MARRO 4:13 - Qullaawa Maxaafa

¹³ Gondoorosi agadhitinanni gede lallambe kulloonni'ne. Hattino wonshitinanni gede uyinoonni'neti 10 hajajooti. Iseno 2 bonce seekkinoonni kinna aana borreessino.

MARRO 4:13 ပူးပေါင်းရင်းမြစ်များ

UMI MOOTOOLLA 8:9

Israeelete manni Gibitsetenni fuli waro, Kaaliiqi ledonsa gondooro e"eenna Siina Ilaalira Muse worinore 2 bocame kinna agurranna Gondooru Taabooti giddo woliri mitturino dino.

FAARSO 119:4

Kaaliiqa! Ati seera oottonke; xeinsummokkinni hajajammeemmo gedeno kuloottonke.

FULO 19:5

Xaano anera hajajantinironna gondooro'ya agadhitiniro, baatto baalate aana noo manniwiinni baxxitine ki'ne ane manna ikkitinanni;

FULO 24:12

Kaaliiqi Musera, «Ani noommowa ilaalu iimira fulte, hakkiicho agari. Mannaho rosiisattora borreessoommo seeranna hajajo amadinoha 2 boncoonni kincho eemmohe» yiisi.

FULO 31:18

Maganu Siina Ilaalira Muse ledo hasaawa gudihu gedensaanni, angasinni borreessinota boncoonni kinna gondoorunnita uyisi.

FULO 34:1

Kaaliiqi Musera, «Hiiqqite hunittori aana noo hajajo borreesseemmona, 2 bocame kinna albiri gede assite seekki.

FULO 34:28

Hakkiicho Muse itikkinninna agikkinni Kaaliiqi ledo 40 barranna 40 hashsha keeshshi. Tonnenta gondooru hajajono bocame kinna aana borreessi.

ROOMU SOKKA 9:4

Israeele Maganu doorino gosaati. Maganu insa oososi assi'rino; ayirrinyesi leellishinonsa; gondoorono einonsa; Seerano uyinonsa; halaalaancho magansi'ranna hexxo uyinonsa.

LAYINKI QORONTOOSI 3:7

Seera bocame kinna aana borreessinoonni; Seera uyini yanna xawaabbi agure ho'liha nafa ikkiro, Israeelootu Muse alba qasse la"a didandiitino. Reyo abbanno Seeri togoo ayirrinyinni daannoha ikkiro,

MARRO 4:12

Hattono Kaaliiqi giirate giddo hee're coyi'rino'ne. Huuro calla macciishshitinoonnita ikkinnina dana diaffinoonni.

MARRO 4:14

Ragidhinanni baattora heedhine ha'runsitinanni woganna seera rosiiseemmo'ne gede hatte yannara Kaaliiqi hajajinoe.

MARRO 5:22

«Ilaalu aana gamba yitini yannara giirate, gomichunninna dhi'mote tunsichi mereero jawaata huurosinni coyi'ranni uyino'ne hajajo tenneeti ikkinnina wole di"ikkitino. Tenne hajajono 2 bocame kinna aana borreesse uyinoe.

IBIRAAWOOTA 9:4

Hakko holgi giddo culkunni seekkinoonnihu hixaana giirranni udiinnichinna culka xalline seekkinoonnihu ayirradu gondooru taabooti no. Kunni gondooru taabooti giddo, mennaho yinanni sagale worroonnihu culkunni seekkinoonni xilti, lattinoti Aarooni siqqicho, gondooro aanaho borreessinoonniri lame bocame kinna no.