MARRO 32:5 - Qullaawa Maxaafa

⁵ Isi aana bunshe assitino; bunshensanni kainohunni kunni ka'a oososi di"ikkitanno; yawaawulootahonna shokkadda gosaati.

MARRO 32:5 ပူးပေါင်းရင်းမြစ်များ

KALAQAMA 6:12

Maganu baatto lowo geeshsha bushu loosinni battaabbinota afi; kuneeti mannu baalu baattote aana bunshe loosanni noota lai.

FAARSO 78:8

Albi akaakkansa gede haxawarrootanna maahoyye gibbinore di"ikkitanno; albiri kaajjite Magano diaddaxxitinoreeti; Maganohono ammanantino gedeenni diheedhino.

FULO 32:7

Kaaliiqi Musera, «Gibitsetenni fushshittohu mannikki cubbo loose aneno agurinona rakke dirri.

LAWISHSHA 8:8

Afii'yanni fulannori baalu halaaleho; shokkashshonna gara hawisanno coye arrawi'ya dicoyi'ranno.

ISAYAASI 1:4

Ki'ne cubbaataame gosara, sao batidhino'ne dagara, bunshe loossinanni ilamara, ragimale heeshsho heedhinannirira aanne'e! Ki'ne ane Kaaliiqa Israeelete Qullaawa gibbine, badhe wodhitinoonnie.

ISAYAASI 63:8

Kaaliiqi, «Insa addinta ane mannaati; doggannoekki ooso'yaati» yii. Insarano gatisaanchonsa ikkino.

HOOSEI 9:9

Gibia Katami manni assinte gede, ki'neno lowo geeshsha battaabbinoonni. Kunni daafira, Maganu cubbo'ne baala kiire qorichishanno'ne.

SOFFOONIYAASI 3:7

Ani konne baala coye asseenna, ‹Manni'ya ayirrisannoe; seejjo'yano macciishshanno; assoommo galata baala dihawanno› yee hedoommo. Manni'ya kayinni bunshete aana bunshe ledino; bushu loosinnino battaawino» yii.

KIIRO 23:21

Israeelete manni aana, bunshenna qarra diafoommo. Kaaliiqi Maganinsa ledonsa no; isi mootensaati.

MAATEWOOSI 16:4

Bushanna foora ilama malaate la"a hasidhanno; ikkollana Himanaanchu Yoonaasi malaate agurranna wole malaate dileellinshanninsa» yii. Hakkunni gedensaanni insa hakko agure wolewa ha'ri.

MAATEWOOSI 17:17

Yesuusi qole, «Ki'ne ammantinannikkiri shokkadda ilama, ki'ne ledo mamooti geeshsha hee'reemmo? Ki'ne coye mageeshshi geeshsha cinceemmo? Hanni beetto anewa abbe!» yiinsa.

MAATEWOOSI 3:7

Yohaannisi kayinni lowo Farisootinna Saduqootu cuuantara isiwa dagganna lae, «Ki'ne buutete ooso, daanno hanqinni gattinanni gara ayi kuli'ne?

LUQAASI 9:41

Yesuusi, «Ki'ne amma'na noo'nekkiri shokkadda ilama, ani ki'ne ledo mageeshshi geeshsha hee'reemmo? Ki'nere mageeshshi geeshsha cinceemmo? Hanni beetto anewa abbe!» yii.

YOHAANNISI 8:41

Ki'ne anni'ne loosanno looso loossinanni» yiinsa. Insa qolte, «Ninke darchoho ilammoommore di"ikkinoommo. Noonke Anni Magano callaho» yitu.

SOQQAMAASINETE LOOSO 2:40

Wolu addi addi qaalinni farci'ranni, «Tenne shokkashsho ilama aana daanno qorichinni umo'ne gatisidhe!» yee seejjinsa.

SOQQAMAASINETE LOOSO 7:51

Qoleno, «Ki'ne mokkookkootu wodananna macca beebbinoonniri! Ki'ne Annuwa'nente gede Qullaawa Ayyaana gibbinanni.

LAYINKI QORONTOOSI 11:3

Hamashshu Heewani xagare so'risiisinte gede, miteekkite ki'ne hedono ba'eenna Kiristoosira noo'neta taalonna xalala ammanama'ne agurtinanni yee waajjeemmo.

MARRO 31:29

Ani reemmo waro horonta battaabbinannita, hajajoommo'ne doogonnino wirri yitinannita afoommo. Kaaliiqi giwanno coye assatenni iso hanqissineenna bao dagganno'ne» yee coyi'ri.

MARRO 32:20

Isino, ‹Mokkookkanna ammanantinokki ilama ikkitinohura, alba'ya insawiinni shawwu asseemmo; marte fultannowano afeemmo.

MARRO 4:16

Battaabbinannikki gede, labbaahu woy meyate danita aye gari misileno boccine seekkidhinoonte.

MARRO 4:25

«Oosonna oosote ooso iltinihunna tenne baattora seeda diro heedhinihu gedensaanni, umo'ne batteessitine mayi danitano kaphu maganna seekkidhiniro, Magani'ne Kaaliiqi albaanni busha ikkino daafira hanqisannosi.

MARRO 9:24

Ani afummo'ne yanna baalantera, Kaaliiqira maahoyye gibbinoonninte gedeenni heedhinoonni.

FILIPHISIYUSI SOKKA 2:15

Hatto ikkiro, bushanna shokkashsho ilama mereero saalsiisannorinna mishiishannori nookkiha fayyaaleeyye Maganu ooso ikkitine gobba baalate aana beeddahimma xabbinanni.

EJJEETTO 2:19

Albisu reyihu gedensaanni kayinni, mannu wole maganna magansi'ratenninna insara soqqamatenni annuwansanni roore bushino. Bunshe loosanna qoxxisama diagurino.