MARRO 7:26 - Qullaawa Maxaafa

²⁶ Giwisanno coye mini'nera woy umi'nera abbidhinoonte. Hatto assitiniro, ki'neno hakkuri gede baote gaamantinannina, horonta makkidhine gibbe. Kuri Maganu giwinnoreeti.

MARRO 7:26 ပူးပေါင်းရင်းမြစ်များ

ISAYAASI 2:20

Magansidhara seekkidhinota birrunna culku misilla futahehonna rarraattete tugganni hadhanno.

ISAYAASI 30:22

Birranna culka xallinoonnita maganna'ne, «Ninkewiinni faffe!» yitine ishinu gede oltine huntinanni.

ISAYAASI 41:24

Ki'neno mullareeti; loosi'neno haafaho; magansidhanno'nerino tiyyi'ne gimbannireeti.

HIZIQEELI 11:18

Higginanni yannara, hakkiicho affinannita saalsiissannotanna tiyyi'nannita kaphu maganna co'o assitine hunne.

HIZIQEELI 14:7

Israeele woy giddonsa heedhannori wole gobba manni anewiinni baxxite kaphu maganna magansi'ratenni cubbo loossannoha ikkiro, qolteno mala xa'mi'rate himanaanonniwa hadhannoha ikkiro, ani umi'ya Kaaliiqi dawaro eemmonsa.

HOOSEI 14:8

Israeelete mannira kunni ka'a, kaphu maganna ledo mittu xaadino dihee'rannonsa. Ani huuccattonsa macciishsheemmo; towateemmonsa. Lattino haqqicho gede ikkeemmonsa; laalono anewiinni afidhanno» yii.

ZAKKAARIYAASI 5:4

Olantote Mootichi Kaaliiqi, ‹Tini soyemmo rumo, mittu mittunku mooraanchi miniranna kaphunni xaarannohu minira e'anno; e'anno woyiteno, hakkiicho keeshshite minensa co'o assite diigganno yaanno› » yii.

ROOMU SOKKA 2:22

«Foortinoonte!» yaattohu, ati mayira foorattoyya? Kaphu maganna makki'ratto; galmuwansa mayira soqattoyya?

MARRO 13:16

Hakko kataminni qafaddine haadhinoonni uduunne baala songote xawira gamba asse. Katamanna giddosinni gamba assitinoonnire Magani'ne Kaaliiqira shilqote kakkalo assitine shiqishshe. Layinkimeeshsho minamannokki gede diigaminowa gatanno gede asse.

MARRO 13:17

Kaaliiqi kaajjadu hanqisinni higanno gede, batte ikkinorichi giddonni mittore nafa adhitinoonte. Isino maarosi leellishanno'ne; mararanno'ne. Annuwa'nera uyino hexxo garinni kiiro'ne batisanno gede,

MARRO 13:18

techo ani eemmo'neta hajajosi baalanta agadhitinanninna isi hasi'rannore baala wonshitinanni Magani'ne Kaaliiqi albaanni dancha coye asse.