MARRO 6:20 - Qullaawa Maxaafa

²⁰ «Kunni gedensaanni ooso'ne, ‹Maganinke Kaaliiqi konne biddishsha, woganna seera mayira uyinonke?› yite xa'mitanno'ne yannara,

MARRO 6:20 ပူးပေါင်းရင်းမြစ်များ

FAARSO 44:1

Magano! Ati assoottore maccankenni macciishshinoommo; annuwankeno alba yannansara loosoottoha dhaggete looso kultinonke.

FULO 10:2

ki'neno, tenne maalalenni Gibitsoota asse godo'loommo gara ooso'neranna ooso'ne oosora kultinanni. Kunninni, ki'ne baalunku ani Kaaliiqa ikkoommota affinanni» yiisi.

FULO 12:26

Ooso'ne, ‹Tini woga mayinnite?› yite xa'mitu'nero,

FULO 13:14

Kunni ka'a ooso'ne, ‹Konne mayira assinanni?› yite xa'mitu'nero, ‹Gibitsete gobbara borojjimmatenni hee'neemmore Kaaliiqi jawa wolqasinni fushshinonke.

FULO 13:8

Ayyaana ayirrissinanni yanna baalantera, togo assitinannihu Kaaliiqi Gibitsetenni fultini waro assino'ne danchumma qaagate ikkinota ooso'nera kullensa.

LAWISHSHA 22:6

Oosote heedhanno gara rosiinsiro, lophite nafa hattenne dihabbanno.

MARRO 4:9

Ille'ne la'ino coye habbinannikki gede qaagge. Qoltineno lubbotenni heedhinoonni geeshsha wodani'nenni ba'annokki gedella jaattine agadhe. Tenneno ooso'neranna ooso'ne oosora rosiisse.

MARRO 6:19

Kaaliiqi uyino'ne hexxo garinni diinna'ne baalanta albi'nenni shorritinanni.

MARRO 6:21

ki'neno, ‹Ninke Gibitsete gobbara Ferioonira borojje ikkine hee'noommo. Kaaliiqi kayinni jawaata angasinni hakkiinni fushshinonke.

MARRO 6:7

Ooso'nerano rosiissensa. Mine'ne ofoltinanni woyite, doogo hadhinanni woyiteno, goxxinanninna ka'inanni woyite hajajo'yare kula agurtinoonte.