MARRO 4:25 - Qullaawa Maxaafa

²⁵ «Oosonna oosote ooso iltinihunna tenne baattora seeda diro heedhinihu gedensaanni, umo'ne batteessitine mayi danitano kaphu maganna seekkidhiniro, Magani'ne Kaaliiqi albaanni busha ikkino daafira hanqisannosi.

MARRO 4:25 ပူးပေါင်းရင်းမြစ်များ

LAYINKI MOOTOOLLA 21:2

Israeele gobba amaddu waro, Kaaliiqi fushshe huninota tiyyi'nannita dagate woga amade Kaaliiqi giwanno coye assino.

FAARSO 78:58

Gaaraho magansidhannowa hanqissinosi; seekkinoonni misillanni aarsitinosi.

FULO 20:4

«Gordohono ikko baattote, baattote woroonni wayi giddo noorichinnino ikkiro magansi'rate yitine ayee misileno seekkidhinoonte.

FULO 32:7

Kaaliiqi Musera, «Gibitsetenni fushshittohu mannikki cubbo loose aneno agurinona rakke dirri.

HIZIQEELI 8:10

Giddora e"e laeemmo woyite, xarrate aana hamasu, giwissannotinna intannikki saada misilla, hattono Israeele magansidhannoti kaphu maganna rarra'e no.

HOOSEI 9:17

Isira hajajantinokki daafira, Magani'ya wigidiide tugannonsa; insano dagate mereero raataabbanni heedhanno.

HOOSEI 9:9

Gibia Katami manni assinte gede, ki'neno lowo geeshsha battaabbinoonni. Kunni daafira, Maganu cubbo'ne baala kiire qorichishanno'ne.

UMI QORONTOOSI 10:22

Hatto assine Mooticha hinaasiinsoni? Ninke isinni roore jawaanteemmoreetini?

MARRO 16:22

Magani'ne Kaaliiqi baxannokki daafira, magansi'nanni sooddiyye uurrisidhinoonte.

MARRO 27:15

«Ogeessu seekkannoha, Kaaliiqi giwannota misile siwiilunni, haqqetenni woy kinnatenni qixxeessi're maaxe wodhannohu rumaminoha ikko. Mannu baalunku, ‹Eewanni ikko!› yoo.

MARRO 28:45

«Tini bao baala ki'ne aana dagganno; horonta ba'ina geeshsha ki'newiinni difaffanno. Kuni ikkannohu ki'ne Magani'ne Kaaliiqira hajajamanna isi uyino'ne seeranna rososi adha gibbinoonnihuraati.

MARRO 28:61

Qoleno Kaaliiqi ba'ina geeshsha kunni Seeru Maxaafira borreessinoonnikkiha babbaxxino dhibbanna qarra abbanno'ne.

MARRO 30:18

halaalintanni ba'inannita ani techo barra kuloommo'ne. Yordaanoosi Waa fultine ragidhinanni baattora lowo yanna diheedhinanni.

MARRO 30:19

«Doodhitinanni gede heeshshonna reyo, maassonna rumo alba'neenni woroommohura, techo gordonna baatto naqaashshe asse kiiroommo. Lubbotenni heedhinanni gede heeshsho doodhe.

MARRO 31:29

Ani reemmo waro horonta battaabbinannita, hajajoommo'ne doogonnino wirri yitinannita afoommo. Kaaliiqi giwanno coye assatenni iso hanqissineenna bao dagganno'ne» yee coyi'ri.

MARRO 32:5

Isi aana bunshe assitino; bunshensanni kainohunni kunni ka'a oososi di"ikkitanno; yawaawulootahonna shokkadda gosaati.

MARRO 4:16

Battaabbinannikki gede, labbaahu woy meyate danita aye gari misileno boccine seekkidhinoonte.

MARRO 4:23

Magani'ne Kaaliiqi ki'ne ledo eino gondooro habbinannikki gede qorophe. Magani'ne Kaaliiqi hoolinota kaphu maganna mayi daninnino seekkidhinoonte.

IYYAASU 23:16

Magani'ne Kaaliiqi agadhitinara uyino'ne gondooro diigginironna wole magannara soqqantinanni magansidhininsaro, hanqisinni qorichishanno'ne. Isi uyino'netera dancha baattora ki'ne giddonni mittu nafa dihee'ranno» yiinsa.

IYYAASU 24:20

Iso agurtine wole maganna magansidhiniro, isi albasi ki'newiinni ka'a qolanno; hanqe qorichishanno'ne. Kunni albaanni ki'nera dancha coye assino'neha ikkiro nafa, galagale hunanno'ne» yiinsa.