajjate hasi'rannohu baalu aana, qarranna mitiimma dirrisoommo. Konne coye coyi'roommohu ani Kaaliiqaati» yii.

HIZIQEELI 20:5

Ani yeemmoreno kulinsa; ani Israeele doorummo yannara gondooro eoommonsa; Gibitsete heedheenna anenee egensiisoommonsa. Qoleno, ‹Ani Kaaliiqi Magano'neeti› yoommonsa.

LEEWAAWOOTA 20:24

Ki'ne kayinni baattonsa ragidhinanni; malawunna ado lolakkanno gobba iqqammo'nera hexxo oommo'ne. Dagatewiinni badoommo'nehu ani Kaaliiqi Magano'neeti.

LEEWAAWOOTA 20:26

Ki'ne anera baxxitine qullaawoota ikkitinannie. Ani Kaaliiqi qullaawahona, anere ikkitinanni gede dagate mereerinni badoommo'ne.

AMOOTSI 3:2

Baattote aana hee'ranno manni baalu giddonni, ani dooroommori ki'ne calluwaho. Loossinanni cubbi baalaho, qorichisheemmo'nehuno kunniraati.

MILKIYAASI 3:17

Olantote Mootichi Maganu, «Insa anere ikkitanno; ani looseemmo waro insa anera baxxitino woxe ikkitanno. Annu soqqamannosi beetto mararannohu gede anino insa marareemmonsa.

SOQQAMAASINETE LOOSO 13:17

Israeelete Magani balaxe akaakkanke doodhino. Gibitsete manni gobbara noo yannara lowo gosa assinonsa. Lowo wolqanni hakkiinni haa're fushshinonsa.

ROOMU SOKKA 9:4

Israeele Maganu doorino gosaati. Maganu insa oososi assi'rino; ayirrinyesi leellishinonsa; gondoorono einonsa; Seerano uyinonsa; halaalaancho magansi'ranna hexxo uyinonsa.

MARRO 14:2

Ki'ne Magani'ne Kaaliiqira qullaawa mannaati. Isira baxxitinoonni manna ikkitinara Kaaliiqi baattote aani gosa baalate giddonni doodhino'ne.

MARRO 14:21

«Ki'ne, Magani'ne Kaaliiqira qullaawa mannaatina reyinore baala ittinoonte. Katamma'ne giddo hee'rannohura manni gobba mannira itona uuyyensa; woy wole gobba mannira hirre. Meu woy ge'reewu wilii'licho amate adonni gaffinoonte.

MARRO 26:18

Kaaliiqi uyino'ne hexxo garinni ki'ne mannasinna iqqasi ikkitinoonnita, hajajosi baalanta agadhitinannita isino techo lallawino.

MARRO 26:19

Kalaqino gosa baalatenni roore ayirradda assanna'ne ki'neno galatanna ayirrinye su'misira uyitinanni. Uyino'ne hexxo garinnino ki'ne isi umisi manna ikkitinanni» yii.

MARRO 28:9

«Magani'ne Kaaliiqi hajajo agadhitinironna doogosi hadhiniro, uyino'ne hexxo garinni qullaawa mannasi asse uurrisanno'ne.

MARRO 33:3

Halaaleho, manna baxattohu ateeti; qullaawootu baalunku angakki no. Baalunku lekkakki hunda kumbuultanno; atewiinni hajajo adhitanno.

MARRO 4:20

Ki'ne kayinni techonte gede umisi manna ikkitinara, Magani'ne Kaaliiqi ki'ne siwiila daashshinanni boosonni Gibitsetenni fushshe abbino'ne.

MARRO 4:37

Annuwa'ne baxino daafira, insa gedensaanni sirchonsa doodhinohura, ledo'ne hee're jawa wolqasinni Gibitsetenni fushshino'ne.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.

LAYINKI PHEEXIROOSI 2:5

Keeraanchimmannire kulinoha Nohi wolu lamalu manni ledo gatise, albi alame mararikkinni cubbaataammu aana baote waa dirrisiro,

LAYINKI PHEEXIROOSI 2:9

Mootichu magansidhannosire jifamatenni gatisannonsata, cubbaataamma qorichishannotanna insa yoote barri geeshshano hiitto asse keeshshiishannoro afino.

UMI SAAMUEELI 12:22

Kaaliiqi umisi manna assira'nera hede, bayiru su'misi daafira yee mannasi diaguranno.