MARRO 4:29 - Qullaawa Maxaafa

²⁹ Ikkollana, hakkiicho heedhine Magano'ne Kaaliiqa wo'mu wodani'nenna wo'ma lubbo'nenni hasidhinisiro afidhinannisi.

MARRO 4:29 ပူးပေါင်းရင်းမြစ်များ

LAYINKI MOOTOOLLA 10:31

Iyu kayinni Israeelete Magani Kaaliiqi Seera wo'mu wodaninni agadha agure, Israeele cubbu giddora eessinohu Iyorbiaami loosino gedee bunshe loosino.

LAYINKI MOOTOOLLA 23:3

Iyosiyaasino kae mootete heelliicho mule uurre, wo'mu wodanisinninna wo'ma hedosinni Kaaliiqi yiino gede ikkate, hajajosi, wogasinna wodhosi agadhatenni maxaafu giddo borreessinoonnire wonshate gondooro ei. Mannu baalunkuno gondooro agadhate sumuu yii.

LAYINKI DUDUWO 15:12

Akaakkansa Magano Kaaliiqa wo'mu wodaninninna wo'ma lubbonni magansi'rate gondooro e'u.

LAYINKI DUDUWO 15:15

Yihudu manni konne gondooro wo'mu wodaninsanni eino daafira tashshi yiinonsa. Maganunniwano higgeenna isino higinonsa. Isino yitinore macciishshe wo'manka ragaanni keere uyinonsa.

LAYINKI DUDUWO 15:2

Isino fule Aasanni xaade, «Moote Aasa, ati Yihudunna Biiniyaami ga're baala yeemmo'nere macciishshe! Ki'ne Kaaliiqi ledo heedhiniro, isino ki'ne ledo hee'ranno. Hasidhinisiro afidhinannisi; agurtinisiro kayinni isino aguranno'ne.

LAYINKI DUDUWO 15:4

Qarru amadinsa yannara kayinni, Israeelete Magani Kaaliiqiwa alba higino; hasi'reno afi'rinosi.

LAYINKI DUDUWO 31:21

Qullaawa Mine loosino looso baalanna Maganu seeranna hajajosi agadhatenni Maganisira wo'mu wodaninni soqqamino daafira assi'rinori qiniinosi.

NEHIMIYA 9:27

Kunnira, diinnansa qeelte gadadissannonsa gede sayisse oottonsa. Qarrantanno yannara kaa'lo afi'rate atewa raartino; atino gordoho heedhe macciishshoottonsa. Maarokki batinyinni kainohunni, diinnansawiinni gatissannonsa albisoota soottonsa.

FAARSO 119:10

Ate wo'mu wodani'yanni hasi'reemmo daafira, hajajokki wonsheemmo gede kaa'lie.

FAARSO 119:145

Kaaliiqa ballo, wo'mu wodani'yanni, atewa hige raareemmona macciishshie; anino hajajokki wonsheemmo.

FAARSO 119:2

Hajajosi wonshitannorinna, wo'mu wodaninni iso hasidhannori baraadhinoreeti.

FAARSO 119:58

Wo'mu wodani'yanni huucci'reemmohena, hexxonnihu qaalikki garinni elie.

ERMIYAASI 3:10

Konne baala assituhu gedensaanni dogaancho Israeelete rodoo Yihudu, galagalte anewa higginohu digodowinniitina goowi alinniiti. Konne coye coyi'roommohu ani Kaaliiqaati» yiie.

ERMIYAASI 51:50

Kaaliiqi Baabilooni hee'ranno mannira, «Ki'ne reyotenni gattinoonniri manni'ya, rakkine fultine hadhe! Manni gobbara heedhinirono, ane Kaaliiqanna Yerusaalame habbinoonte.

HIZIQEELI 6:9

Kuni mannino hakko marino gobbara hee'ranno; hakko hee'ranno yannara ane qaaganno. Ani qorichishoommonsahunna shollishoommonsahu ammanantinokkire ikkitinohuranna ane agurte kaphu magannara soqqantino daafira ikkinota affanno. Assitino bunshenni kainohunni umonsa gibbanno.

IYUEELI 2:12

Kaaliiqi coyi'ranni, «Xa nafa co'o yiino wodaninni, ita aga agurtine, wi'litinanninna raartinanni anewa higge!

AMOOTSI 5:4

Kaaliiqi, «Israeelete manna, lubbotenni heedhinannina, ki'ne ane hasidhe.

MARRO 10:12

«Xaano Israeelete manna, Magani'ne Kaaliiqi ki'ne ayyirrissinannisi gede, doogosi baala hadhinanni gede, baxxinannisi gede, wo'mu wodani'nenninna wo'ma lubbo'nenni soqqantinannisi gede hasi'ranno.

MARRO 11:13

«Techo ani oommo'ne hajajo ammanamatenni agadhitiniro, Magano'ne Kaaliiqa baxxinironna wo'mu wodani'nenninna wo'ma lubbo'nenni soqqantinisiro,

MARRO 26:16

«Magani'ne Kaaliiqi tenne woganna seera agadhitinanni gede techo hajajinonke. Ki'neno wo'mu wodani'nenninna wo'ma lubbo'nenni wonshate seekkitine agadhe.

MARRO 30:10

Ki'ne kayinni, Magani'ne Kaaliiqira hajajama hasiissanno'ne. Kunni Seeru Maxaafi giddo borreessinoonnita wogasinna hajajosi baala agadhe. Wo'mu wodani'nenninna wo'ma lubbo'nenni Magani'ne Kaaliiqiwa higge.

MARRO 6:5

Magano'ne Kaaliiqa, wo'mu wodani'nenni, wo'ma lubbo'nenni, wo'ma wolqa'nenni baxxe.

IYYAASU 22:5

Muse uyino'ne Seera seekkitine agadhe; Magano'ne Kaaliiqa baxxe; hedosi wonshe; hajajosino agadhe. Isira ammanantinoonnire ikkitine, wo'mu wodaninninna wo'ma lubbonni soqqammesi» yii.

UMI SAAMUEELI 7:3

Saamueelino Israeelete manna baalanka, «Co'o yiino wodaninni Kaaliiqiwa higginanniha ikkiro, wole gobba magannanna Astaarooti misile giddo'nenni fushshe. Heeshsho'ne gudissine Kaaliiqira uuyye; iso calla magansidhe. Isino Filisxeemete anganni gatisanno'ne» yiinsa.