MARRO 4:30 - Qullaawa Maxaafa

³⁰ Qarrantinanni woyitenna kuni baalunku coyi iillanno'ne yannara, Magani'ne Kaaliiqiwa higgine hajajantinannisi.

MARRO 4:30 ပူးပေါင်းရင်းမြစ်များ

KALAQAMA 49:1

Yaiqoobi oososi woshshe, «Albillittete iillanno'ne coye kuleemmo'nena gamba yiiyye.

FAARSO 107:13

Qarrinsa yannara Kaaliiqiwa higge raartu; isino shettotenni gatisinsa.

FAARSO 107:6

Qarrinsa yannara Kaaliiqiwa higge raartu; isino shettotenni gatisinsa.

FAARSO 18:6

Shetummo yannara, Kaaliiqa woshshi'rummo; kaa'laera Magani'yawa hige raarummo; Qullaawu Minisira hee're, qoonqo'ya macciishshi; raare'yano isiwa iillitu.

FAARSO 59:16

Ani kayinni ate jawaantekki daafira faarseemmohe; qarramummo yannara ati golonna qiisho ikkoottoena, soodimaroho bagamannokkihu baxillikki daafira yee geeweemmohe.

FULO 18:8

Muse, Kaaliiqi Israeelete daafira yee Feriooninna Gibitsete manni aana assinore baala kulisi. Qoleno doogote aana xaaddinonsa mitiimmanna hakkiichinnino Kaaliiqi asse gatisinonsa gara hasaawisi.

ISAYAASI 1:19

Maahoyye yitine hajajantiniero, baatto uyitanno atoote ittinanni.

ERMIYAASI 23:20

Hedoommore wonshammo geeshsha, hanqi'ya dihiganno; ki'neno mitto barra konne coye buuxxinanni.

ERMIYAASI 4:1

Kaaliiqi, «Ki'ne Israeelete manni higginanniro anewa higge. Ani giweemmore kaphu maganna huntine anera ammanantiniro,

ERMIYAASI 4:2

‹Heeshshote Magani halaaleeti› yitine halaalunni, taalotenninna sumbetenni xaartiniro, xaaro'ne garaho. Wole gosa baalantino galattannoe; maassi'reemmonsa gedeno huuccidhannoe» yaanno.

ERMIYAASI 7:23

Kayinnilla, ani Magano'ne ikkeemmo gedenna ki'neno manna'ya ikkitinanni gede ani yoommore macciishshe. Hajajoommo'ne gede ikkitiniro baalunku coyi qinaanno'ne yoommonsa.

ERMIYAASI QURTO 3:40

Doogonke xiinxalline la'no; Kaaliiqiwano hingo.

DAANIEELI 10:14

Ani dayommohuno albillitte mannikki aana daanno coye kulammoheraati. Tini ajuujano albillitte ikkanno coye xawissannote» yiie.

HOOSEI 3:5

Hakkunni gedensaanni Israeelete manni galagale hige Maganonsa Kaaliiqanna mootensa Daawitino hasi'ranno. Hatte yannara Kaaliiqa ayirrisanno; dancha atooteno adhanno.

ZAKKAARIYAASI 6:15

Hatte yannara, fafowa hee'ranno manni Kaaliiqiha Qullaawa Mine galagalche mina kaa'lara daanno. Qullaawu Mini'ya minamanno yannara, ki'newa soyinoehu Olantote Mooticha Kaaliiqa ikkinota affinanni. Kuni baalunku wo'mannohu Magani'ne Kaaliiqira hajajantinirooti.

KIIRO 24:20

Hakkunni gedensaanni Beleaami Amaaleqi gosa afe, «Amaaleqi gosa mannaho aliidite; gedensaanni kayinni co'o yite gooffanno» yee himani.

SOQQAMAASINETE LOOSO 26:20

Kunnira, umo asse Demaasiqote noo manna qoleno Yerusaalametenna Yihudu gobbara noorenna daga aagintaabbe Maganunniwa higganno gede rosiisoommo. Aagintaawansa leellishanno coyeno assitanno gede rosiisoommonsa.

SOQQAMAASINETE LOOSO 3:19

Kunnira, cubbi'ne aguramanno'ne gede aagintaabbine Maganunniwa higge.

MARRO 30:10

Ki'ne kayinni, Magani'ne Kaaliiqira hajajama hasiissanno'ne. Kunni Seeru Maxaafi giddo borreessinoonnita wogasinna hajajosi baala agadhe. Wo'mu wodani'nenninna wo'ma lubbo'nenni Magani'ne Kaaliiqiwa higge.

MARRO 30:2

Hattoonnino techo ani hajajeemmo'ne garinni ki'nenna ooso'ne Magani'ne Kaaliiqiwa higgine wo'mu wodani'nenninna wo'ma lubbo'nenni hajajantinisiro,

MARRO 31:17

Hatte yannara hanqi'ya aanansa buwanno. Anino callachisheemmonsa; alba'ya insawiinni shawwu asseemmo; insano ba'anno. Lowo qarrinna lowo shetto iillitannonsa. Hakko barra, ‹Tini bao iillitinonkehu Maganinke ledonke nookkihuraati› yitanno.

MARRO 31:21

Lowo qarrinna lowo shetto iillitannonsa yannara, hajajama hoogansanni kainohunni qorichisha'yara tenne faarso oosonsa habbannokki gede faarsitanna naqaashshe ikkite heedhannonsa. Aammonsara hedoommo baatto iillishammonsara albaanni, wodaninsara noota busha yorto afoommo» yii.

MARRO 31:29

Ani reemmo waro horonta battaabbinannita, hajajoommo'ne doogonnino wirri yitinannita afoommo. Kaaliiqi giwanno coye assatenni iso hanqissineenna bao dagganno'ne» yee coyi'ri.

IBIRAAWOOTA 1:2

Xa kayinni kunni goofimarchu barrinni baalankare ragi'ranno gede assinohu Beettisi widoonni qole ninkerano coyi'rinonke. Kalqe baala kalaqinohuno isinniiti.

IBIRAAWOOTA 5:9

Guuta ikkasi anfihu gedensaanni, hajajantannorira baalaho hegere gatora doogo ikkinonsa.