MARRO 6:24 - Qullaawa Maxaafa

²⁴ Techonte gede aye yannarano seyannonke gedenna lubbotenni hee'neemmo gede, tenne woga baalanta wonshinammoranna ayirrinsammosira Maganinke Kaaliiqi hajajinonke.

MARRO 6:24 ပူးပေါင်းရင်းမြစ်များ

FAARSO 41:2

Kaaliiqi agare lubbotenni worannosi; baattote aanano maassaminoho yinanna hee'ranno; baarigaarrasirano sayise diaannosi.

FAARSO 41:3

Kaaliiqi dhiwame goxinowa hee'reenna kaa'lannosi; fayyimmano qolannosi.

FAARSO 66:9

Lubbonke agarinonke; umbammora wore dilainonke.

FULO 20:20

Museno mannaho, «Kaaliiqi iso ayirrissine cubbo loossinannikki gede assa'neralla dayinona waajjitinoonte» yii.

LAWISHSHA 22:4

Umo heeshshi assanna Kaaliiqa waajja, jirote, ayirrinyehonna heeshshote.

LAWISHSHA 9:12

Egenno heedhuhero, umokki kaa'litannohe; egenno giwittoro umikki qarramatto.

ISAYAASI 3:10

Keeraano dancha loosinsa laalcho ittanno daafira, «Baraadhinoonni» yiiyyensa.

ERMIYAASI 32:39

Insaranna oosonsa oosora seyansara, ane waajjitannoe gede mitto wodananna mitte hedo eemmonsa.

MAATEWOOSI 6:33

Ki'ne kayinni balaxxine Maganu Gashshootenna keeraanchimmasi hasidhe; hakkuyi ka'ire baala lendanni'nena.

LUQAASI 10:28

Yesuusi, «Dawarokki garahona, atino hadhe hatto assi; heeshsho afi'rattona» yiisi.

ROOMU SOKKA 10:5

Seera agadhatenni afi'nanni keeraanchimma daafira Muse borreessinohu, «Seera agadhannohu lubbotenni hee'ranno» yaanno.

MARRO 4:1

Xaano Israeele, lubbotenni heedhinanni gedenna annuwa'ne Magani Kaaliiqi aanno'ne baatto ragidhinanni gede rosiiseemmo'ne woganna seera wonshe.

MARRO 4:4

Magani'ne Kaaliiqira ammanantinoonniri ki'ne wo'munku kayinni, kuneeti techo geeshsha lubbotenni heedhinoonni.

MARRO 6:2

Kunino, eemmo'neta woganna hajajo baalanta agadhatenni, diri'ne seedanno gede, ki'ne, ooso'nenna ooso'ne ooso lubbotenni heedhinoonni diri baalunkunni Magano'ne Kaaliiqa ayirrissinanni gedeeti.

MARRO 6:23

Ninke kayinni, annuwankera xaare uyino hexxo garinni haa're masse baatto aankera hakkiichchinni fushshinonke.

MARRO 8:1

«Lubbotenni heedhinanni gede, batidhinanni gedenna Kaaliiqi annuwa'nera aara xaarino baatto martine ragidhinanni gede techo ani eemmo'ne hajajo baala seekkitine agadhe.

MARRO 8:3

Kaaliiqi affinaranna rosiisa'nera yee hudiissino'ne. Ki'nenna annuwa'ne affinoonnikkita menna yinanni sagale itisino'ne. Hatto assinohu mannu Maganu afiinni fulanno qaali baalunni ikkinnina sagale callatenni hee'rannokkita egensiisa'neraati.