MARRO 32:43 - Qullaawa Maxaafa

⁴³ «Daga! Kaaliiqi manna jajje; mannasi shitinore baala qorichishanno. Diinnasi rabbisi'ranno; mannisi cubbono maaranno» yee nabbawi.

MARRO 32:43 ပူးပေါင်းရင်းမြစ်များ

KALAQAMA 12:3

Maassidhannohere maassi'reemmo; runtannohere rumeemmo; baattote aana heedhanno daga baalanti ate widoonni higge maassantanno.

UMI MOOTOOLLA 8:43

iima gordoho heedhe huuccattosi macciishshi. Mannikki Israeele assitannonte gede, baattote aana hee'ranno manni ate egenne hajajamannohe gede huuccattonsa macciishshi. Hasidhinoreno wonshinsa. Hatte yannara, kuni ani minoommo Mini ate su'mi woshshamannowa ikkinota mannu baalu afanno.

LAYINKI MOOTOOLLA 9:7

Atino mootichikki Akiaabi maate shiteenna, ani qole himanaano'yanna wole soqqamaano'ya shitinota Elzaabeeli rabbisi'reemmo.

IYYOOBI 13:24

Albakki anewiinni shawwu assitooti; diinu gede assite mayira la"attoe?

FAARSO 22:27

Gashshootu Kaaliiqihona, gosa baala qaagge, Kaaliiqiwa higganno; daga baala albasiinni kumbuultanno. Kunni daafira, daga isi gashshanno. Baattote aani duuwaleeyye baala jilte isira kumbuultanno; bushsha e'annori baalunna, lubbonsa reyotenni gatisidhe affannokkiri baalu, albasiinni guluphitanno.

FAARSO 58:10

Bushuulle rabbinsanna la'e keeraano hagiidhitanno; mundeensano kakkaxxitanno.

FAARSO 79:10

Daga mayira, «Maganinsa hiikko no?» yitannonke. Ati borojjikki mundeera insa rabbissanna, illenkenni la'neemmo gede assinke.

FAARSO 79:9

Maganonkenna gatisaanchonke ballo! Kaa'linke; su'mikkira yite gatisinke; cubbonkeno agurinke.

FAARSO 85:1

Kaaliiqa! Gobbakkira dancha coye malootto; Yaiqoobi sircho galagalchite duroonsootto.

FAARSO 85:3

Aarakkino badhera qolootto; hanqokki uurrisootto.

ISAYAASI 1:24

Kunnira ani Wolqaataamu Israeelete Gashshaanchi Olantote Mootichi Kaaliiqi, «Ki'ne diinna'ya rabbisi'reemmo'ne. Hakkunni gedensaanni ane aana qarra dikalaqqinanni.

ISAYAASI 1:25

Hanqunnita anga'ya ki'ne aana kayiseemmo; buwannohu hanqi'yanni batte'ne baala aani'nenni hooleemmo.

ISAYAASI 11:10

Hakka waro, Isseyi rumushshi gosate malaate ikkanno; gosa baala isiwa tintanno; isi moohanno katami ayirrado ikkanno.

ISAYAASI 19:23

Hatte yannara Gibitsetenna Asoori mereero hala'lado doogo fultanno. Tini lamenti gosa mimmitunniwa hadhe, mitteenni magansidhanno.

ISAYAASI 19:25

Olantote Mootichi, «Ki'ne Gibitsete heedhinannire manna'ya, kalaqoommore Asoorootanna doodhoommore Israeele maassi'reemmo» yaanno.

ISAYAASI 44:22

Cubbokki gomichu gede malalli asseemmo; saokkino soodo guunjo gede asse hooleemmo; gatisoommohehu aneetina, anewa higi» yaanno.

ISAYAASI 60:6

Midiyaaminninna Efa yinanniwiinni dagganno gaalaasine baatto'ne wo'mitanno. Culkanna hixaana haadhe Saabanni dagginori baalu, Kaaliiqi galata lallabbe kultanno.

