MARRO 4:2 - Qullaawa Maxaafa

² Eemmo'neta Magani'ne Kaaliiqi hajajo agadhe. Hajajoommo'nehu aana leddinoonte; xeissinoonte.

MARRO 4:2 ပူးပေါင်းရင်းမြစ်များ

FAARSO 78:7

Kunni garinni Magano hexxitanno. Isi assinore baala dihabbanno; hajajosino ayirrissanno.

LAWISHSHA 30:6

Rufannohekki gedenna kaphaanchoho yaannohekki gede, isi yiinokkire yitooti.

ROSIISAANCHO 12:13

Coyi baalunku gumulo kuneetina, macciishshino. Kuni mannu wo'munkura hasiisinohona, Magano ayirrisi; hajajosino agadhi.

ERMIYAASI 26:2

«Qullaawu Mini nafarira uurrite, Yihudu katamma baalantenni magansi'rate daggannorira baalaho yoommohere mittoreno gatisittokkinni kulinsa.

MAATEWOOSI 5:18

Halaale kuleemmo'ne; gordunna baatto sa'a geeshsha seeru baalu wo'manno ikkinnina, Seeru giddonni shiima fidale woy bicamme diba'anno.

MAATEWOOSI 5:43

Yesuusi lede, «‹Jaalakki baxi; baarigaarakki giwi› yinoonnita macciishshitinoonni.

GALATIYU SOKKA 3:15

Roduuwa'ya! Hanni konne coye mannu hee'ranno heeshsho ledo xaadissine la'e. Mannu gondooro eihu gedensaanni, ayino ledara woy xeisara didandaanno.

MARRO 1:3

Gibitsetenni fultuhunni shoyilliikki diro, tonaa mitikki aganira umi barra, Muse Israeelete mannira Kaaliiqi hajajinore baala kulinsa.

MARRO 12:32

«Ani hajajummo'nere baala agadhe; leddinoonte; xeissinoonte.

MARRO 13:1

«Himanaanchu woy haaqii'raanchu mereeri'nenni kae, malaate woy dhagge asseemmo yii'nero,

MARRO 33:4

Israeelete ga're gamba yitineenna, ani Muse, ayirrado Maganu Seera oommo'ne. Kaaliiqino Israeelete moote ikki.

MARRO 4:14

Ragidhinanni baattora heedhine ha'runsitinanni woganna seera rosiiseemmo'ne gede hatte yannara Kaaliiqi hajajinoe.

MARRO 4:40

Ki'neranna ki'ne gedensaanni ooso'nera seyanno'ne gede, Magani'ne Kaaliiqi hegerera aanno'ne baattora diri'ne seedanno gede, techo ani hajajeemmo'neta wogasinna seerasi agadhe» yii.

MARRO 4:5

Martine amaddinanni baattora, wonshitinanni gede Magani'ya Kaaliiqi hajajinoe garinni woganna seera rosiisoommo'ne.

MARRO 5:29

Wo'manka woyite hattoo wodani he'roommensaro, ayirrissoomme"eronna hajajo'ya baala wonshitoommero, insaranna sirchinsara geedote geeshsha wo'munku coyi qinaannonsahu baino.

MARRO 5:32

«Israeelete manna, Magani'ne Kaaliiqi hajajino'nere wonshate qixxaabbe. Ka'anna kawa yitinoonte.

IYYAASU 1:7

Atilla waajjitooti! Jawaati! Soqqamaanchi'ya Muse uyinohe seera baala seekkite agadhi. Ha'ratto darga baalaho wo'munku coyi qinaannohe gede, kunni seeriwiinni horonta miliqqi yitooti.

IYYAASU 8:35

Meentu, qaaqquullunna giddonsa heedhannori manni gobba manni noowa Israeelete songora Iyyaasu Muse hajajino qaali mittuno gatikkinni nabbawi.