MARRO 7:2 - Qullaawa Maxaafa

² Magani'ne Kaaliiqi anga'nera sayise aanno'ne yannaranna ki'neno insa qeeltinanni yannara, baalanka co'o assitine hunne. Insa ledo namoontinoonte; marartinoontensa.

MARRO 7:2 ပူးပေါင်းရင်းမြစ်များ

KALAQAMA 14:20

diinnakki qeelatto gede assinohehu Wo'munkura Aliidi Magani galatamo» yii. Abiraamino qafade abbino jajji baalunku giddonni tonnunni mitte anga Melketsedeqira uyisi.

LAYINKI SAAMUEELI 21:2

Mooteno Gebaooni manna woshshi. (Insa Amooraawootuwiinni baxxite gattinoreeti ikkinnina Israeelete manni ga're di"ikkitino. Israeelete manni kaa'lansara xaarino; Saaooli kayinni Israeeletenna Yihudu mannira giwisi're gudansara kaino.)

UMI MOOTOOLLA 20:34

Benihadaadino, «Anni'ya annikkiwiinni adhino katamma qoleemmohe. Anni'ya Samaariyaho assinte gede, atino Demaasiqote daddalu darga fa'na dandaatto» yiisi. Akiaabino, «E'neemmo sheemaatinni anino ate ha'ratto gede asseemmohe» yiisi. Kunni garinni Akiaabi ledosi sheemaate e"e ha'ranno gede assisi.

IZIRA 10:3

Xaano ate seejjonna Maganinke hajajo waajjanno manni gede, konne meento oosonsa ledo ha'risate Maganinke albaanni xaarro. Konne coye Maganu seeri yaanno gede assino.

FAARSO 106:34

Kaaliiqi hajajinonsa garinni allagga ikkitinore shite diguddino.

FULO 22:20

«Ane Kaaliiqi ka'a wolu maganira kakkalannohu lubbotenni hee'roonke.

KIIRO 21:2

Hatte yannara Israeele, «Konne manna angankera sayisse uyittoro, ate daafira insanna katammansa co'o assine gundeemmo» yite Kaaliiqira xa'nitu.

KIIRO 31:17

Xa labballi oosonna meento baalanka shitine gudde.

KIIRO 33:52

hakkiicho noo manna baala shorritine hunne. Boncenna daashshine seekkinoonnita kaphu maganna baalanta gudde; magansi'nanni tulluwa baala diigge.

MARRO 13:8

maahoyye yitooti; yiinore macciishshitooti; marartootisi; bunshesino maaxxooti.

MARRO 13:9

Huluullamittokkinni hakkonne mancho shii. Iso shaate umi kincho ati oli. Hakkunni gedensaanni, mannu baalunku kinnatenni gane shoona.

MARRO 19:13

Hakkonne mancho marartinoonte. Seyanno'ne gede keeraanchu manchi mundee barshi Israeelete hee'rannokki gede asse.

MARRO 2:33

Maganinke Kaaliiqi insa angankera sayise uyino. Ninkeno iso, labballi oososinna olantosi baalante ledo mitteenni gundoommo.

MARRO 2:34

Hatte yannara, katammasi wo'manta amande diinge hunnoommo. Hakkiicho heedhannore labballo, meentonna oosonsa baala co'o assine gundoommo; mittono digatinsoommo.

MARRO 23:14

Magani'ne Kaaliiqi agara'neranna diina'ne anga'nera sayise aara qachi'nera ha'ramanno daafira, qacha'ne Kaaliiqi ledo xaadira injaanno gede keereense. Kaaliiqi agure ha'ranno'ne gede assannoha busha coye assitinoonte.

MARRO 25:12

marartinoontesena angase murre.

MARRO 3:3

Kunnira, Maganinke Kaaliiqi Baasaani moote Aaginna olantosi baalanta angankera sayise uyinonke. Ninkeno mitto nafa gatinsummokkinni shine gundoommo.

MARRO 31:5

Kaaliiqi insa anga'nera sayise aanno. Ki'neno insa ani hajajoommo'ne gede assitinanni.

MARRO 33:27

Hegere Magani godankeeti; hegereti cigilesino irkissannonke; diinnanke gundeemmo gede kulannonke yannara, xooqqanno gede assannonsa.

MARRO 7:16

Magani'ne Kaaliiqi anga'nera sayise aanno'ne gosa baala gatissinikkinni shiiyye; marartinoonte. Woshshaadote gede ikkite amaddanno'nena, magannansa magansidhinoonte.

