MARRO 7:13 - Qullaawa Maxaafa

¹³ Kaaliiqi baxanno'ne; maassi'ranno'ne; batisanno'ne. Annuwa'nera aara xaarino baatto godowi'ne guma, baatto'ne laalcho, gide'ne, haaro woyinete xajje'nenna zayite'ne, lalo'nenna siitta'ne, ge'reewo'ne, me"e'nenna wilii'le'ne maassi'ranno.

MARRO 7:13 ပူးပေါင်းရင်းမြစ်များ

NEHIMIYA 9:32

«Maganonke Kaaliiqa ballo, ati jawaho, wolqaataamohonna ayirradoho! Baxillunniha gondoorokkino hegere geeshsha disoorratto. Asoori mootoolla ninke gadadisa hanaffu yannanni kayise, xaa geeshsha iillinonke qarri bati'rahona, ajishshe la'ooti. Mootoollankenna albisootinke qeesootinkenna himanaanonke, akaakkankenna manninke baalu addintanni shetino; ninke baalunku shentoommo garano qaagi.

IYYOOBI 1:10

Isi ate ayirrisannohu isira, maatesiranna noosi jiro baalate huxxa ikkoottosihuraati. Qoleno, assi'rire baala maassi'roottosihuranna saadasino qalante baatto wo'mitino daafiraati.

IYYOOBI 42:12

Kaaliiqi Iyyoobita goofimarchu heeshsho albitenni roorse maassi'ri. 14,000 ge'reewo, 6,000 gaala, 1,000 waaxa handanna 1,000 harre uyisi.

FAARSO 1:3

Isino lolahanno wayi gama kaasante, gumaseno yanna yannantenni uyitanni, darchiseno giggilikkinni heedhanno haqqicho gedeeha ikkanno; assi'rannori baalu qinaannosi.

FAARSO 107:38

Mannasi maassi'rinsa; insano lowo ooso afidhu; saadansa kiirono xe'annokki gede assi.

FAARSO 11:7

Kaaliiqi halaalaancho ikkino daafira, halaale baxanno. Wodana subbinori ledosi heedhanno.

FAARSO 127:3

Ooso Kaaliiqiwiinni afi'nanni eltooti; halaalaancho maassooti.

FAARSO 146:8

Ballootaho ille fananno; ubbinore kayisanno; halaalaancho manna baxanno.

FULO 23:25

Ane Magano'ne Kaaliiqa magansidhiniro, anino sagale'nenna waa'ne maassi'reemmo; dhibbano ki'newiinni hooleemmo.

LAWISHSHA 10:22

Kaaliiqi maasso jiro abbitanno; aanahono mitiimma dileddanno.

LAWISHSHA 15:9

Kaaliiqi cubbaataammu doogo giwanno; danchummate hoode ha'rannoha kayinni baxanno.

LEEWAAWOOTA 26:9

Alba'ya ki'newa qoleemmo; ilantinanninna batidhinanni gede asseemmo'ne; ledo'ne eoommo gondooro seekke agareemmo.

MAATEWOOSI 6:33

Ki'ne kayinni balaxxine Maganu Gashshootenna keeraanchimmasi hasidhe; hakkuyi ka'ire baala lendanni'nena.

YOHAANNISI 14:21

«Hajajo'ya adhannohunna wonshannohu baxannoeho; ane baxannoha Anni'yano baxannosi. Anino baxeemmosi. Isira aneneete'ya leellisheemmosi» yii.

YOHAANNISI 15:10

Ani Anni'ya hajajo wonshanni baxillisinni hee'rummonte gede, ki'neno ane hajajo wonshitiniro, ane baxillinni heedhinanni.

YOHAANNISI 16:27

Anni'ya umisi ki'ne baxanno'ne. Anni'ya baxino'nehu ane baxxinoonniehuranna Maganuwiinni dayommota ammantinoonnihuraati.

MARRO 1:8

Kuneeti tenne baatto oommo'ne. Ani Kaaliiqi annuwa'nera Abirihaamira Yisihaaqiranna Yaiqoobira insa gedensaannino sirchinsara aammora xaaroommo gobba e'ine ragidhe› yiino» yiinsa.

MARRO 13:17

Kaaliiqi kaajjadu hanqisinni higanno gede, batte ikkinorichi giddonni mittore nafa adhitinoonte. Isino maarosi leellishanno'ne; mararanno'ne. Annuwa'nera uyino hexxo garinni kiiro'ne batisanno gede,

MARRO 28:1

«Magani'ne Kaaliiqira wo'mu wodaninni hajajantinironna ani techo eemmo'ne hajajo baalanta seekkitine agadhitiniro, Magani'ne Kaaliiqi baattote aana heedhanno gosa baalantenni roorsanno'ne.

MARRO 28:11

Kaaliiqi aa'nera annuwa'nera xaarino baattora godowi'ne guminni, saada'ne qallonninna baatto'ne laalchinni ikkite gattanno jiro aanno'ne.

MARRO 30:5

Annuwa'ne heedhino gobbanni jiro ragidhinanni gede galagalche abbanno'ne. Annuwa'nenni roore duroonsanno'ne; batisanno'ne.

MARRO 7:7

«Kaaliiqi ki'ne baxino'nehunna doodhino'nehu wole gosanni kiiro roortineenna di"ikkino. Kiiro'ne gosa baalatewiinni lowo geeshsha ajjinote.