MARRO 4:26 - Qullaawa Maxaafa

²⁶ Anera hajajama gibbiniero, baattote aaninni rakkine ba'inannita egensiisate gordonna baatto techo naqaashshe kiidheemmo. Yordaanoosi fultine ragidhinoonni baattora seeda diro hee'ra didandiitinanni; co'o yitine ba'inanni.

MARRO 4:26 ပူးပေါင်းရင်းမြစ်များ

UMI MOOTOOLLA 9:7

Israeele oommonsa gobbanni fushshe huneemmo. Magansi'naera yee qullaawa assoommoha konne mineno agureemmo. Gobba baalate hee'ranno manni Israeele haariimanni qacifatanno.

ISAYAASI 1:2

Kaaliiqi, «Gordonna baatto, macciishshe! Seekke lossi'roommoti ooso'ya anera gara gibbinoe.

ISAYAASI 6:11

Anino, «Mooticha'ya, kuni coyi mageeshshi yanna keeshshanno?» yee xa'moommo. Isino qole, «Katamma diiganteenna hee'rannohu hoogeenna gobba ona ikkite gatta geeshshaati.

ERMIYAASI 16:13

Kunni daafira, ki'ne tenne gobbanni fushshe ki'nenna akaakka'ne affinoonnikki gobba qole shorreemmo'ne. Hakkiicho hashshanna barra kaphu maganna magansidhinanni. Anino horonta dimaareemmo'ne› yiino yite kulinsa» yiinoe.

ERMIYAASI 2:12

Kunnira ani Kaaliiqi, gordu baalu waajje, mase huxi'ranno gede hajajeemmo.

ERMIYAASI 22:29

Baatto! Baatto! Baatto! Ani Kaaliiqi coyi'reemmore macciishshi:

ERMIYAASI 32:24

«Kune, Baabiloonootu katama amaddara gaangaawaho bushsha duunte doyissite no; bagadu, hudenna dhibbu katama angansara eanno gede assanno. Atino coyi'roottori baalu ikkanna la"atto.

ERMIYAASI 44:22

Kaaliiqi assitinoonni bunshe baala lae sammi yaa didandiino. Isenkura baatto'ne mannu hee'rannokkita ona ikkitino. Baatto'ne shagaggi'nannitanna su'mi'neno rumonniha ikkinohu kunniraati.

ERMIYAASI 6:19

Baatto macciishshi! Manni'ya ane mishinoe; hajajo'yano agadha giwino. Busha coye assate ma'lino; xa hatti heddino bunshe insara dagganno.

HIZIQEELI 33:28

Gobbano mullicho ona asseemmo; adawadhitinanni wolqa baala gooffanno. Israeelete ilaalla, mannu heleqqi yaannokkita waajjishshannota ikkitanno.

HIZIQEELI 36:4

Kunnira, ki'ne ilaallanna gaarra, wayibbanna lagga, diigantinoonni darguwanna gaangaawi'nera noo daga horritino'nerinna qaccino'neri mannu nookkire ikkitine gattinoonni katamma, ani Mootichu Kaaliiqi ki'nera yeemmo coye macciishshe.

LEEWAAWOOTA 18:28

Ki'neno baatto batteessitiniro, albi manna tuffunte gede ki'neno tuffanno'ne.

MIKIYAASI 1:2

Ki'ne daga konne coye macciishshe. Uullate aana heedhinanniri baalunku wodanche. Ayirradu Kaaliiqi ki'ne aana naqqasanno. Qullaawu Minisi giddo hee're coyi'ranno.

MIKIYAASI 6:2

Ki'ne ilaalla Kaaliiqi Maganu manna abbooshshi'rino gara macciishshe. Ki'ne kaajjaddu baattote rumuddano macciishshe. Kaaliiqi mannasi Israeele abbooshshi'rino; qoleno boroorino.

LUQAASI 21:24

Insa giddonni lowo manna bagadu shaanno; woloota qafande addi addi gobba haa'ne ha'nanni. Dagate yanna sa'a geeshsha Yerusaalame daga kadde gashshitanno» yii.

MARRO 11:17

Konne coye assitiniro Kaaliiqi hanqi aana'ne buwanno. Isino xeena ganannokki gede, baattono guma uyitannokki gede gordo cufanno. Ki'neno Kaaliiqi aanno'netenni dancha baattonni hakkawoyintenni ba'inanni.

MARRO 28:20

«Kaaliiqa agura'nenni assitinoonni bunshenni kainohunni, co'o yitine rahotenni ba'ina geeshsha, assidhinoonniri baalu aana Kaaliiqi dano, sianna quuxxo abbanno'ne.

MARRO 28:22

Kaaliiqi ba'ina geeshsha shotisanno dhibbinni, fooggalunni, darshetenni, moolletenni, shawalletenninna shammetenni gananno'ne.

MARRO 28:45

«Tini bao baala ki'ne aana dagganno; horonta ba'ina geeshsha ki'newiinni difaffanno. Kuni ikkannohu ki'ne Magani'ne Kaaliiqira hajajamanna isi uyino'ne seeranna rososi adha gibbinoonnihuraati.

MARRO 28:61

Qoleno Kaaliiqi ba'ina geeshsha kunni Seeru Maxaafira borreessinoonnikkiha babbaxxino dhibbanna qarra abbanno'ne.

MARRO 29:28

Kaaliiqi lowo geeshsha hanqe baattonsa aaninni buqqise wole baattora masse tuginonsa. Kuneeti xa techo geeshsha hakkiicho no› yitanno.

MARRO 31:28

Konne coye kuleemmonsa gede ga're'ne geerranna roorroota gamba asse. Anino gordonna baatto naqaashshe asse kiidheemmo.

MARRO 32:1

«Gordonna baatto, macciishshe"e; ani coyi'reemmona, ki'neno yeemmota macciishshe.

MARRO 7:4

Kunino, ooso'ne ane hoode hadhannota hoolte wole maganna magansidhanno gede assitannohuranna hakkunninni kainohunni Kaaliiqi hanqi aana'ne buwe, rahe hunanno'nekki gedeeti.

MARRO 8:19

«Magano'ne Kaaliiqa habbinironna wole maganna hoode hadhiniro, soqqantininsaronna magansidhininsaro halaalintanni ba'inannita techo seekke kuleemmo'ne.

MARRO 8:20

Magani'ne Kaaliiqi alba'neenni noo daga hunannonte gede, hajajama gibbinisiro ki'neno hunanno'ne.

IYYAASU 23:16

Magani'ne Kaaliiqi agadhitinara uyino'ne gondooro diigginironna wole magannara soqqantinanni magansidhininsaro, hanqisinni qorichishanno'ne. Isi uyino'netera dancha baattora ki'ne giddonni mittu nafa dihee'ranno» yiinsa.

IYYAASU 24:20

Iso agurtine wole maganna magansidhiniro, isi albasi ki'newiinni ka'a qolanno; hanqe qorichishanno'ne. Kunni albaanni ki'nera dancha coye assino'neha ikkiro nafa, galagale hunanno'ne» yiinsa.