MARRO 9:3

Ikkollana, uyino'ne hexxo garinni Magani'ne Kaaliiqi ittanno giira gede ikke balaxe alba'neenni fulannoha ikkinota xa affinanni. Insano hunanno; ille'nenni la'inanna qeelannonsa. Ki'neno insa rahotenni shorritine huntinanni.

IYYAASU 10:28

Hakko barra Iyyaasu, Maqeda bala tuge, mootensa qafadi; katamu giddo noo manna baala mittuno gatikkinni gudi; Maqeda mooteno alba Iyyaarko moote assino gede asse shii.

IYYAASU 10:30

Kaaliiqi qole, konne katamanna mootesi, Israeelootu angara sayise uyi. Mitto mancho nafa gatissukkinni katamu giddo noo manna baalanka bisetenni shite guddu. Mooteno albaanni Iyyaarko moote assitunte gede assite shitu.

IYYAASU 10:32

Kaaliiqi olu kaihunni layinki barra, Israeelootu Lakiishi qeeltanno gede assi. Libina assitunte gede katamu giddo affu manna baala shite guddu.

IYYAASU 10:40

Kunni garinni, Iyyaasu baatto gudise amadi. Ilaalaame gobba, soojjaati eelallittenna gaarrate lekkaalloonni galchimi ragaanni, wodiidoonni noo gobba halallittete geeshsha noo mootoolla qeeli. Mitto mancho nafa gatisikkinni baalanka shee gudi. Israeelete Magani Kaaliiqi uyino hajajo tenneeti.

IYYAASU 10:42

Israeelete Magani Kaaliiqi Israeelete gaaramino daafira, Iyyaasu tenne mootoollanna gashshootensa baalanka mitte hige gaadino gaadinni qeele gudise amadi.

IYYAASU 11:8

Kaaliiqi Israeelootu insa qeeltanno gede assi. Israeelootuno ola kayisse aliyyenni Misirefotimayiminna Sidoonu geeshsha, soojjaatoonnino Mitsipha Lagichi geeshsha shorritunsa. Diinu widihu mittu manchi nafa gatikkinni baalunku goofa geeshsha olu diuurrino.

IYYAASU 2:14

Insano, «Xaarroommohe qaale wonsha hoongummoro, Maganu reyotenni qorichishonke. Ninke assinoommore baala ayerano kula hoogittaro, Kaaliiqi tenne baatto ninkera sayise aannonke yannara, atera dancha coye assineemmo gede xaarreemmohe» yite dawartuse.

IYYAASU 21:44

Kaaliiqi akaakkansara eino gondoori garinni baatto baalate keere uyinsa. Kaaliiqi diininsa aana qeelle uyinonsa daafira, albansaanni uurrara dandiinohu mittuno dino.

IYYAASU 8:24

Israeelootu mullichu xawira, kunni albaanni Gayi gaaddo insa shorritu darga baalankawa shitu; galagalte Gayi katama e'e hakkiicho gattinoreno guddu.

IYYAASU 9:24

Insano, «Mooticha! Magani'ne Kaaliiqi ki'ne alba higgine qaaffini deerrinni, hakkiicho hee'ranno manna shaatenni baatto ragisiisa'nera soqqamaanchosi Muse hajajino gede anfoommo. Togo assinoommohuno, ki'ne waajjatenni kainohunni lubbonke gatisi'rate yineeti.

IYYAASU 9:7

Israeelete manni kayinni, «Miteekkitine ki'ne mulinni dagginoonnire ikkitinara dandiitinanni. Kunnira, ki'ne ledo hiitto ikkine gondooro e'neemmo?» yitunsa.

EJJEETTO 1:24

Dooyyaanono marte mittu manchi katamunni fulanna affe, «Katama e'nanni gara kulinke; ate assineemmoheri dinona» yitusi.

EJJEETTO 1:4

Kunnira, Simiooni ga're Yihudu ga're ledo Kana"aanootanna Ferizoota qassara gaaddu. Kaaliiqi angansara sayise eenna, Bezeeqi yinanniwa 10,000 manna shitu.

EJJEETTO 2:2

Ki'ne tenne gobba manni ledo gondooro e'inoonte; kakkalonsa dargano diigge› yoommo'ne. Ki'ne kayinni yoommore agurtine, wolere assitinoonni.