MARRO 4:34 - Qullaawa Maxaafa

³⁴ Magano'ne Kaaliiqa ille'nenni la'inanni Gibitsete assinonte gede jifatenni, maalalete malaattanninna dhaggetenni, gaarunni, jawaata anganninna wolqaataame cigilenni woy jawunna waajjishanno loosinni wole gosa mereero mitte gosa umisita assi'rara dandiinohu wolu Magani nooni?

MARRO 4:34 ပူးပေါင်းရင်းမြစ်များ

FAARSO 136:12

Jawaata angasinni wolqaataame cigilesinni konne assino; bagamannokkihu baxillisino hegerehona.

FAARSO 24:8

Kuni ayirradu moote ayeti? Jawaatu wolqaataami Kaaliiqaati; wolqaataamu olamaanchi Kaaliiqaati.

FAARSO 78:12

Gibitsete gobbara Tsoaani yinanni xawira, annuwansa la'anna Maganu maalale loosino.

FULO 1:9

Isino mannisira, «Kuneeti kuri Israeelootu kiiro batidhino; ninkerano wolqissinonke.

FULO 10:21

Hakkunni gedensaanni Kaaliiqi Muse, «Gibitsete baatto angatenni amandanni gedeehu beebbu tunsichi amadanno gede, angakki iima qolte kayisi» yii.

FULO 10:7

Ledosi gashshaano Ferioonira, «Kuni manchi ninke mamooti geeshsha qarrisanno? Maganonsa Kaaliiqa magansi'rate labballu geeshshi hadhona aguri; gobba ba'anni noota diaffanni nootto?» yitusi.

FULO 13:3

Muse mannaho, «Kaaliiqi wolqasinni Gibitsete gobbanni borojjimmatenni gatise fushshino'ne barri konneetina habbinoonte. Kunni barrinni shiishino tima ittinoote.

FULO 14:30

Kaaliiqi hakko barra Israeele kunni garinni Gibitsootu anganni gatise fushshinsa. Insano wayi fushshe tuginoha Gibitsootu reeshsha baaru gama affu.

FULO 15:11

Kaaliiqa, magannate giddo ate gedeehu ayi no? Maala'linanni qullaambehu, waajjishanno xirchihu, dhagge loosannohu ate gedeehu ayi no?

FULO 19:4

Gibitse assummotanna, ki'neno caacurresi qoolunni hanqafe duqqanno allamurchi gede asse abboommo'neta affinoonni.

FULO 3:10

Xa manna'ya Gibitsetenni fushshatto gede, Gibitsete mootewa soyemmohena amo» yiisi.

FULO 6:6

Kunnira Israeelete, ‹Ani Kaaliiqaati; Gibitsootu abbitino'ne shetto borojjimmannitewiinni gatise fushsheemmo'ne; anga'ya kayise bati'rino qarra insa aana dirriseemmo; ki'neno wode fushsheemmo'ne.

FULO 7:3

Ikkollana ani Feriooni wodana dilleesseemmo; kunninni kainohunni Gibitsete gobbara aye geeshshi maalale asseennano,

ISAYAASI 51:9

Kaaliiqa ballo kai! Ka'e wolqakki leellishi! Albi ilamara assittonte gede kainke! Reaabi murmuroottohu ateeti.

ERMIYAASI 21:5

Anino jawaata anga'yanninna wolqaataame cigile'yanni qaseemmohe; hanqi'yano aanakki buwanna la"atto.

ERMIYAASI 32:21

Maalaletenninna dhaggetenni, jawaata angakkinninna wolqaataame cigilekkinni, qoleno waajjishannohu xirchikkinni mannakki Israeele Gibitsete gobbanni fushshootto.

KIIRO 20:16

Kaaliiqi widira hinge raarreenna isino macciishshe sokkaancho soye Gibitsetenni fushshinonke. «Xa kune gashshootikki dannira Qaadesi Katamira hee'noommo.

MARRO 1:30

Alba'neenni ha'rannohu Magani'ne Kaaliiqi kunni albaanni ille'ne la'anna Gibitsete assi'nente gede, xaano ki'nera gaaramanno.

MARRO 10:21

Konne ille'nenni la'iniha jawanna waajjishanno coye assino'nehu Magani'ne isootina galattesi.

MARRO 11:2

Magani'ne Kaaliiqi seejjo, xirchosi, jawaata angasinna wolqaataame cigilesi affinorinna rossinori ooso'ne ikkitukkinni ki'ne ikkitinoonnita techo qaagge.

MARRO 26:8

Kunninni kainohunni, Kaaliiqi jawaata angasinninna wolqaataame cigilesinni lowo masillinni, maala'linanni malaatinninna dhaggetenni Gibitsetenni fushshinonke.

MARRO 29:3

Hakkonne jaddote qoomama, dhaggenna maalale ille'nenni la'inoonni.

MARRO 33:29

Ki'ne Israeelete manni, hiitto baraadhinoonnireeti! Kaaliiqi wode gatisinohu, ki'ne gedee manni mama no? Kaaliiqi umisi gargadhitinanninna qeeltinanni gede, assitanno wonqootinna biseeti. Diinna'ne higgenke yitanni ki'newa dagganno; ki'neno kaddine aanansa uurritinanni.

MARRO 34:12

Muse Israeelete manni baalunku albaanni assinohu gedeeha jawanna waajjishanno coye assinohu wolu himanaanchi dino.

MARRO 5:15

Gibitsete heedhini yannara, borojje ikkitine heedhinoonnita qaagi. Ani Maganikki Kaaliiqi hakkiinni jawaata anganninna wolqaataame cigilenni fushshoommo'neta huwati. Kunnira, Fooliishshote Barra ayirrisatto gede hajajoommohe.

MARRO 6:21

ki'neno, ‹Ninke Gibitsete gobbara Ferioonira borojje ikkine hee'noommo. Kaaliiqi kayinni jawaata angasinni hakkiinni fushshinonke.

MARRO 7:19

Ille'nenni la'inoonninte gede lowo geeshsha waajjishanno qoomaminninna dhaggete malaatinni Magani'ne Kaaliiqi jawaata anganninna wolqaataame cigilenni fushshino'ne. Magani'ne Kaaliiqi tenne dagano hatto asse hunanno.

MARRO 9:29

Insa kayinni wolqakkinninna jawaata angakkinni fushshootto mannaatinna doodhootto gosaati› » yee huucci'roommo.

IYYAASU 24:7

kaa'leemmonsa gede anewa higge raartino. Anino insanna Gibitsootu mereeri tunsanno gede assoommo. Baaru aanansa kamballi yaanno gede asse, Gibitsoota egemisiisoommo. Kunnira, Gibitsete aana assoommore ki'ne affinoonni. « ‹Ki'neno seeda yanna geeshsha halallitte gobbara heedhinoonni.

UMI PHEEXIROOSI 5:6

Yannasinni gotti assanno'ne gede, wolqaataame Maganu anga woroonni umo'ne heeshshi asse.