MARRO 6:7 - Qullaawa Maxaafa

⁷ Ooso'nerano rosiissensa. Mine'ne ofoltinanni woyite, doogo hadhinanni woyiteno, goxxinanninna ka'inanni woyite hajajo'yare kula agurtinoonte.

MARRO 6:7 ပူးပေါင်းရင်းမြစ်များ

KALAQAMA 18:19

Keeraanchimmanna sumbe assatenni Kaaliiqi doogo agadhitanno gede oososinna insa gedensaanni dagganno ilama baala rosiisara dooroommosi; hatto assituro, Abirihaamira coyi'roommo coye baalanka wonsheemmo» yii.

IYYOOBI 8:10

Insa rosiissannohehunna kultannohehu, uminsa afidhino egennonniiti.

FAARSO 119:13

Yootto yoo baala marro hige, aneneewa hasaaweemmo.

FAARSO 119:46

Wogakki mootoollate kuleemmo; horonta disaalfateemmo.

FAARSO 129:8

Mulensaanni sa'annori baalu, «Kaaliiqi jajja'ne maassi'ro» yitoonkensa. «Ninke Kaaliiqi su'minni maassi'neemmo'ne» yaannohuno hee'roonkensa.

FAARSO 37:30

Keeraanchu afii hayyo rosiisanno; arrawisino taalo coyi'ranno.

FAARSO 71:17

Magano'ya anje'yanni kayisse rosiisoottoe; anino techo geeshsha dhaggenniha loosokki duduwanni noommo.

LAWISHSHA 10:21

Keeraanchu manchi arrawi lowo manna dhaawanno; gowwootu kayinni wodancha hoogansanni reyitanno.

LAWISHSHA 15:2

Egennaamu arrawinni egenno fultanno; gowwu afiinni kayinni giwwimma burqitanno.

LAWISHSHA 15:7

Egennaamu arrawi egenno halashshanno; gowwootu hedo kayinni hattoota di"ikkitino.

LAWISHSHA 6:22

Ha'rattowa baala leellishshannohe; goxatto yannarano agartannohe; baqqi yaatto woyiteno amaaltannohe.

ISAYAASI 38:19

Xa ani galateemmohe gede, lubbotenni noori callu galattannohe; annuwa oosonsara halaalaanchimmakki kultanno.

MILKIYAASI 3:16

Hatte yannara Kaaliiqa waajjitannorinna su'masi ayirrissannori insa insanaawa hasaabbu. Isino macca insa widira qoli; coyidhinoreno macciishshi. Hawantannokki gede su'mansa maxaafisira borreessi.

MAATEWOOSI 12:35

Danchu manchi danchu miinjisi giddonni dancha coye fushshanno; bushu manchi bushu miinjisi giddonni busha coye fushshanno.

LUQAASI 6:45

Danchu manchi danchu wodanisi giddonni dancha coye fushshanno; bushu manchi bushu wodanisi giddonni busha coye fushshanno. Mannu wodanisira wo'me gatinore coyi'ranno.

EFESOONI SOKKA 4:29

Afii'nenni bushu coyi fuloonke. Wole manna hasiisinonsa garinni dhaawatenna macciishshitannorira qiniite ikkanno gede dancha coye coyidhe.

EFESOONI SOKKA 6:4

Ki'ne annuwa! Ooso'ne Mootichu amaalenni seejjitinanni lossensa ikkinnina, caacceessitinoontensa.

MARRO 11:19

Mine ofoltinanni woyite, doogo hadhinanni woyite, goxxinanninna ka'inanni woyiteno ooso'nera kultinanni rosiissensa.

MARRO 6:2

Kunino, eemmo'neta woganna hajajo baalanta agadhatenni, diri'ne seedanno gede, ki'ne, ooso'nenna ooso'ne ooso lubbotenni heedhinoonni diri baalunkunni Magano'ne Kaaliiqa ayirrissinanni gedeeti.

QOLASIYAASI SOKKA 4:6

Mittu mittunkura labbanno dawaro qola dandiitinanni gede, coyi'ne wo'manka woyite coomminohanna gumu nooha ikko.

UMI PHEEXIROOSI 3:15

Mooticha Kiristoosa wodani'nenni ayirrisse. Ki'nera noo'ne hexxo garinni xa'mitanno'nerira baalaho dawaro qolate wo'manka woyite qixxaabbinoonnire ikke.

RUUTI 2:12

Assootta coyi baalunkura Kaaliiqi maassi'rohe; qoolisi giddo amadahera dayottahu Israeelete Magani Kaaliiqi ba'raa'ra oohe» yiise.

RUUTI 2:4

Shiima yanna gedensaanni Boeezi umisi Beetelihemetenni kae gatisira dayi. Middanni nooreno, «Keerunni hossini! Maganu maassi'ro'ne!» yiinsa. Insano, «Maganu ateno maassi'rohe!» yitusi.

RUUTI 4:11

Songote darga ofolle noo geerrinna wolu manni, «Ee, ninke kunni coyira naqaashshete. Kaaliiqi tenne galtekki Yaiqoobira lowo ooso ilinori Raaheelinna Liya gedeeta assohe. Kaaliiqi Efiraataho duroonsohe; Beetelihemete maccaha assohe.