MARRO 5:2 - Qullaawa Maxaafa

² Maganinke Kaaliiqi Siina Ilaalira ninke ledo gondooro eino.

MARRO 5:2 ပူးပေါင်းရင်းမြစ်များ

LAYINKI MOOTOOLLA 17:35

Kaaliiqi Israeelete ledo gondooro ei woyite, «Wole maganna magansidhinoonte; insara soqqantinanni kumbuultinoonte; kakkalono shiqishshinoontensa;

FULO 19:1

Israeele Gibitsetenni fultuhunni sayikki aganira umi barra Siina Ilaali mule noo halalla iillitu.

FULO 24:8

Museno mundee haa're mannu aana wixanni, «Kaaliiqi ki'nera hajajo uyi'ne yannara eino gondoori mundee tenneeti» yii.

FULO 34:10

Kaaliiqi Musera, «Kuneeti ani ki'ne ledo gondooro e"eemmo; manni'ne baalu albaanni, baattote aana noo manni mereero anfe egenninoonnikki maalale asseemmo; ani mulekki asseemmo coyi waajjishannohona, kuni ledo nootto mannino dhagge'ya la"anno.

ERMIYAASI 11:4

Kuni gondoori siwiila daashshinanni booso gede iibbitino gobba Gibitsennitenni fushshummonsa waro akaakka'nera oommoho. Anera hajajanturonna yeemmore assituro, manna'ya ikkitannotanna anino Maganonsa ikkeemmota egensiisoommonsa.

ERMIYAASI 31:32

Kuni gondoori Gibitsetenni anga amade fushshummonsa waro annuwansa ledo eummohu gedeeha di"ikkino. Ani biilonsa ikke hee'reennanni insa gondooro'ya diiggino.

ERMIYAASI 34:13

Israeelete Magani Kaaliiqi, «Ani akaakka'ne Gibitsete gobbanni, borojjimmatenni fushshummo waro insa ledo gondooro eoommo.

MILKIYAASI 4:4

«Siina Ilaali aana soqqamaanchi'ya Muse widoonni qole Israeelete manni baalaho oommo seera, woganna wodho qaagge.

MARRO 1:6

Muse, «Kaaliiqi Maganinke Siina Ilaalira, ‹Xaate kunni ilaalira hee'ra ikkitino'ne.

MARRO 29:1

Kaaliiqi Siina Ilaali aana Israeelete manni ledo eino gondooro agurranna, wole Moaabi baattora Israeelete manni ledo eara Muse hajajinohu gondooru qaali kunninni aane nooho.

MARRO 4:13

Gondoorosi agadhitinanni gede lallambe kulloonni'ne. Hattino wonshitinanni gede uyinoonni'neti 10 hajajooti. Iseno 2 bonce seekkinoonni kinna aana borreessino.

MARRO 4:23

Magani'ne Kaaliiqi ki'ne ledo eino gondooro habbinannikki gede qorophe. Magani'ne Kaaliiqi hoolinota kaphu maganna mayi daninnino seekkidhinoonte.

MARRO 5:1

Muse Israeelete manna baalanka woshshe, «Israeele, techo barra macca'nera kuleemmo'neta woganna seera macciishshe; buuxxe; seekkitine agadhe.