MARRO 4:35 - Qullaawa Maxaafa

³⁵ «Kaaliiqi callu Magano ikkinotanna, isi ka'a wolu Magani nookkita affinanni gede ki'nera leellishino'ne.

MARRO 4:35 ပူးပေါင်းရင်းမြစ်များ

LAYINKI SAAMUEELI 22:32

Kaaliiqa agurranna wolu Magani dino; Maganinke callu irkonkeeti.

LAYINKI SAAMUEELI 7:22

Kunnira Kaaliiqa Mooticha'ya, ati jawaho; ate gedeehu dino. Maccankenni macciishshinummonte gede ate agurranna wolu Magani nookkita anfoommo.

UMI MOOTOOLLA 8:60

Kunni garinni gobbate aana noo manni baalu Kaaliiqi callu Magano ikkinotanna iso agurranna wolu magani nookkita afanno.

LAYINKI MOOTOOLLA 19:19

Kaaliiqa Maganonke, ati Kaaliiqi callu ninkera Magano ikkoottota daga baala affanno gede xa Asoorootu anganni gatisinke» yaanni huucci'ri.

UMI DUDUWO 17:20

Kunnira Kaaliiqa'ya, ate gedeehu dino; maccankenni macciishshinummonte gede ate agurranna wolu Magani nookkita anfoommo.

FAARSO 100:3

Kaaliiqi Magano ikkinota egenne; kalaqinonkehu isooti; ninkeno isireeti; ge'reewu gede asse allaalannonke mannasiiti.

FAARSO 58:11

Hatte yannara mannu, «Halaalintanni keeraano angasinni ba'raa'ra adhitanno; hada baattote aana halaale coyi'ranno Magani nooni?» yaanno.

FAARSO 83:18

Kaaliiqi ate calla ikkoottotanna, baattote aana Wo'munkura Aliidihu ate ikkoottota affona.

FULO 15:11

Kaaliiqa, magannate giddo ate gedeehu ayi no? Maala'linanni qullaambehu, waajjishanno xirchihu, dhagge loosannohu ate gedeehu ayi no?

FULO 8:10

Ferioonino, «Hakkawoyiteetiro ga'anni huuccie» yii. Museno, «Maahoyye yootto gede asseemmo; atino Maganinke Kaaliiqi gedeehu wolu magani nookkita hakkawoyite afatto.

FULO 8:6

Aaroonino Gibitsete wayi baalu aana siqqosi kayisi; beche'naamano fulte baatto wo'mitu.

FULO 9:14

giwittoro kayinni, gobba baalate aana ane gedeehu wolu nookkita afatto gede, ledokki gashshaanonna mannakki calla ikkikkinni, ate umokkino wolqaataamu qoomaminni ganeemmo.

ISAYAASI 43:10

«Ki'ne Israeele, ani Kaaliiqa ikkoommota buuxxine, egentinannienna ammantinannie gede doodhoommo; soqqamaano'yaatinna naqaashshe'yaati. Ane agurranna kunni albaanni wolu magani dino; kunni ka'ano dihee'ranno.

ISAYAASI 44:6

Olantote Magani Israeelete moote gatisaanchu Kaaliiqi, «Albihuno gedensihuno aneeti; ane agurranna wolu Magani dino.

ISAYAASI 44:8

Ki'ne waajjitinoonte; bi're hundinni kayise balaxe dikuloommo'ne? Hanni ane gedeehu ayeti? Ki'ne anera naqaashshe'yaati; ane agurranna wolu Magani nooni? Ane ka'a golo ikkannohu nooni?» yii.

ISAYAASI 45:18

Gorduwa kalaqinohu Kaaliiqaati; baatto seekke kalaqinohunna xintinohu isooti; kalaqinosehu fano heedhara ikkikkinni, mannu hee'ranno gedeeti. Isino, «Ani Kaaliiqaati; ane agurranna wolu Magani dino.

ISAYAASI 45:22

«Ane agurranna wolu magani nookki daafira, baattote qacce geeshsha heedhinoonniri baalu, anewa daggine gato afidhe.

ISAYAASI 45:5

«Ani Kaaliiqaati; ane agurranna wolu magani dino; ati ane egenna hoogittoro nafa wolqa eemmohe.

MAARQOOSI 12:29

Yesuusi, «Baalanta roortanno hajajo, ‹Israeele macciishshe! Maganinke Kaaliiqi mitto Kaaliiqaati.

MAARQOOSI 12:32

Seeru rosiisaanchi qole Yesuusa, «Rosiisaancho, ‹Maganu mittoho. Isi ka'a wolu Magani dino› yite coyi'roottoti halaaleho.

UMI QORONTOOSI 8:4

Kaphu magannara kakkalate gorrinoonni maala itate daafira coyi'nanni woyite, kaphu maganna tenne gobba aana haafare ikkitinotanna mitto Magano agurranna wolu nookkita anfoommo.

UMI QORONTOOSI 8:6

ninkera duuchunkuri isinni ikkinohu, ninkeno isire ikkinoommohu mittu Magani Annu noonke. Qoleno duuchunkuri isi widoonni ikkinohu ninkeno isinni hee'neemmohu mittu Mootichi Yesuusi Kiristoosi noonke.

MARRO 32:12

Ayetano wolu magani kaa'lo hasi'rikkinni, Mannasi Kaaliiqi callisi massagino.

MARRO 32:23

« ‹Higgannokki bao abbeemmonsa; bagado'yano aanansa gudeemmo.

MARRO 32:39

« ‹Ani calli'ya Maganoho; ane ka'a wolu magani dino. Sheemmo; gatiseemmo; madiisseemmo; hurseemmo; anga'yanni gatisara dandaannohu mittuno dino.

MARRO 33:26

Muse lede Israeele baalantera, Ayirrinye haraqi're gordo tayise sae, gomicho dare kaa'lara daannohu, Israeelete Magani gedeehu dino.

MARRO 4:39

«Xaate kunni ka'a iima gordoho, uulla baattote Kaaliiqi Magano ikkinota affe. Isi callu Maganoho. Konneno wodani'nera wodhe.

MARRO 6:4

«Israeele, macciishshe! Magani'ne Kaaliiqi mitto Kaaliiqaati.

MARRO 7:9

Kunnira, Magani'ne Kaaliiqi baxxannosiriranna hajajosi agadhitannorira gondoorosinna bagamannokki baxillesi kume ilama geeshsha agarannoha ikkinota habbinoonte. Isi ammanamino Maganooti.

UMI SAAMUEELI 2:2

Kaaliiqa, ate gedeehu qullaawu ayino? Ate gedeehu wolu dino; ate Maganinke gedeehu golu dino.