MARRO 4:40 - Qullaawa Maxaafa

⁴⁰ Ki'neranna ki'ne gedensaanni ooso'nera seyanno'ne gede, Magani'ne Kaaliiqi hegerera aanno'ne baattora diri'ne seedanno gede, techo ani hajajeemmo'neta wogasinna seerasi agadhe» yii.

MARRO 4:40 ပူးပေါင်းရင်းမြစ်များ

FAARSO 105:45

Konne duucha assinohu, mannisi seerasi agadhanno gedenna, hajajosi wonshanno gedeeti. Kaaliiqira galatu iillosi!

FULO 20:12

«Magani'ne Kaaliiqi aanno'ne baatto aana diri'ne seedanno gede anna'nenna ama'ne ayirrisse.

FULO 23:26

Gobba'ne meenti ilaweelo di"ikkanno; godowano dikisi'ranno; dirono seediseemmo'ne.

ROSIISAANCHO 8:12

Cubbaataammu xibbe higge cubbo loossanni seeda diro heedhuro nafa, halaalunni Magano waajjitannorira kayinni woyyannonsata afoommo.

ISAYAASI 65:20

Hakkunni gedensaanni qaaqquullu anje hee're direyanno; geerruno diro duuwikkinni direyanno. 100 dirinni hee're reyannoha, anje hee're reyinohu gede assine kiirranni; hakkuyi kawa reyannohu kayinni rumammohu gede kiiramanno.

ERMIYAASI 11:4

Kuni gondoori siwiila daashshinanni booso gede iibbitino gobba Gibitsennitenni fushshummonsa waro akaakka'nera oommoho. Anera hajajanturonna yeemmore assituro, manna'ya ikkitannotanna anino Maganonsa ikkeemmota egensiisoommonsa.

ERMIYAASI 35:18

Hakkunni gedensaanni ani Ermiyaasi Rekaabootaho, « ‹Israeelete Magani Olantote Mootichi Kaaliiqi, anni'ne Iyonaadaabi uyino'ne hajajo wonshitinoonni. Rosiisino'nere baala assitinoonni; kulino'ne seera baala agadhitinoonni.

ERMIYAASI 7:23

Kayinnilla, ani Magano'ne ikkeemmo gedenna ki'neno manna'ya ikkitinanni gede ani yoommore macciishshe. Hajajoommo'ne gede ikkitiniro baalunku coyi qinaanno'ne yoommonsa.

ERMIYAASI 7:7

Kunni garinni umo'ne woyyeessitinanniha ikkiro, akaakka'nera hegere iqqa asse oommo baattora heedhinanni gede asseemmo'ne.

LEEWAAWOOTA 22:31

«Hajajo'ya agadhe; yoommoreno wonshe. Ani Kaaliiqaati.

KIIRO 10:29

Muse Midiyaamichu Yootoori beettira galtesi rodiira Hobaabira, «Kune Kaaliiqi eemmo'ne yiino gobba ha'nammora ka'noommo. Kaaliiqi Israeele duroonsannota coyi'rinona, atino tenne jiro adhattona ledonke kai» yiisi.

YOHAANNISI 14:15

«Baxxinannieha ikkiro, hajajo'ya agadhitinanni.

EFESOONI SOKKA 6:3

Hatto assittoro, «Baalunku coyi seyannohe; baattote aana dirikkino seedanno» yaanno.

MARRO 11:9

Hakkunni gedensaanni, Kaaliiqi annuwa'neranna sirchinsara aara xaarinotera, hattenne malawunna ado lolakkanno baattora seeda diro heedhinanni.

MARRO 12:25

Kaaliiqi albaanni dancha coye assitinironna mundee aga agurtiniro, ki'neranna ki'ne gedensaanni ooso'nera seyanno'ne.

MARRO 12:28

Hajajoommo'ne coye seekkitine agadhitiniro, Maganu albaanni dancha coye ikkanno'ne. Ki'neranna ki'ne gedensaanni ooso'nera geedote seyanno'ne.

MARRO 22:7

Caacurrese adhitinara dandiitinanni. Seyanno'ne gedenna diri'neno seedanno'ne gede caacurru ama hadhona agurrese.

MARRO 25:15

Magani'ne Kaaliiqi aanno'ne baattora diri'ne seedanno gede, taalunna halaalaanchu keenaasinchinna safaraasinchi hee'ro'ne.

MARRO 32:47

Kuni qaali ki'nera seeda heeshsho aanno'neho ikkinnina, mullicho qaale di"ikkino. Kunni qaalinni Yordaanoosi Waa fultine ragidhinanni baattora seeda diro heedhinanni» yiinsa.

MARRO 33:25

Waalchi'ne cufani siwiilunnihanna camonniha ikko; lubbotenni heedhinoonni geeshsha wolqa'ne xe'oonke» yii.

MARRO 4:1

Xaano Israeele, lubbotenni heedhinanni gedenna annuwa'ne Magani Kaaliiqi aanno'ne baatto ragidhinanni gede rosiiseemmo'ne woganna seera wonshe.

MARRO 4:2

Eemmo'neta Magani'ne Kaaliiqi hajajo agadhe. Hajajoommo'nehu aana leddinoonte; xeissinoonte.

MARRO 4:5

Martine amaddinanni baattora, wonshitinanni gede Magani'ya Kaaliiqi hajajinoe garinni woganna seera rosiisoommo'ne.

MARRO 4:6

Tenne woga baala macciishshitannoriranna, «Halaalinta tini bayira gosa mageeshshi ogimmanna wodancha afidhino!» yaanno mannira ogimma'nenna wodancha'ne leeltanno gede seekkitine agadhe.

MARRO 5:10

Baxannoehuranna hajajo'ya agadhannohura kayinni, kume ilama geeshsha bagamannokkiha baxille'ya leellisheemmo.

MARRO 5:16

« ‹Ani Maganikki Kaaliiqi eemmohe baatto aana diru seedannohe gedenna seyannohe gede, hajajoommohe garinni annakkinna amakki ayirrisi.

MARRO 5:29

Wo'manka woyite hattoo wodani he'roommensaro, ayirrissoomme"eronna hajajo'ya baala wonshitoommero, insaranna sirchinsara geedote geeshsha wo'munku coyi qinaannonsahu baino.

MARRO 5:33

Lubbotenni heedhinanni gede, seyanno'ne gedenna ragidhinanni baatto aana seeda diro heedhinanni gede, Kaaliiqi hajajino'nere baala wonshe.

MARRO 6:18

Seyanno'ne gedenna Kaaliiqi annuwa'nera xaare uyinonsa hexxonni shaqqado gobba martine ragidhinanni gede, Kaaliiqi albaanni suwashshonna dancha coye asse.

MARRO 6:3

Kunnira Israeele, macciishshe! Annuwa'ne Magani Kaaliiqi uyino'ne hexxo garinni, malawunna ado lolakkannotera danchanna shaqqado baattora seyanno'ne gedenna lowo geeshsha batidhinanni gede, hajajosi seekkitine agadhe.

UMI XIMOOTEWOOSI 4:8

Manninate kaajjishi'rate rosi shiimarella kaa'lanno. Magano magansi'ra rosa kayinni xaarano dagganno heeshshorano hexxo noota ikkitino daafira, baalunkurira kaa'litanno.