MARRO 4:31 - Qullaawa Maxaafa

³¹ Magani'ne Kaaliiqi maaranno Magano ikkinohura, diaguranno'ne; diinohunanno'ne. Annuwa'nera xaarotenni dhaawino gondooro dihawanno.

MARRO 4:31 ပူးပေါင်းရင်းမြစ်များ

UMI DUDUWO 28:20

Moote Daawiti beettisi Selemoonira, «Mitte giddohanna muratoottoha ikki; waajjittokkinninna wolqa baittokkinni looso hanafi. Soqqameemmosihu Magani'ya Kaaliiqi ledokki no. Isi Qullaawa Minesi minte gudatto geeshsha atewiinni dibaxxanno; diagurannohe.

LAYINKI DUDUWO 30:9

Kaaliiqiwa higginiro, ooso'nenna roduuwa'ne qafaddinori mararte qae higganno gede assitannonsa. Magani'ne Kaaliiqi shaqqadonna mararannoha ikkino daafira, ki'ne isiwa higginiro, isino alba higanno'ne» yitannote.

NEHIMIYA 1:5

«Gordu Magano Kaaliiqa, ati jawahonna waajjinanniho. Ati baxxannoheriranna hajajokki ayirrissannorira baalaho gondoorokki seekkite agaratto.

NEHIMIYA 9:31

Qolteno ati mararattohanna maaratto Magano ikkoottohura, agurattonsaranna hunattonsara dihasi'rootto.

FAARSO 103:8

Kaaliiqi maarannohonna cubbo agurannoho. hanqoho dimuddamannoho; bagamannokkihu baxillisino bati'raho.

FAARSO 105:8

Gondoorosi hegerera, uyino hexxono kume ilama geeshsha agaranno.

FAARSO 111:4

Kaaliiqi shaqqadonna maarannoha ikkinohura, dhaggenniha loososi wo'manka woyite qaanganni gede assino.

FAARSO 111:5

Ayirrissannosirira sagale qixxeessannonsa; gondoorosino horontanni dihawanno.

FAARSO 111:9

Mannasi wolassinsa; insaa ledo hegere gondooro ei; isi qullaawahonna wolqaataamoho.

FAARSO 116:5

Kaaliiqi mararannohonna shaqqadoho; Maganinke shooshaqaho.

FAARSO 86:15

Mooticha'ya, ati maarattohanna mararattoho; hanqate muddamattokkiho; bagamannokkihu baxillikkinna halaalikki bati'raho.

FAARSO 86:5

Ati shaqqadohonna cubbono agurattohona, woshshidhannoherira baalaho bagamannokkiha baxillekki leellishattonsa.

FULO 6:8

Abirihaamira, Yisihaaqiranna Yaiqoobira ragisiisammora xaaroommo baatto haa're masseemmo'ne; umi'nera iqqa asse eemmo'ne; ani Kaaliiqaati› yiino yite kulinsa» yii.

ERMIYAASI 14:21

Su'mikki daafira yite mishshootinke; ayirrado barcimakkino shollishshooti. Ninke ledo eootto gondooro qaagi; diiggooti.

ERMIYAASI 30:11

Gatisammo'nera ani ledo'ne hee'reemmo; giddonsa billaallisummo'ne daga gudeemmo. Ki'neno qorichishummokkinni diagureemmo; kayinnilla digudeemmo'ne; halaalunni seejjeemmo'ne» yii.

LEEWAAWOOTA 26:42

Yaiqoobi, Yisihaaqinna Abirihaami ledo eoommo gondooro qaageemmo; ki'ne manni'yara baatto aammora coyi'roommo qaale haaroonseemmo.

LEEWAAWOOTA 26:44

Tenne giddoonni kayinni, ledonsa eoommo gondooro diige, diinnansa gobbara dicallachisheemmonsa; co'o yite ba'arano diagureemmonsa. Ani Kaaliiqi Maganonsaati.

LEEWAAWOOTA 26:45

Insa daafira yee, Maganonsa ikkeemmo gede daga la'anna Gibitsete gobbanni fushshummonsa waro, annuwansa ledo eoommo gondooro qaageemmo. Ani Kaaliiqaati» yii.

YOONAASI 4:2

Kunnira, «Kaaliiqa, togo assattota ani balaxe gobba'yara hee're dicoyi'roommo? Atewiinni miliqe Terseesi ha'rate hedoommohuno kunniraati. Ati shaqqadonna maarattoha, hanqoho muddamattokkiha, bagamannokki baxilli wo'minohehanna hanqokkino agurte maaratto Magano ikkoottota afoommo.

MIKIYAASI 7:18

Cubbo agurannohu, gattinorira saonsa sayisi'rannohu, maaro aannohunna hegere baxille leellishate yee koma amadannokkihu ate gedee Magani nooni?

KIIRO 14:18

Qolteno, ‹Ani cincaaleessaho, baxilli'yanna maaro'ya bati'rate; cubbonna sao agureemmo; sao assinoha kayinni qorichishummokkinni diagureemmo; annuwate cubbira sasenna shoole ilama geeshsha oosonsa qorichisheemmo› yootto gedenna,

LUQAASI 1:72

Hatto yiinohu, annuwankera maarosi leellisharanna, coyi'rinoha qullaawa gondooro wonshara hedeeti.

MARRO 31:6

Jawaatte; kaajje; insa horonta waajjitinoonte. Magani'ne Kaaliiqi ledo'ne hee'ranno; diaguranno'ne; dicallachishanno'ne» yee coyi'ri.

MARRO 31:8

Albakkiinni ha'rannohu Kaaliiqaati. Isi ate ledo hee'ranno. Dicallachishannohena, horontanni yaaddooti; waajjitooti» yiisi.

IBIRAAWOOTA 13:5

Woxu baxille qorophe; noo'nehu ikko'ne! Maganu, «Horo diagureemmohe; dicallachisheemmohe» yiino.

IYYAASU 1:5

Ate Iyyaasu lubbotenni nootto geeshsha qeelannohehu ayino dihee'ranno. Ani Muse ledo hee'rummonte gede, ate ledono hee'reemmo. Wo'manka woyite ate ledo noommo; horontanni diagureemmohe.