ISAYAASI 66:10

Yerusaalame baxxinanniri tashshi yoo'ne! Ise daafira wi'litinanniri ledose hagiidhe!

ERMIYAASI 13:14

Aja akkala googiddate gede mimmitoho qole ganeemmo; insa hunate dimarareemmo; dimaareemmonsa; yoommotano badhera diqoleemmo» yii.

ERMIYAASI 51:36

Kaaliiqi Yerusaalamete mannira, «Ki'nera ani ha'leemmo'ne; Baabiloonootano rabbiseemmo'ne; bu'ansanna waansa baala mooshsheemmo.

ERMIYAASI QURTO 2:5

Kaaliiqi diinu gede ikke Israeele huni; qiishosenna mootete minnase diigi; Yihudu mannira wi'lanna didatto batidhu.

HIZIQEELI 16:63

Assootta sao baala agureemmohe; ati kayinni hattenne baala sao qaagatenni lowo geeshsha saalfatattahura mittoreno coyi'ra didandaatta. Konne coye coyi'roommohu ani Mootichu Kaaliiqaati» yii.

HIZIQEELI 25:14

Manni'ya Israeele ane daafira, Edoomi rabbissanno; insano Edoomira buwinoha hanqo'ya leellishshanno. Qorichisheemmonsa woyite, ani Mooticha Kaaliiqa ikkoommota affanno» yii.

LUQAASI 19:27

Insa gashshaancho ikkeemmota gibbinore hakkore baarigaarra'ya abbitine alba'yaanni shiiyye!› yiino» yiinsa.

LUQAASI 2:32

Isi mannaho halaale leellishanno caabbicho ikkanno. Israeelete mannirano ayirrinyeho» yii.

ROOMU SOKKA 12:19

Jaalla'ya, Maganoho uyitine agurre ikkinnina ki'ne rabbisidhinoonte. Mootichu, «Rabba anete; rabba ani qoleemmo» yaanno.

MARRO 32:35

Rabba anete; rabba ani qoleemmo; lekkansa sarraaqantannohu baonsa barri gamba yiino; qorichishantanno barri iillino› yiino.

YOHAANNIS AJUUJA 15:2

Hakkunni gedensaanni giirate ledo karsaminoha hincilaallotenni seekkinoonni baara lawannoricho afummo. Insano moyicho, moyichu misilenna su'misi kiiro qeeltinoreeti. Insa, Maganu uyinonsa gingilaate anga adhite hincilaallotenni seekkinoonni baara lawannorichi mule uurrite no.

YOHAANNIS AJUUJA 15:4

Mooticha'ya, ate waajjannokkihunna su'makki ayirrisannokkihu ayeti? Qullaawu ate callaati. Halaalunniti yookki xawo fultino daafira, gosa baala dagge albakkiinni magansidhannohe» yite faarsitu.

YOHAANNIS AJUUJA 18:2

Isi naggi yitino qoonqonni, «Bati'ra Baabilooni ubbu! Ubbu! Durriisu galannowa, battete ayyaanna gollonna cee'mishshannotinna giwissanno cea heedhannowa ikkitu.

YOHAANNIS AJUUJA 18:20

Gordo, Baabilooni uwara hagiidhi! Ki'ne Maganu manni, soqqamaasinenna himanaano, hagiidhe! Maganu ki'ne daafira rabbisino.

YOHAANNIS AJUUJA 19:2

Yoosi halaalaanchotenna taalote; foorresenni baatto batteessitinota, foortannota bati'ra Baabilooni qorichishino. Soqqamaanosi mundeera rabbisino» yitannota lowo huuro macciishshummo.

YOHAANNIS AJUUJA 6:10

Tini lubbuwa qoonqonsa naggi assite, «Qullaawunna halaalaanchu, Wo'manka Dandaatto Mootichi, baattote aana hee'ranno manna qorichishattokkihunna mundeenke daafira rabbisattokkihu mamooti geeshshaati?» yitanni raartu.