MARRO 5:15 - Qullaawa Maxaafa

¹⁵ Gibitsete heedhini yannara, borojje ikkitine heedhinoonnita qaagi. Ani Maganikki Kaaliiqi hakkiinni jawaata anganninna wolqaataame cigilenni fushshoommo'neta huwati. Kunnira, Fooliishshote Barra ayirrisatto gede hajajoommohe.

MARRO 5:15 ပူးပေါင်းရင်းမြစ်များ

KALAQAMA 15:13

Kaaliiqi Abiraamira, «Sirchikki allaggu gobbara wosi'ne hee'rannota seekkite afi; hakkiichono borojjimmatenninna kadamatenni 400 diro hee'ranno.

KALAQAMA 19:16

Isi kayinni keeshsheenna, Kaaliiqi mararinosi daafira sokkaasine iso, galtesinna lamenta seennesi anga amadde katamu gobbaanni fushshitanno gede assi.

FAARSO 116:16

Kaaliiqa! Ani ate soqqamaanchooti; ama'ya soqqantuhente gede anino soqqameemmohe; ati reyotenni gatisoottoe.

FAARSO 136:12

Jawaata angasinni wolqaataame cigilesinni konne assino; bagamannokkihu baxillisino hegerehona.

FULO 13:14

Kunni ka'a ooso'ne, ‹Konne mayira assinanni?› yite xa'mitu'nero, ‹Gibitsete gobbara borojjimmatenni hee'neemmore Kaaliiqi jawa wolqasinni fushshinonke.

FULO 13:16

Tini wogano angankera usudhinoommohunna albinkera wodhinoommo malaati gede qaagiissitannonke; Kaaliiqi jawaata angasinni Gibitsete gobbanni fushshinonketa qaagiissitannonke› yitine kullensa» yii.

FULO 13:3

Muse mannaho, «Kaaliiqi wolqasinni Gibitsete gobbanni borojjimmatenni gatise fushshino'ne barri konneetina habbinoonte. Kunni barrinni shiishino tima ittinoote.

FULO 13:9

Kuni ayyaanino, anga'nera usudhitinoonnihunna albi'nera wodhitinoonni malaati gede ikko'ne; Kaaliiqi Gibitsete gobbanni jawa wolqasinni fushshino'ne daafira, seerisi wo'manka woyite afii'nenni fafikkinni marro higgine buuxxinanni gede qaagiissanno'ne.

FULO 20:11

Ani 6 barrinni gordonna gobba, baaranna giddosi noore baala kalaqe lamalki barra fooliishshi'roommo; ani Kaaliiqi Fooliishshote Barra maassi'roommohunna qullaawa assoommohu kunni daafiraati.

FULO 6:6

Kunnira Israeelete, ‹Ani Kaaliiqaati; Gibitsootu abbitino'ne shetto borojjimmannitewiinni gatise fushsheemmo'ne; anga'ya kayise bati'rino qarra insa aana dirriseemmo; ki'neno wode fushsheemmo'ne.

ISAYAASI 63:9

Qarrinsa yanna baalantera ledonsa qarramino; sokkaasincho soye ikkikkinni, isi umisi daye baxillisinninna maarosinni gatisinonsa; bi're hundinni kayise isi duhinonsa.

DAANIEELI 9:15

«Mooticha Maganonke! Kunni albaanni mannakki jawaata cigilekkinni Gibitsetenni fushshite su'makki techo geeshsha lowo mannira egennamanno gede assootto. Ninke kayinni cubbaataammanna sao assineemmore ikkinoommo.

MARRO 15:15

Ki'ne umi'ne Gibitsete gobbara borojje ikkitine heedhinoonnitanna Magani'ne Kaaliiqi wode haa'rino'neta qaagge. Techo tenne hajajo eemmo'nehu kunni daafiraati.

MARRO 16:12

Ki'neno Gibitsete borojje ikkitinoonnita qaagge. Tenne hajajono seekkitine agadhe.

MARRO 26:8

Kunninni kainohunni, Kaaliiqi jawaata angasinninna wolqaataame cigilesinni lowo masillinni, maala'linanni malaatinninna dhaggetenni Gibitsetenni fushshinonke.

MARRO 5:6

«Kaaliiqino, ‹Borojjimmate giddonni Gibitsete baattonni fushshummohehu Maganikki Kaaliiqi aneeti.

MARRO 9:12

Hakkunni gedensaanni Kaaliiqi, ‹Kai! Gibitsetenni fushshittohu mannikki battaawinona kawiinni rakke dirri. Hajajo'yawiinni rahe fafino; daashshine seekkinoonniha kaphu magano qixxeessi'rino› yiinoe.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.