MARRO 6:3 - Qullaawa Maxaafa

³ Kunnira Israeele, macciishshe! Annuwa'ne Magani Kaaliiqi uyino'ne hexxo garinni, malawunna ado lolakkannotera danchanna shaqqado baattora seyanno'ne gedenna lowo geeshsha batidhinanni gede, hajajosi seekkitine agadhe.

MARRO 6:3 ပူးပေါင်းရင်းမြစ်များ

KALAQAMA 12:2

Wolqaataame gosa asseemmohe; maassi'reemmohe; su'makki egennaminoha asseemmo; wolootahono maasso ikkatto;

KALAQAMA 13:16

Sirchokki baattote shaafi gede asse batiseemmo; baattote shaafa kiira dandaannohu hee'riro, ate sirchono kiira dandiinanni.

KALAQAMA 15:5

Hakkiinnino gobbara haa're fushshesi, «Iima higge gordo lai; beeddahe kiirattora dandaattoha ikkiro kiiri; sirchikki hatto ikke bati'ranno» yiisi.

KALAQAMA 26:4

Sirchokkino gordu beeddahe gede asse batiseemmo; tenne baatto baalano sirchikkira eemmo; baattote aana heedhanno gosa baala insanni maassantanno.

KALAQAMA 28:14

Sirchokkino baattote shaafi gede asse batiseemmo; soojjaatinna galchimi, aliyyenna wodiidi geeshsha hala'latto; daga baalano atenninna sirchikkinni maassantanno.

FAARSO 119:4

Kaaliiqa! Ati seera oottonke; xeinsummokkinni hajajammeemmo gedeno kuloottonke.

FULO 1:7

Ilamansa Israeele kayinni ilante batidhe Gibitsete baatto wo'mitu; kiironsa lowo geeshsha batidhino daafira waajjinannire ikkitu.

FULO 3:17

Gibitsete gobba qarrinni fushshe Kana"aanootu, Hitootu, Amooraawootu, Ferizootu, Hiwootunna Iyaabuusootu heedhannota adonna malawu wo'mino baatto eemmo'ne yee coyi'roommo.

FULO 3:6

Ani akaakkakki Abirihaami, Yisihaaqinna Yaiqoobi Maganooti» yiisi. Museno Magano la"a waajjino daafira alba diphi.

FULO 3:8

Gibitsootu anganni gatisammonsara dirroommo. Gibitsetenni fushshe Kana"aanootu, Hitootu, Amooraawootu, Ferizootu, Hiwootunna Iyaabuusootu heedhannota adonna malawu wo'minota hala'ladonna shaqqado baatto eemmonsa.

ROSIISAANCHO 8:12

Cubbaataammu xibbe higge cubbo loossanni seeda diro heedhuro nafa, halaalunni Magano waajjitannorira kayinni woyyannonsata afoommo.

ISAYAASI 3:10

Keeraano dancha loosinsa laalcho ittanno daafira, «Baraadhinoonni» yiiyyensa.

ERMIYAASI 42:6

Seyirono bushirono Maganinke Kaaliiqi yiino gede ikkineemmo. Isi yiinota ikkinummoro baalunku coyi qinaannonke» yitue.

ERMIYAASI 7:23

Kayinnilla, ani Magano'ne ikkeemmo gedenna ki'neno manna'ya ikkitinanni gede ani yoommore macciishshe. Hajajoommo'ne gede ikkitiniro baalunku coyi qinaanno'ne yoommonsa.

SOQQAMAASINETE LOOSO 7:17

«Maganu Abirihaamira xaare uyino hexxo wo'mitanno yanna gambissuta, Gibitsete hee'rannohunniti manninke kiiro batidhino.

MARRO 11:9

Hakkunni gedensaanni, Kaaliiqi annuwa'neranna sirchinsara aara xaarinotera, hattenne malawunna ado lolakkanno baattora seeda diro heedhinanni.

MARRO 26:15

Qullaawa gollora gordoho heedhe kawa higge lai; mannakki Israeeleno maassi'ri; annuwankera ootto hexxo garinni, ninkera oottonketa tenne malawunna ado lolakkanno baatto maassi'rinke› yiiyye.

MARRO 26:9

Kawiichirano haa're abbinonke. Malawunna ado lolakkannota tenne shaqqado baatto uyinonke.

MARRO 27:3

Annuwa'ne Magani Kaaliiqi uyino'ne hexxo garinni, malawunna ado lolakkanno gobba iillitinanni yannara, konne seeranna roso tenne kinna aana borreesse.

MARRO 31:20

Adonna malawu lolahannota danchanna shaqqado baatto annuwansara aate xaaroommotewa haa're masseemmonsa yannara, itte duubbe kee'mituhu gedensaanni, ane mishshe gondooro'yano diigge, alba kaphu magannawa higge, insa magansidhanno.

MARRO 4:40

Ki'neranna ki'ne gedensaanni ooso'nera seyanno'ne gede, Magani'ne Kaaliiqi hegerera aanno'ne baattora diri'ne seedanno gede, techo ani hajajeemmo'neta wogasinna seerasi agadhe» yii.

MARRO 4:6

Tenne woga baala macciishshitannoriranna, «Halaalinta tini bayira gosa mageeshshi ogimmanna wodancha afidhino!» yaanno mannira ogimma'nenna wodancha'ne leeltanno gede seekkitine agadhe.

MARRO 8:8

Iseno qamade, hayixe, woyinetenna balasete haqqe, roomaanete laalo, zayitete ejedhenna malawu hee'ranno baattooti.