MARRO 4:9 - Qullaawa Maxaafa

⁹ Ille'ne la'ino coye habbinannikki gede qaagge. Qoltineno lubbotenni heedhinoonni geeshsha wodani'nenni ba'annokki gedella jaattine agadhe. Tenneno ooso'neranna ooso'ne oosora rosiisse.

MARRO 4:9 ပူးပေါင်းရင်းမြစ်များ

KALAQAMA 18:19

Keeraanchimmanna sumbe assatenni Kaaliiqi doogo agadhitanno gede oososinna insa gedensaanni dagganno ilama baala rosiisara dooroommosi; hatto assituro, Abirihaamira coyi'roommo coye baalanka wonsheemmo» yii.

FAARSO 119:11

Cubbo looseemmokki gede, qaalekki wodani'yara wodhoommo.

FAARSO 71:18

Geedheemmonna awuuweemmo woyiteno, dagganno ilama baalate roorrekkinna wolqakki kuleemmona, Magano agurtootie.

FULO 10:2

ki'neno, tenne maalalenni Gibitsoota asse godo'loommo gara ooso'neranna ooso'ne oosora kultinanni. Kunninni, ki'ne baalunku ani Kaaliiqa ikkoommota affinanni» yiisi.

FULO 23:13

Yoommo'nere baala seekkitine agadhe; wole maganna huuccidhinoonte; su'mansano ga'nitinoonte.

LAWISHSHA 1:8

Beetto'ya ballo, annikki amaalannohere macciishshi; amakki rosiissannohereno mishshooti.

LAWISHSHA 23:26

Beetto'ya ballo, yeemmore seekkite macciishshi; ani ha'reemmo doogo higge ha'ri.

LAWISHSHA 3:21

«Beetto'ya ballo, egennonna wodancha seekkite cu'mi'ri; mulikkinni fafisidhooti.

LAWISHSHA 7:1

«Beetto'ya ballo, yoommohere seekkite agadhi; hajajo'yano wodanikkira wodhi.

ISAYAASI 38:19

Xa ani galateemmohe gede, lubbotenni noori callu galattannohe; annuwa oosonsara halaalaanchimmakki kultanno.

ISAYAASI 42:20

Lowo coye la'inoonni; ikkollana kayinni dibuuxxinoonni; maccatenni macciishshitinoonni; kayinnilla diwodanchitinoonni» yii.

ERMIYAASI 17:21

Kaaliiqi, ‹Fooliishshote Barra mittoreno dukkinannikki gedenna Yerusaalamete waalchuwa widoonni qoltine abbitinannikki gede qorophe!

LUQAASI 8:18

«Kunnira qaale ma garinni macciishshitinanniro seekkitine wodanche; noosihura lendanni; noosikkihu aaninni kayinni noosinkanni haa'ne hoollanni» yii.

EFESOONI SOKKA 6:4

Ki'ne annuwa! Ooso'ne Mootichu amaalenni seejjitinanni lossensa ikkinnina, caacceessitinoontensa.

MARRO 11:19

Mine ofoltinanni woyite, doogo hadhinanni woyite, goxxinanninna ka'inanni woyiteno ooso'nera kultinanni rosiissensa.

MARRO 12:1

«Annuwa'ne Magani Kaaliiqi, ragidhinara uyino'ne baatto aana heedhinanni diri baalunkunni agadha hasiissanno'neti woganna seeru kunninni aante nooreeti:

MARRO 16:3

Shiishshino liisamenni gannoonni timi ledo ittinoonte. Gibitsetenni muddamunni fultinoonni daafira, heeshsho'ne diri baalunkunni fultinoonni barra qaagginanni gede 7 barra qarru tima itte.

MARRO 17:19

Maganosi Kaaliiqa ayirrisa rosanno gede, kunni seeri giddo noo hajajo baalantanna tenne woga seekke agadhanno gede mulisinni faffoonke. Heeshshosi diri baalunkunni nabbawona.

MARRO 29:29

«Maganinke Kaaliiqi xawo fushshikkinni maaxe amadinohu lowo coyi no. Seerasi kayinni xawisinonke. Kunnira ninkenna sirchinke hegere geeshsha seerasi ayirrisa hasiissannonke.

