MARRO 4:39 - Qullaawa Maxaafa

³⁹ «Xaate kunni ka'a iima gordoho, uulla baattote Kaaliiqi Magano ikkinota affe. Isi callu Maganoho. Konneno wodani'nera wodhe.

MARRO 4:39 ပူးပေါင်းရင်းမြစ်များ

LAYINKI SAAMUEELI 7:22

Kunnira Kaaliiqa Mooticha'ya, ati jawaho; ate gedeehu dino. Maccankenni macciishshinummonte gede ate agurranna wolu Magani nookkita anfoommo.

UMI DUDUWO 17:20

Kunnira Kaaliiqa'ya, ate gedeehu dino; maccankenni macciishshinummonte gede ate agurranna wolu Magani nookkita anfoommo.

UMI DUDUWO 28:9

Daawiti Selemoonira, «Beetto'ya Selemooni! Ane annikki Magano egennatto gede, wo'mu wodaninninna hagiidhitino hedonni soqqamattosi gede kuleemmohe. Isi hedonkenna halchonke baala egennino; isiwa gamba yiittoro, isino atewa gamba yaannohe; agurittosiro kayinni hegere geeshsha agurannohe.

UMI DUDUWO 29:11

Ati jawahonna wolqaataamoho; ati ayirrinyu, xummenna gaamaarre wo'mitinoheho; gordohonna baattote aana noori baalu ateho; ati wo'munkura aliidihonna wo'munku aana roorre afi'rootto mooteeti.

LAYINKI DUDUWO 20:6

qoonqosi naggi asse, «Akaakkanke Magano Kaaliiqa, gordoho heedhe gosa baala ati gashshootto; wolqanna roorre angakki no; ittisahera dandaannohu mittuno dino.

FAARSO 100:3

Kaaliiqi Magano ikkinota egenne; kalaqinonkehu isooti; ninkeno isireeti; ge'reewu gede asse allaalannonke mannasiiti.

FAARSO 115:3

Maganinke gordoho no; isi hasi'rinore assanno.

FAARSO 135:6

Gordohonna baattote aana, baaru diime giddo hasi'rinore assanno.

FULO 8:10

Ferioonino, «Hakkawoyiteetiro ga'anni huuccie» yii. Museno, «Maahoyye yootto gede asseemmo; atino Maganinke Kaaliiqi gedeehu wolu magani nookkita hakkawoyite afatto.

ISAYAASI 1:3

Handu nafa ceinoha annasi afino; harrichuno maddarannosiha egennino. Israeelete kayinni hattenne diegennino; manni'ya wodancha diafi'rino» yii.

ISAYAASI 43:10

«Ki'ne Israeele, ani Kaaliiqa ikkoommota buuxxine, egentinannienna ammantinannie gede doodhoommo; soqqamaano'yaatinna naqaashshe'yaati. Ane agurranna kunni albaanni wolu magani dino; kunni ka'ano dihee'ranno.

ISAYAASI 44:8

Ki'ne waajjitinoonte; bi're hundinni kayise balaxe dikuloommo'ne? Hanni ane gedeehu ayeti? Ki'ne anera naqaashshe'yaati; ane agurranna wolu Magani nooni? Ane ka'a golo ikkannohu nooni?» yii.

ISAYAASI 5:12

Agattonsa yannarano maasinqonna bagana dibbenna suusulle shiqqi assidhanno. Kaaliiqi assino coye mittono diwodanchitanno.

DAANIEELI 4:35

Baattote aana hee'ranno manni baalu, isi albaanni mullareeti; gordu sokkaasinerano ikko, baattote aana hee'ranno manni aana, hasi'rinore assanno. Hedinore assannokki gede hoolannohunna, «Togo mayira assatto?» yaannosihuno dino› yaanni ayirrisoommosi.

HOOSEI 7:2

Kayinnilla ani tenne bunshensa baalanta la"anni noommota horontanni diwodanchitino. Kunninni kainohunni uminsa cubbinni qoqqowantino; bushu loosinsa baalu albi'yanni dimaaxamino» yii.

UMI QORONTOOSI 8:4

Kaphu magannara kakkalate gorrinoonni maala itate daafira coyi'nanni woyite, kaphu maganna tenne gobba aana haafare ikkitinotanna mitto Magano agurranna wolu nookkita anfoommo.

UMI QORONTOOSI 8:6

ninkera duuchunkuri isinni ikkinohu, ninkeno isire ikkinoommohu mittu Magani Annu noonke. Qoleno duuchunkuri isi widoonni ikkinohu ninkeno isinni hee'neemmohu mittu Mootichi Yesuusi Kiristoosi noonke.

MARRO 32:12

Ayetano wolu magani kaa'lo hasi'rikkinni, Mannasi Kaaliiqi callisi massagino.

MARRO 32:29

Wodancha noonsaha ikkoommero, konne coye buuxxanno; marte gawa'litannowano affanno.

MARRO 4:35

«Kaaliiqi callu Magano ikkinotanna, isi ka'a wolu Magani nookkita affinanni gede ki'nera leellishino'ne.

MARRO 6:4

«Israeele, macciishshe! Magani'ne Kaaliiqi mitto Kaaliiqaati.

MARRO 7:9

Kunnira, Magani'ne Kaaliiqi baxxannosiriranna hajajosi agadhitannorira gondoorosinna bagamannokki baxillesi kume ilama geeshsha agarannoha ikkinota habbinoonte. Isi ammanamino Maganooti.

IYYAASU 2:11

Konne coye macciishshinummo yannara, wodaninke daaqino. Ki'ne waajjinoommo daafira, goontenke baala ba'ino. Kaaliiqi Magani'ne gordunna baattote Maganooti.

UMI SAAMUEELI 2:2

Kaaliiqa, ate gedeehu qullaawu ayino? Ate gedeehu wolu dino; ate Maganinke gedeehu golu dino.