MARRO 4:32 - Qullaawa Maxaafa

³² «Maganu manna baattote aana kalaqi barrinni kayise, ki'ne heedhinara albaanni ikkinore xa'me; baattote qaccenni baattote qacce geeshsha xa'me. Togoohu jawu coyi horonta ikke woy macciishshame egenninoni?

MARRO 4:32 ပူးပေါင်းရင်းမြစ်များ

KALAQAMA 1:27

Maganu manna umisi daninni kalaqi; kalaqinosihuno umisi daninniiti; manna kalaqi woyite, labbaahanna meyata asse kalaqinonsa.

LAYINKI SAAMUEELI 7:23

Ateta assidhe Gibitsete borojjimmanni gatisse fushshoottoti Israeelete gedee gosa mama no? Wole daga shorrite dhaggenna maalale assite mannikki hee'ranno gede baattonsanni magannansa baala guddeenna su'mikki ayirrinsanniha ikkino.

IYYOOBI 8:8

«Heeshshonke haranchote; ninkeno be'rooreeti; anfoommorino dino. Baattote aaninni caalu gede ikkine sa'neemmoreeti; kunni daafira, albi egenno rosi; annuwanke rossino halaaleno buuxi.

FAARSO 44:1

Magano! Ati assoottore maccankenni macciishshinoommo; annuwankeno alba yannansara loosoottoha dhaggete looso kultinonke.

FULO 34:10

Kaaliiqi Musera, «Kuneeti ani ki'ne ledo gondooro e"eemmo; manni'ne baalu albaanni, baattote aana noo manni mereero anfe egenninoonnikki maalale asseemmo; ani mulekki asseemmo coyi waajjishannohona, kuni ledo nootto mannino dhagge'ya la"anno.

ISAYAASI 45:12

Baatto kalaqe, mannano aanase hee'ranno gede assoommohu aneeti; gordo anga'yanni diriirse, aanaho beeddahe diroommohu aneeti.

IYUEELI 1:2

Ki'ne geerru konne coye macciishshe! Baattote aana heedhinanniri baalunku macca'ne kawa qolle! Togoo coyi yanna'nera, woy akaakka'ne yannara ikke egenninoni?

AMOOTSI 3:2

Baattote aana hee'ranno manni baalu giddonni, ani dooroommori ki'ne calluwaho. Loossinanni cubbi baalaho, qorichisheemmo'nehuno kunniraati.

MAATEWOOSI 24:31

Xurumba lowo geeshsha luushshitanno sokkaasine soyanno; insano shoolenka raga hadhe, gordunna gobbate qaccenni Maganu doodhinore gamba assitanno» yii.

MAARQOOSI 13:27

Hatte yannara sokkaasine soyanno; insano shoolenka raga hadhe, gordunna gobba qasidhino geeshshinni Maganu doodhinore gamba assitanno.

MARRO 28:64

«Hakkiinnino Kaaliiqi gobbate qaccenni qaccete geeshsha gosa baalate mereero billaallisanno'ne. Hakkiicho ki'neno annuwa'neno affinoonnikkita haqqetenninna kinnatenni seekkinoonnita wole maganna magansidhinanni.

MARRO 30:4

Lowo geeshsha xeerto, gobbate qacce geeshsha massini'nero nafa, Magani'ne Kaaliiqi hakkiinni gamba assanno'ne; qoleno abbanno'ne.

MARRO 32:7

Alba saino dirire qaagge; kultanno'nena annuwa'ne xa'me. Alba sainore kultanno'nena geerra'ne xa'me.

MARRO 33:29

Ki'ne Israeelete manni, hiitto baraadhinoonnireeti! Kaaliiqi wode gatisinohu, ki'ne gedee manni mama no? Kaaliiqi umisi gargadhitinanninna qeeltinanni gede, assitanno wonqootinna biseeti. Diinna'ne higgenke yitanni ki'newa dagganno; ki'neno kaddine aanansa uurritinanni.

MARRO 4:7

Woshshi'neemmo yanna baalantera Maganinke Kaaliiqi ninkera mulenke hee're dawarannonkente gede, isi Maganinke gedeehu wolu magani noonsati wole bayira woy maa'ne gosa mama no?