MARRO 31:19

«Kunnira tenne faarso umi'nera borreessidhe; Israeelete mannirano rosiisse. Tini faarsono ani assate hasi'roommore qaagiissitanni wodaninsara naqaashshe ikkitanno.

MARRO 32:46

«Konne Seera baalanka seekkite agadhitanno gede ooso'neno hajajjinara, ani techo faajjete kuleemmo'ne coye baala wodani'nera wodhe.

MARRO 4:10

Siina Maganinke Kaaliiqi albaanni uurritini barra Kaaliiqi, «Baattote aana heedhanno yanna baalate ane ayirrisanna hajajama rossanno gede, oosonsarano rosiissanno gede, manna albi'yara gamba assi» yiieta qaagge.

MARRO 4:15

«Kaaliiqi Siina Ilaali aana giirate giddo hee're coyi'ri'ne barra, danasi horonta diaffinoonnina umo'ne seekkitine agadhe.

MARRO 4:23

Magani'ne Kaaliiqi ki'ne ledo eino gondooro habbinannikki gede qorophe. Magani'ne Kaaliiqi hoolinota kaphu maganna mayi daninnino seekkidhinoonte.

MARRO 6:12

borojjimmatenni Gibitsete gobbanni fushshino'neha Kaaliiqa habbinannikki gede qorophe.

MARRO 6:2

Kunino, eemmo'neta woganna hajajo baalanta agadhatenni, diri'ne seedanno gede, ki'ne, ooso'nenna ooso'ne ooso lubbotenni heedhinoonni diri baalunkunni Magano'ne Kaaliiqa ayirrissinanni gedeeti.

MARRO 6:20

«Kunni gedensaanni ooso'ne, ‹Maganinke Kaaliiqi konne biddishsha, woganna seera mayira uyinonke?› yite xa'mitanno'ne yannara,

MARRO 6:7

Ooso'nerano rosiissensa. Mine'ne ofoltinanni woyite, doogo hadhinanni woyiteno, goxxinanninna ka'inanni woyite hajajo'yare kula agurtinoonte.

MARRO 8:11

Techo barra eemmo'ne hajajo, seerasinna wogasi agadha hooggine Magano'ne Kaaliiqa habbinannikki gede qorophe.

MARRO 8:14

wodani'ne naaxxeenna borojjimmatenni Gibitsete baattonni fushshino'neha Magano'ne Kaaliiqa habbinannikki gede agadhe.

IBIRAAWOOTA 2:1

Kunnira, miteekkine macciishshinoommo coyiwiinni shalanqe umbeemmokki gede, roorsine qoropha hasiisannonke.

IBIRAAWOOTA 2:3

Tenne jawa gato lashshi assine agurrummoro, qorichuwiinni hiitto ikkine ganteemmo? Tenne gato balaxe Mootichunku lallawino. Macciishshitinorino konne coye ninkera buuxissinonke.

YAIQOOBI 2:22

Kunnira, ammana loosu ledo nootanna loosu ammana guuta assannota afitto?

IYYAASU 1:18

Ate roore hettisannohunna hajajokki baalanta wonshannokkihu hee'riro reyo. Ati bashshi yitooti! Jawaati!» yitu.

IYYAASU 23:11

Kunnira, Magano'ne Kaaliiqa seekkitine baxa hasiissanno'ne.

IYYAASU 4:21

Israeelootahono, «Albillittete ooso'ne, ‹Tini kinna mayinnite?› yite annuwansa xa'mituro,

YOHAANNIS AJUUJA 3:3

Kunni albaanni rosiinsoonniherenna kulloonnihere qaagi. Agadhi; aagintaawi. Baqqi yite agadha hoogittoro kayinni, mooraanchimma dayemmohe. Ma yannara dayemmohero horonta diafatto.

EJJEETTO 3:7

Israeelootu Kaaliiqi albaanni bunshe assitu. Kaaliiqa Maganonsano habbe, Ba"aalitanna Astaarooti maganna magansidhu.

EJJEETTO 8:34

Gaangaawinsara noo diinna baalatewiinni gatisinonsaha Kaaliiqa Maganonsa diqaaggino.