MARRO 6:2 - Qullaawa Maxaafa

² Kunino, eemmo'neta woganna hajajo baalanta agadhatenni, diri'ne seedanno gede, ki'ne, ooso'nenna ooso'ne ooso lubbotenni heedhinoonni diri baalunkunni Magano'ne Kaaliiqa ayirrissinanni gedeeti.

MARRO 6:2 ပူးပေါင်းရင်းမြစ်များ

KALAQAMA 18:19

Keeraanchimmanna sumbe assatenni Kaaliiqi doogo agadhitanno gede oososinna insa gedensaanni dagganno ilama baala rosiisara dooroommosi; hatto assituro, Abirihaamira coyi'roommo coye baalanka wonsheemmo» yii.

KALAQAMA 22:12

Isino, «Beettokki kissooti; aanasi mittoreno assitooti; mitticho beettokki dimararootto; Magano ayirrasattohanna isira hajajamattoha ikkoottotano xa afoommo» yiisi.

UMI MOOTOOLLA 8:40

Kunni garinni akaakkansara ootto baattora heedhanno diri baalunkunni ate waajjitannore assi.

IYYOOBI 28:28

Maganu mannaho, «Kuneeti, Mooticha waajja egennote; bunshetewiinni fafano afate» yiino.

FAARSO 111:10

Kaaliiqa waajja egennote umoho; hajajantannosirira baalaho wodancha aannonsa. Kaaliiqira hegere galati iillosi.

FAARSO 128:1

Kaaliiqa ayirrissannorinna hajajosi agadhitannori, ba'raadhinoreeti.

FAARSO 91:16

Diro furmanno gede asseemmosi; gatisaanchimma'yano leellisheemmosi» yaanno.

FULO 20:12

«Magani'ne Kaaliiqi aanno'ne baatto aana diri'ne seedanno gede anna'nenna ama'ne ayirrisse.

FULO 20:20

Museno mannaho, «Kaaliiqi iso ayirrissine cubbo loossinannikki gede assa'neralla dayinona waajjitinoonte» yii.

LAWISHSHA 16:6

Baxillunna ammanama cubbo agursiissanno; Kaaliiqa waajja cubbuwiinni agartanno.

LAWISHSHA 3:16

Egenno diro seedissanno; jironna ayirrinyeno leddanno.

LAWISHSHA 9:11

Dirikki anenni bati'ranno; heeshshokki dirino lexxanno.

ROSIISAANCHO 12:13

Coyi baalunku gumulo kuneetina, macciishshino. Kuni mannu wo'munkura hasiisinohona, Magano ayirrisi; hajajosino agadhi.

ERMIYAASI 32:39

Insaranna oosonsa oosora seyansara, ane waajjitannoe gede mitto wodananna mitte hedo eemmonsa.

HIZIQEELI 20:19

Ani Kaaliiqi Magano'neetina, seera'yanna hajajo'ya agadhe.

LUQAASI 12:5

Waajjitinanniha kuleemmo'nena, shiihu gedensaanni gaannaamete giirara tugate roorre afi'rinoha Magano waajje! Halaale kuleemmo'nena, iso waajje!

MARRO 10:20

Magano'ne Kaaliiqa ayirrisse; magansidhesi. Isi ledo ammanamatenni heedhe. Isi su'mi callunni xaarre.

MARRO 11:9

Hakkunni gedensaanni, Kaaliiqi annuwa'neranna sirchinsara aara xaarinotera, hattenne malawunna ado lolakkanno baattora seeda diro heedhinanni.

MARRO 13:4

Magani'ne Kaaliiqi hoode hadhe. Ayirrissesi; hajajosino agadhe. Hajajammesi; soqqammesi. Isi ledo mitto ikke.

MARRO 15:5

Kuni ikkannohu Magani'ne Kaaliiqira hajajantinironna, techo hajajoommo'nere baala seekkitine agadhitinirooti.

MARRO 22:7

Caacurrese adhitinara dandiitinanni. Seyanno'ne gedenna diri'neno seedanno'ne gede caacurru ama hadhona agurrese.

MARRO 30:19

«Doodhitinanni gede heeshshonna reyo, maassonna rumo alba'neenni woroommohura, techo gordonna baatto naqaashshe asse kiiroommo. Lubbotenni heedhinanni gede heeshsho doodhe.

MARRO 30:20

Magano'ne Kaaliiqa baxxe; isira hajajamme; ammanantinoonnire ikke. Hatto assitiniro, annuwa'nera Abirihaamira, Yisihaaqiranna Yaiqoobira aansara xaarino baattora heeshsho eenna'ne ki'nenna sirchi'ne seeda diro heedhinanni» yii.

MARRO 4:10

Siina Maganinke Kaaliiqi albaanni uurritini barra Kaaliiqi, «Baattote aana heedhanno yanna baalate ane ayirrisanna hajajama rossanno gede, oosonsarano rosiissanno gede, manna albi'yara gamba assi» yiieta qaagge.

MARRO 4:40

Ki'neranna ki'ne gedensaanni ooso'nera seyanno'ne gede, Magani'ne Kaaliiqi hegerera aanno'ne baattora diri'ne seedanno gede, techo ani hajajeemmo'neta wogasinna seerasi agadhe» yii.

MARRO 4:9

Ille'ne la'ino coye habbinannikki gede qaagge. Qoltineno lubbotenni heedhinoonni geeshsha wodani'nenni ba'annokki gedella jaattine agadhe. Tenneno ooso'neranna ooso'ne oosora rosiisse.

MARRO 5:16

« ‹Ani Maganikki Kaaliiqi eemmohe baatto aana diru seedannohe gedenna seyannohe gede, hajajoommohe garinni annakkinna amakki ayirrisi.

MARRO 5:33

Lubbotenni heedhinanni gede, seyanno'ne gedenna ragidhinanni baatto aana seeda diro heedhinanni gede, Kaaliiqi hajajino'nere baala wonshe.

MARRO 6:1

«Martine ragidhinanni baattora agadhitinanni gede rosiisammo'nera Magani'ne Kaaliiqi uyinoe hajajo, woganna seeru kunninni aane nooho:

MARRO 6:24

Techonte gede aye yannarano seyannonke gedenna lubbotenni hee'neemmo gede, tenne woga baalanta wonshinammoranna ayirrinsammosira Maganinke Kaaliiqi hajajinonke.

MARRO 6:7

Ooso'nerano rosiissensa. Mine'ne ofoltinanni woyite, doogo hadhinanni woyiteno, goxxinanninna ka'inanni woyite hajajo'yare kula agurtinoonte.

IYYAASU 4:24

Kunninni kainohunni baattote aana hee'ranno manni baalu Kaaliiqi wolqa mageeshshi geeshsha jawa ikkitino gede wodanchanno; ki'neno Magano'ne Kaaliiqa ayirrissinanni› yitine kullensa» yiinsa.

UMI PHEEXIROOSI 1:17

Ayerano godowa hosikkinni mittu mittunkura loosisi garinni yoo yaanno Magano, «Annanke» yitine woshshidhinanniha ikkiro, tenne gobbara wosinchimma heedhinoonni yannara, iso waajjitinanni heedhe.