MARRO 6:13 - Qullaawa Maxaafa

¹³ «Magano'ne Kaaliiqa ayirrisse; isi callaho soqqamme. Isi su'mi callunni xaarre.

MARRO 6:13 ပူးပေါင်းရင်းမြစ်များ

KALAQAMA 24:3

Beetti'yara Yisihaaqira seenne gobba'yanninna fiixi'yawiinni marte haa'rattosita ikkinnina, ledonsa hee'reemmo Kana"aanooti seenne haa'rattosikki gede, gordunna baattote Magani Kaaliiqi su'minni xaarsiiseemmohe» yiisi.

LAYINKI MOOTOOLLA 17:36

jawa wolqa'yanninna wolqaataame cigile'yanni Gibitsete gobbanni fushshoommo'nehura ane Kaaliiqira calla hajajamme. Ane callaho kumbuulle; kakkalono ane callaho shiqishshe.

FAARSO 15:4

Cubbaataamma naadannokkiho; Kaaliiqa waajjitannore ayirrisannoho; qarramiro nafa coyi'rino qaale soorrannokkiho.

FAARSO 63:11

Moote kayinni, Maganu assinore lae hagiidhanno; Maganu su'minni hexxo uyitannori, iso galattanno; kapho coyi'ranno afii kayinni beewanno.

FULO 20:7

«Ane Magani'ne Kaaliiqi su'ma doogimale kayissinoonte; doogimale su'ma'ya kayisannohu dikeeraawanno.

FULO 23:25

Ane Magano'ne Kaaliiqa magansidhiniro, anino sagale'nenna waa'ne maassi'reemmo; dhibbano ki'newiinni hooleemmo.

ISAYAASI 45:23

Umi'yanni xaare soorrantannokkita halaalu hexxo eemmo; kunnira guluchu baalu anera guluphanno; arrawu baaluno ane su'minni xaaranno.

ISAYAASI 48:1

Israeeli su'minni woshshinanni'neri, Yaiqoobi sirchinna Yihudu ga're, Israeelete Magano magansi'neemmo yitinanni, Kaaliiqi su'minni xaartinanni. Ikkollana yitinoonni coye halaalunninna keeraanchimmatenni diwonshitinanni.

ISAYAASI 65:16

Maasso hasi'rannohu baalu, halaalaanchu Magani ani Kaaliiqi maassi'reemmosi gede huucci'ranno; xaarannohuno ane halaalaanchu Magani Kaaliiqi su'minni xaaranno. Saino qarri baalu hawamanno; ille'yannino go'lanno» yii.

ERMIYAASI 12:16

Manni'ya Ba"aali magansi'ranno gede assitino. Ani halaalaancho Magano ikkoommota ammante, manni'ya magansidhanno gara kulannonsa gede hasidhuro, tini gosano manna'ya ikkite qawaaxxidhe heedhanno.

ERMIYAASI 4:2

‹Heeshshote Magani halaaleeti› yitine halaalunni, taalotenninna sumbetenni xaartiniro, xaaro'ne garaho. Wole gosa baalantino galattannoe; maassi'reemmonsa gedeno huuccidhannoe» yaanno.

ERMIYAASI 5:2

Ki'neno, ‹Heeshshote Magani Kaaliiqi halaaleeti› yitine, ane su'minni xaartinanni; xaartinoonni xaaro kayinni qoltine diigginanni.

ERMIYAASI 5:7

«Manni'ya ane agure kaphu maganna magansi'ranno; ani cubbonsa hiitto asse agureemmoyya? Ani manni'yara hasiissanno sagale itise duushshoommonsa. Insa kayinni foortannore ikkite, yannansa fooru meenti ledo guddanno.

LEEWAAWOOTA 19:12

« ‹Ane su'minni beebbatenni xaartinoonte; tennenni ane Magani'ne su'ma shollishshinoonte. Ani Kaaliiqaati.

