MARRO 6:5 - Qullaawa Maxaafa

⁵ Magano'ne Kaaliiqa, wo'mu wodani'nenni, wo'ma lubbo'nenni, wo'ma wolqa'nenni baxxe.

MARRO 6:5 ပူးပေါင်းရင်းမြစ်များ

UMI MOOTOOLLA 3:3

Selemooni Kaaliiqa baxannoho; annisi Daawiti kulinosireno agadhino. Ikkollana kaphu magannara saada gorre gaarrate aana kakkalino; hixaanano giirino.

LAYINKI MOOTOOLLA 23:25

Muse Seeri giddo borreessinoonni garinni wo'mu wodanisinni, wo'ma lubbosinninna wo'ma wolqasinni Kaaliiqira soqqaminohu Iyosiyaasi gedee moote isira albaannino ikko gedensaanni horontanni dino.

LAYINKI DUDUWO 15:12

Akaakkansa Magano Kaaliiqa wo'mu wodaninninna wo'ma lubbonni magansi'rate gondooro e'u.

LAYINKI DUDUWO 34:31

Iyosiyaasino kae mootete heelliicho mule uurre, wo'mu wodanisinninna wo'ma hedosinni Kaaliiqi yiino gede ikkate hajajosi, wogasinna wodhosi agadhatenni maxaafu giddo borreessinoonni coye wonshate gondooro ei.

FAARSO 119:2

Hajajosi wonshitannorinna, wo'mu wodaninni iso hasidhannori baraadhinoreeti.

FAARSO 31:24

Kaaliiqa addaxxitinanniri baalunku, jawaatte; wodani'neno masoonke.

MAATEWOOSI 10:37

Anenni roorse annasinna amasi baxannohu aneha ikka didandaanno. Anenni roorse labbaa beettosi woy meyaa beettosi baxannohu aneha ikka didandaanno.

MAATEWOOSI 22:37

Yesuusino, «‹Mooticha Maganokki wo'mu wodanikkinni, wo'ma lubbokkinni, wo'ma hedokkinni baxi!› yitannote.

MAARQOOSI 12:30

Maganokki Kaaliiqa wo'mu wodanikkinni, wo'ma lubbokkinni, wo'ma hedokkinninna wo'ma wolqakkinni baxi!› yitannote.

MAARQOOSI 12:33

Kunnira, mannu wo'mu wodanisinni, wo'ma hedosinninna wo'ma wolqasinni Magano baxa, hattonni wole mannano umisi gede asse baxa, shilqote kakkalonna wole kakkalono roortannote» yii.

LUQAASI 10:27

Manchu daware, «‹Mooticha Maganokki wo'mu wodanikkinni, wo'ma lubbokkinni, wo'ma wolqakkinni wo'ma hedokkinni baxisi. Elokki umikki gede assite baxi› yaanno» yii.

MARRO 10:12

«Xaano Israeelete manna, Magani'ne Kaaliiqi ki'ne ayyirrissinannisi gede, doogosi baala hadhinanni gede, baxxinannisi gede, wo'mu wodani'nenninna wo'ma lubbo'nenni soqqantinannisi gede hasi'ranno.

MARRO 11:1

«Kunnira, Magano'ne Kaaliiqa baxxe. Wodhosi, wogasi, seerasinna hajajosi wo'manka woyite agadhe.

MARRO 11:13

«Techo ani oommo'ne hajajo ammanamatenni agadhitiniro, Magano'ne Kaaliiqa baxxinironna wo'mu wodani'nenninna wo'ma lubbo'nenni soqqantinisiro,

MARRO 13:3

Magani'ne Kaaliiqi wo'mu wodani'nenninna wo'ma lubbo'nenni baxxinannisi gedeenni jife la"a'nera assino coye ikkino daafira, hakkunni himanaanchinna haaqii'raanchi coye macciishshitinoonte.

MARRO 13:4

Magani'ne Kaaliiqi hoode hadhe. Ayirrissesi; hajajosino agadhe. Hajajammesi; soqqammesi. Isi ledo mitto ikke.

MARRO 19:9

Magano'ne Kaaliiqa baxxinanni gedenna doogosi hadhinanni gede techo eemmo'neha konne seera baala seekkitine agadhitiniha ikkiro, kuri aana woloota 3 katamma lexxitinanni.

MARRO 30:10

Ki'ne kayinni, Magani'ne Kaaliiqira hajajama hasiissanno'ne. Kunni Seeru Maxaafi giddo borreessinoonnita wogasinna hajajosi baala agadhe. Wo'mu wodani'nenninna wo'ma lubbo'nenni Magani'ne Kaaliiqiwa higge.

MARRO 30:16

Techo ani eemmo'neta Magani'ne Kaaliiqi hajajo iso baxatenni, doogosi ha'ratenni seerasi baala, wogasinna wodhosi wonshitiniro, lubbotenni heedhinanni. Batidhinanni; Magani'ne Kaaliiqino martine ragidhinanni baattora maassi'ranno'ne.

MARRO 30:20

Magano'ne Kaaliiqa baxxe; isira hajajamme; ammanantinoonnire ikke. Hatto assitiniro, annuwa'nera Abirihaamira, Yisihaaqiranna Yaiqoobira aansara xaarino baattora heeshsho eenna'ne ki'nenna sirchi'ne seeda diro heedhinanni» yii.

MARRO 30:6

Magano'ne Kaaliiqa wo'mu wodani'nenninna wo'ma lubbo'nenni baxxinanninna lubbotenni heedhinannni gede, Magani'ne Kaaliiqi ki'nenna sircho'ne owaatu wodanire assanno'ne.

MARRO 4:29

Ikkollana, hakkiicho heedhine Magano'ne Kaaliiqa wo'mu wodani'nenna wo'ma lubbo'nenni hasidhinisiro afidhinannisi.

IYYAASU 22:5

Muse uyino'ne Seera seekkitine agadhe; Magano'ne Kaaliiqa baxxe; hedosi wonshe; hajajosino agadhe. Isira ammanantinoonnire ikkitine, wo'mu wodaninninna wo'ma lubbonni soqqammesi» yii.

UMI YOHAANNISI 5:3

Magano baxate yaa hajajosi agadhate; hajajosino kaajjado di"ikkitino.