MARRO 5:26 - Qullaawa Maxaafa

²⁶ Isi anfina, giirate giddo hee're coyi'ranna ninke macciishshinummonte gede, Heeshshote Magani huuro macciishshe lubbotenni hee'ra dandaanno manni wolu nooni?

MARRO 5:26 ပူးပေါင်းရင်းမြစ်များ

KALAQAMA 32:31

Phiinieeli sa"anni hee'reennanni arrishsho fultu; isino giwoodu xissinosi daafira dinanni no.

KALAQAMA 6:12

Maganu baatto lowo geeshsha bushu loosinni battaabbinota afi; kuneeti mannu baalu baattote aana bunshe loosanni noota lai.

FAARSO 42:2

«Mamoote iilleemma? Magani'ya albano mamoote laeemma?» yite, lubbo'ya heeshshote Magano goodhanno.

FAARSO 42:3

Baarigaarra'ya wo'manka woyite, «Maganikki hiikko no?» yitannae, hashshanna barra hindiiddo sagale ikkitue.

FAARSO 84:2

Ani hakkiicho hee'rate halchoommo; Kaaliiqi mineno sinsinnaawoommo. Heeshshote Maganira wo'mu wodani'yanni hagiidhanni faarseemmo.

FULO 20:22

Kaaliiqi Muse, «Israeelete mannira, ‹Ani Kaaliiqi gordoho hee're coyi'roommo'neta affinoonni.

ISAYAASI 40:6

« ‹Raari› yaannohu qoonqo macciishshoommo; anino, ‹Mayee raaro?› yoommo; tini qoonqono, ‹Mannu baalunku hayissote gedeeho; ayirrinyisino xawu daraaro gedeeho.

ERMIYAASI 10:10

Kaaliiqa, ati kayinni halaalanya Maganooti; ati heeshshote Maganooti; hegere Mooteeti. Ati hanqatto woyite kalqe baala huxidhanno; gobbate gashshaano ate hanqo uurrisa didandiitanno.

DAANIEELI 6:26

Gashshooti'ya giddo hee'ranno manni baalu, Daanieeli Magano waajjanno gedenna, ayirrisanno gede lallawunni hajajoommo. Maganisi heeshshonnihonna hegerera hee'rannoho; isi hegere hegerera mootete; gashshootisirano gawalo dino.

MAATEWOOSI 26:63

Yesuusi kayinni mittoreno qolikkinni sammi yii. Qeesootu Roorrichi lede, «Heeshshote Magani su'minni xa'meemmohena Ati Maganu Beetto, Kiristoosa ikkoottoro kulie» yiisi.

SOQQAMAASINETE LOOSO 14:15

«Manna, togo mayira assitinanni? Ninkeno ki'ne gedee mannaati. Ninke ki'ne kunni kaphu coyiwiinni faffine gordonna baatto, baaranna kuri giddo noore baala kalaqinohuwa Heeshshote Maganiwa higginara Hagiirru Duduwo kullammo'nera dangoommo» yitu.

ROOMU SOKKA 3:20

Seeru mannu baalu cubbaataamo ikkinota leellishanno daafira, Maganu albaanni Muse Seera agadhatenni keeraawannohu dino.

LAYINKI QORONTOOSI 6:16

Maganunnihu Qullaawu Mini kaphu magani ledo mayi lase afi'rino? Ninke heeshshote Magani hee'ranno Mine Qullaawaho. Maganuno, «Insa giddo hee'reemmo; mereeronsa ha'rameemmo. Ani Maganonsa ikkeemmo; insano gosa'ya ikkitanno» yiino.

MARRO 4:33

Maganu giirate mereero hee're coyi'ranna ki'ne gede macciishshe lubbotenni hee'rinohu horonta wolu manni nooni?

MARRO 5:27

Ati Muse shiqqi yite, Maganinke Kaaliiqi yaannore baala macciishshi. Hakkunni gedensaanni yaannore gudisse kulinke. Ninkeno macciishshine wonshineemmo› yitinoonni.

UMI TESELONQE 1:9

Ki'newa dangummo yannara hiittoo garinni haadhinoonninkero, heeshshonnihuranna halaalaanchu Maganira soqqamate, kaphu magannawiinni baxxitine Maganunniwa ikkitine higginoonni gara hakku manninni farci'ranno.

IYYAASU 3:10

Ki'ne alba higgine hadhinanni bikkinni, isi Kana"aanoota, Hitoota, Hiwoota, Ferizoota, Gergesoota, Amooraawootanna Iyaabuusoota albi'nenni hoolanno. Heeshshote Magani mereero'ne noota affinannihu,

EJJEETTO 13:22

Maanuheno galtesira, «Magano illetenni la'noommona reyankeeti» yiise.

UMI SAAMUEELI 17:26

Daawitino mulesi uurre noo manna, «Afummona, konne Filisxeemicha shee konne shollinye Israeelete aaninni hoolannohura ma"assinannisi? Qoleno, Heeshshote Magani olanto uggannohu isi kuni Magano afinokki Filisxeemichi ayeti?» yee xa'mi.