MARRO 4:28 - Qullaawa Maxaafa

²⁸ Hakkiicho, la"a woy macciishsha, ita woy ulata dandiitannokkire mannu anganni seekkinoonnire haqqetenna kinchu maganna magansidhinanni.

MARRO 4:28 ပူးပေါင်းရင်းမြစ်များ

LAYINKI MOOTOOLLA 17:40

Ikkollana insa konne coye macciishsha gibbe albi rosinsa garinni heedhu.

ISAYAASI 26:14

Xa insa reyitino; kunni ka'a lubbotenni diheedhanno; ati qorichishsheenna ba'ino. Layinkimeeshsho dika'anno; qaagannonsahuno dihee'ranno.

ISAYAASI 44:11

Insa magansidhannori baalu saalfattanno. Woloota ikkitukkinni magansi'nanni misilla boccannori, baalunku gamba yite yoote darga uurrito. Baalunku waajjitanno; saalfattanno.

ISAYAASI 44:12

Siwiila tumannohu magansi'nanni misilla seekkate siwiila giiratenni daashshanno. Siwiila madooshunni gane taashshanno; konne looso loosanno woyite hudi'ranno; goo'ranno; daafuranno.

ISAYAASI 44:9

Kaphu maganna bocce seekkitannori haafaho; daafurte seekkidhannoti misillansano mullareeti. Insa magansidhannorino ballootanna egenno afidhinokkire ikkitino daafira shollinyu amadannonsa.

ISAYAASI 45:20

«Addi addi gobbara billaallitinoonniwiinni higginoonniri baalu, gamba yitine amme! Haqqu maganna duqqite doyitannorinna, gatissannokki misilla huuccidhannori egenno diafidhinoreeti.

ISAYAASI 46:7

Haadhe qoteho duqqitannonsa; misillano worroonniwa mitto bayicho uurrite heedhanno; noo darginni milli diyitanno. Qarrante huuccidheenna dawaro diqoltannonsa; mittu qarrinnino gatisse diaffanno.

ERMIYAASI 10:3

Kaphu magano magansidhanno daga hadhanno doogo haafaho; haqqe dubbunni karranni; angate ogimma afi'rinohu qottotenni boce seekkanno.

ERMIYAASI 10:5

Togoo misilla baaqulu giddo qansoonni kankichi gedeereeti; coyi'ra didandiitanno; ha'rano dandiitannokki daafira, mannu duhannonsa. Danchano bushano assite affannokki daafira, horonta hakkore waajjitinoonte» yii.

ERMIYAASI 10:9

Misillansa, Terseesinni dayino birrinni seekkinoonni; Ufaazinni dayino culka, aanaho xallinoonnireeti; hayyoole seekkite biifissino; ogeeyye gantinota bulenna duume uddano uddisiinsannireeti.

ERMIYAASI 16:13

Kunni daafira, ki'ne tenne gobbanni fushshe ki'nenna akaakka'ne affinoonnikki gobba qole shorreemmo'ne. Hakkiicho hashshanna barra kaphu maganna magansidhinanni. Anino horonta dimaareemmo'ne› yiino yite kulinsa» yiinoe.

HIZIQEELI 20:32

Wole daga gede woy haqqenna kinna magansidhannori gede ikkate heddinoonni. Kayinni, kuni horonta di"ikkanno coyeti.

HIZIQEELI 20:39

Mootichu Kaaliiqi, «Kuneeti xaano ki'ne Israeele ani yeemmota macciishsha gibbiniro, baxxinoonnire baala asse. Hadhine, kaphu magannano magansidhe; hakkunni gedensaanni kayinni, kaphu maganna'nera kakkalo shiqishshinanni qullaawa su'ma'ya dishollishshinanni.

SOQQAMAASINETE LOOSO 19:26

Kuni Phaawuloosi yinanni manchi, ‹Angatenni seekkinoonniri maganna di"ikkitino› yaanni Efesooni calla ikkikkinni, shiima gobba agurranna Issiyu gobba baala tuqise, lowo manna ammanchiishe hunanni noota affinoonni, macciishshitinoonni.

SOQQAMAASINETE LOOSO 7:42

Maganu kayinni insawiinni fafino. Gordu beeddahe magansidhanno gede assinonsa. Hakkuno himanaanote maxaafira, ‹Ki'ne Israeelete manna, shoyilloo diro wo'ma, halalla kakkalonna fushshaate, shiqishshinoonnihu aneraatini?

MARRO 28:36

«Kaaliiqi ki'nenna mootoolla'ne assidhinoonnire, ki'nenna annuwa'ne affinoonnikkiwa manni gobba haa're ha'ranno. Hakkiicho martine haqqetenninna kinnatenni seekkinoonni maganna magansidhinanni.

MARRO 28:64

«Hakkiinnino Kaaliiqi gobbate qaccenni qaccete geeshsha gosa baalate mereero billaallisanno'ne. Hakkiicho ki'neno annuwa'neno affinoonnikkita haqqetenninna kinnatenni seekkinoonnita wole maganna magansidhinanni.

MARRO 29:17

Mereeronsano tiyyi'nanni misilla haqqanna kinna bocce birrunninna culkunni seekkidhinota kaphu maganna magansidhanna affinoonni.

YOHAANNIS AJUUJA 9:20

Kunni qoomaminni reyitukkinni gattinori busha looso agurte diaagintaabbino. Durriisahonna culkunni, birrunni, camotenni, kinchunninna haqqetenni seekkinoonnirira la"a, woy macciishsha, woy ha'ra dandiitannokki maganna kaphunnitera soqqama diagurtino.

UMI SAAMUEELI 26:19

Xaano moote mooticha'ya, ani soqqamaanchikki yeemmota macciishshie. Ane aana ate Kaaliiqi wore agurinoheha ikkiro, hoolannoe gede kakkalo shiqishi'reemmo. Konne coye kayinni mannu assanni nooro, Kaaliiqi doorino gobbanni fule ha're wole maganna magansi'nanni gobbara hee'reemmo gede assitinoe daafira, hakkuri Kaaliiqi albaanni rumantinore ikkito.