MAATEWOOSI 4:10

Hatte yannara Yesuusi, «‹Mootichu Maganikkira kumbuuli; iso calla magansi'ri!› yine borreessinoonnina, ati Sheexaanu anewiinni fafi!» yiisi.

MAATEWOOSI 5:33

Yesuusi lede, «Albi mannira, ‹Kaphu xano xa'nitinoonte; ikkollana Mootichaho xa'nitinoonni xano tidhe› yinoonnita macciishshitinoonni.

LUQAASI 4:8

Yesuusino, «‹Mootichu Maganikkira calla kumbuuli! Iso calla magansi'ri› yine borreessinoonni» yiisi.

MARRO 10:12

«Xaano Israeelete manna, Magani'ne Kaaliiqi ki'ne ayyirrissinannisi gede, doogosi baala hadhinanni gede, baxxinannisi gede, wo'mu wodani'nenninna wo'ma lubbo'nenni soqqantinannisi gede hasi'ranno.

MARRO 10:20

Magano'ne Kaaliiqa ayirrisse; magansidhesi. Isi ledo ammanamatenni heedhe. Isi su'mi callunni xaarre.

MARRO 13:4

Magani'ne Kaaliiqi hoode hadhe. Ayirrissesi; hajajosino agadhe. Hajajammesi; soqqammesi. Isi ledo mitto ikke.

MARRO 13:5

Gibitsete gobbanni borojjimmatenni wode fushshino'nehu Magani'ne Kaaliiqi aana bunshe assitinanni gede kayisanno'ne. Magani'ne Kaaliiqi doogonni wirri yitinanni gede assanno'nena, konne himanaanchonna haaqii'raancho shinona. Kunni garinni busha mereeri'nenni hunne.

MARRO 5:11

« ‹Ani Kaaliiqi, su'ma'ya kaphunni kayisannoha qorichishummokkinni diagureemmona, ane Maganikki Kaaliiqi su'ma kaphunni kayissooti.

MARRO 5:29

Wo'manka woyite hattoo wodani he'roommensaro, ayirrissoomme"eronna hajajo'ya baala wonshitoommero, insaranna sirchinsara geedote geeshsha wo'munku coyi qinaannonsahu baino.

MARRO 6:2

Kunino, eemmo'neta woganna hajajo baalanta agadhatenni, diri'ne seedanno gede, ki'ne, ooso'nenna ooso'ne ooso lubbotenni heedhinoonni diri baalunkunni Magano'ne Kaaliiqa ayirrissinanni gedeeti.

IYYAASU 2:12

Xaano ani ki'nera danchare assumma'nente gede, mini'ya manna baotewiinni gatisatenni danchare assitinannie gede xaarre"e. Kunnirano ammansiisanno malaate uuyye"e.

IYYAASU 23:7

Hakkunni gedensaanni, giddo'ne noo daga ledo horonta namoontinoonte; magannansa su'mano woshshitinoonte. Su'minsanni xaartinoonte; insara soqqantinoonte; kumbuultinoontensa.

IYYAASU 24:14

Iyyaasu lede, «Xa Kaaliiqa ayirrissesi; co'o yitino sumbenninna ammanamatenni soqqammesi. Akaakka'ne Mesiphexoomiyahonna Gibitsete magansidhinota wole maganna huntine, Kaaliiqa calla magansidhe.

UMI SAAMUEELI 20:3

Daawiti kayinni, «Ati baxattoeta annikki seekke egennino. Kunnira, ati afittoro dadillatto daafira konne coye afattokki gede assino. Heeshshote Kaaliiqinna ate halaali afanna, reyammora mitte qaafolla gattino» yee xaari.

UMI SAAMUEELI 7:3

Saamueelino Israeelete manna baalanka, «Co'o yiino wodaninni Kaaliiqiwa higginanniha ikkiro, wole gobba magannanna Astaarooti misile giddo'nenni fushshe. Heeshsho'ne gudissine Kaaliiqira uuyye; iso calla magansidhe. Isino Filisxeemete anganni gatisanno'ne» yiinsa.