MARRO 4:27 - Qullaawa Maxaafa

²⁷ Kaaliiqi ki'ne dagate mereero billaallisanno'ne. Dagate mereero billaalliseenna'ne shiimu manni callu gattinanni.

MARRO 4:27 ပူးပေါင်းရင်းမြစ်များ

KALAQAMA 11:4

«Amme mitto katama minnona; hakkiicho birxesi gordo iillanno mine minnona; kunni garinni baatto baalate aana billaallinumokkinni su'minke woshshamanno gede assinona» yitu.

KALAQAMA 34:30

Yaiqoobi Leewiranna Simioonira, «Tenne gobbara heedhanno Kana"aanootinna Ferizooti mereero su'ma'ya boshshitinoonni; anera lowo manni dinoe; gamba yite amadduero, anenna maate'ya guddanno» yii.

NEHIMIYA 1:3

Insano, «Qafadotenni gatte gobbansa higgino Ayihudooti lowo qarriranna shollinyeho ubbe no. Yerusaalamete huxxi diigamino; huxxu cufannano giirantino» yite kultinoe.

FAARSO 106:27

Sirchonsa baala dagate mereero billaallisannotanna, manni gobbara reyitannota egensiisinsa.

FAARSO 44:11

Ge'reewu gede gorramate sayisse oottonke; dagate giddono billaallisoottonke.

FAARSO 44:12

Mannakki mullurira hirootto; mulla sayisse ootto.

ISAYAASI 17:6

Shiimu manni callu gatanno. Aliidi sinira 2 woy 3 gumi noosihu gede, qoleno woriidi sinira 4 woy 5 gumi gatino ejersi gede ikkitanno. Konne coye coyi'roommohu ani Israeelete Magani Kaaliiqaati.

ERMIYAASI 16:13

Kunni daafira, ki'ne tenne gobbanni fushshe ki'nenna akaakka'ne affinoonnikki gobba qole shorreemmo'ne. Hakkiicho hashshanna barra kaphu maganna magansidhinanni. Anino horonta dimaareemmo'ne› yiino yite kulinsa» yiinoe.

HIZIQEELI 11:16

«Kunnira, qafadante wole gobbara heedhannorira fiixikkira ani yeemmohere baala kulinsa. Qafadante fafo daga giddo heedhannonna wole gobbuwara billaallitanno gede assoommohu aneeti. Kayinnilla, yannate geeshsha billaallisummonsaha ikkirono, ani martinowa ledonsa noommo.

HIZIQEELI 12:15

«Allaggu gobbara hee'ranno manni mereero billaalliseemmonsa yannara, ani Kaaliiqa ikkoommota affanno.

HIZIQEELI 20:23

Kunnira, halalla moola baattora heedheenna, gobba baalate billaalliseemmonsata xaare kuloommonsa.

HIZIQEELI 22:15

Mannakki gobba baalatenna gosa baalate mereero billaalliseemmo; bushu loosikki hakko gawa'lanno.

HIZIQEELI 32:26

«Mesheekinna Tubaalino olantonsa moogga gaangeessiteennansa hakkiicho no. Insa shinoonnihuno olunniiti; baalunku Maganiweelootaho. Insano lubbotenni noo waro mannaho mogga naqqino.

DAANIEELI 9:7

Mooticha'ya! Ati wo'manka woyite suwashsho coye assatto; ninke kayinni techo geeshsha uminke aana shollinye abbi'noommo; Yihudahonna Yerusaalamete heedhannori, mulenna xeertote noo gobba baalate billaallitanno gede assootto Israeelooti baalu aana daanno coyi konneeti. Kaimuno atera ammanama hoongoommo daafiraati.

HOOSEI 9:17

Isira hajajantinokki daafira, Magani'ya wigidiide tugannonsa; insano dagate mereero raataabbanni heedhanno.

LEEWAAWOOTA 26:33

dagate mereero billaalliseemmo'ne; bise'ya fushshe shorreemmo'ne. Baatto'ne mulla darga ikkitanno; katamma'neno diigante gattanno.

ZAKKAARIYAASI 7:14

Hombobolattete gede fee haa're ha're affinokkitera allaggu gobbara heedhanno gede assoommonsa. Tini dancha gobba kayinni, ayino hee'rannokkita ona ikkite gattu» yaanno Olantote Mootichi Kaaliiqi.

MARRO 28:36

«Kaaliiqi ki'nenna mootoolla'ne assidhinoonnire, ki'nenna annuwa'ne affinoonnikkiwa manni gobba haa're ha'ranno. Hakkiicho martine haqqetenninna kinnatenni seekkinoonni maganna magansidhinanni.

MARRO 29:28

Kaaliiqi lowo geeshsha hanqe baattonsa aaninni buqqise wole baattora masse tuginonsa. Kuneeti xa techo geeshsha hakkiicho no› yitanno.

MARRO 30:3

Magani'ne Kaaliiqi mararanno'ne. Dagate mereero billaallisino'newiinnino galagalche gamba asse duroonsanno'ne.

MARRO 32:26

Insa ayino qaagannonsakki gede asse, billaallisammora dandeemmo.