6 Techo eemmo'neta tenne hajajo wodani'nera wodhe.
Keeraanchimmanna sumbe assatenni Kaaliiqi doogo agadhitanno gede oososinna insa gedensaanni dagganno ilama baala rosiisara dooroommosi; hatto assituro, Abirihaamira coyi'roommo coye baalanka wonsheemmo» yii.
Hajajosi baala alba'yaanni no; wogasiwiinnino difafoommo.
Cubbo looseemmokki gede, qaalekki wodani'yara wodhoommo.
Yootto yoo baala marro hige, aneneewa hasaaweemmo.
Hajajama doodhoommo; yookki garinni hee'rate murci'roommo.
Hajajokki wo'manka woyite ledo'ya no; baarigaarra'yanni roore wodancheemmoha assitannoe.
Maganisi seera agadhanno; doogosi aaninni wirri diyaanno.
Magano'ya hedokki wonshammora baxoommo; seerikkino wodani'yara no» yoommo.
«Wo'mu wodanikkinni Kaaliiqa addaxxi ikkinnina, umikki egennora irkidhooti.
Qubbekkira usudhi; wodanikki giddono borreessi'ri.
«Ki'ne halaalaancho coye egentinoonnirinna, seera'ya wodani'nera wodhitinoonniri, ani yeemmota macciishshe"e! Mannu mishanno'ne woyite waajjitinoonte; xonneenna'neno massinoonte.
Insa ledo e"eemmohu haaru gondoori kunninni aane nooho: Seera'ya giddonsa woreemmo; wodaninsarano borreesseemmo. Ani Maganonsa ikkeemmo; insano manna'ya ikkitanno.
Hakkunni gedensaanni Yesuusi ledonsa Naazirete ha're insara hajajamanni hee'ri. Amasi kayinni baalanka coye wodanaho wodhite no.
Shaqqado baattora uwino wixi masalo kayinni, danchu wodaninni qaale macciishshite agadhitinoreeti; insa qaalunni kaajjite guma laaltannoreeti» yii.
Ninke soqqanshonni dagginoonniri ki'ne, Kiristoosi sokka ikka'ne xawoho. Tenne sokka heeshshote Magani Ayyaaninni ikkinnina kuulunni diborreessinoonni. Mannu wodani giddo ikkinnina bocame kinchi aana diborreessinoonni.
«Konne qaale'ya, wodani'neranna surre'nera wodhe; malaate assidhine anga'nera xaaxidhe; albi'nerano usudhe.
Mini'ne tanqiranna katami'ne huxxi waalchira borreessidhe.
«Konne Seera baalanka seekkite agadhitanno gede ooso'neno hajajjinara, ani techo faajjete kuleemmo'ne coye baala wodani'nera wodhe.
Maganu qaali wo'me hee'ro'ne; egenno baalatenni mimmito'ne rosiissenna seejje. Faarsotenni, guwishshunninna, geewotenni, Magano wodani'nenni galattinanni faarse.
Kuni halaali giddonke noohonna albillitteno hegere geeshsha ledonke hee'rannoho.
