MARRO 32:39 - Qullaawa Maxaafa

³⁹ « ‹Ani calli'ya Maganoho; ane ka'a wolu magani dino. Sheemmo; gatiseemmo; madiisseemmo; hurseemmo; anga'yanni gatisara dandaannohu mittuno dino.

MARRO 32:39 ပူးပေါင်းရင်းမြစ်များ

LAYINKI MOOTOOLLA 20:5

«Manna'ya gashshinohura Hiziqiyaasira marte, ‹Albihu awurikki Daawiti Magani ani Kaaliiqi huuccattokki macciishshoommo; hindiiddokkino laoommo; hurseennahe 3 barri gedensaanni Qullaawu Minira ha'ratto.

LAYINKI MOOTOOLLA 5:7

Israeelete mooteno borrote sokka nabbabanni hee'renni mase uddanosi dare, «Sooriyu moote konne mancho hurseemmo gede hiitto asse hedanno? Ani gatisatenna shaate Magano ikkeennaatini konne mancho hursammora soyinoehu? Togo assinohu ane hasiisara yeeti!» yii.

NEHIMIYA 9:6

Kunni baalu gedensaanni Israeelete manni, «Kaaliiqa, ati callu Maganoho; ati gordonna gordu beeddahe kalaqootto. Baattonna baara, giddonsa noore baala kalaqoottohu ateeti; baalunkura lubbo woroottonsa. Gordu olanto baala heeshshi yite magansidhohe!

IYYOOBI 10:13

«Konne coye wodanikki giddo amadootto; kuni baalu hedokkira noota afoommo.

IYYOOBI 10:7

Sao assoommokkitanna, angakkinnino gatisannoehu nookkita afootto.

IYYOOBI 5:18

Isi madiissanno; isinni gaga gananno. Angasi hiiqqitanno; angasi hursitanno.

FAARSO 102:27

Ati kayinni, hegere geeshsha ateentilla; dirikkirano gawalo dino.

FAARSO 102:28

Soqqamaanokki ooso keerunni heedhanno; sirchinsano ate hawaqi're hee'ranno.

FAARSO 18:31

Kaaliiqa agurranna wolu Magani dino; Maganinke callu irkonkeeti.

FAARSO 50:22

Ki'ne ane habbinanniri, xa yeemmota wodanche; ka'a woyite kayinni huneemmo'ne; gatisanno'nehuno dihee'ranno.

FAARSO 51:8

Hisachishannorenna tashshi assannore macciishsheemmo gede assie; hiiqqoottoti miqqa'yano hagiidhito.

FAARSO 68:20

Maganinke gatisaancho Maganooti; Maganu Kaaliiqi reyotenni gatisannoho.

FAARSO 86:10

Magano, ati jawaho; maala'linanni coye assatto; Maganu ate callaati.

FULO 15:26

Isino, «Ki'ne qaale'ya seekkitine ayirrissiniro, ane albaanni dancha coye assitiniro, hajajo'ya agadhitiniro, woga'ya baala wonshitiniro, Gibitsootaho abboommo dhibbinni diganeemmo'ne. Ani Kaaliiqi hursaancho'neeti» yiinsa.

FULO 4:7

Kaaliiqi qole, «Galagalchite angakki kikki'lakki giddo wori» yiisi. Museno galagalche angasi kikki'late worita, albite gedee fayyaaleette ikkitu.

ROSIISAANCHO 3:3

Shaate yanna no; gatisate yanna no. Diigate yanna no; minate yanna no.

ISAYAASI 19:22

Kaaliiqi Gibitsoota qorichishanno; insano isiwa higganno. Huuccattonsa macciishshe galagalche hursannonsa.

ISAYAASI 30:26

Kaaliiqi madiissinoha mannasi hursanno waro, aganu arrishshote gede xawanno; arrishshono albinni roore 7 ero xabbanno. Xawaabbiseno 7 barri xawaabbi geeshsha ikkanno.

ISAYAASI 41:4

Konne assinohu ayeti? Bi're hundinni kayise ikkito baala dhaawinohu ayeti? Ani Kaaliiqi bi're hundanni noommoho; kunni gedensihuno aneeti.

ISAYAASI 43:10

«Ki'ne Israeele, ani Kaaliiqa ikkoommota buuxxine, egentinannienna ammantinannie gede doodhoommo; soqqamaano'yaatinna naqaashshe'yaati. Ane agurranna kunni albaanni wolu magani dino; kunni ka'ano dihee'ranno.

ISAYAASI 43:12

Ani ikkara noore balaxe coyi'roommo; ki'ne gatisoommohu aneeti; wole maganna giddonni kaa'lino'nehu mittuno dino; Magano ikka'yara ki'ne naqaashshe'yaati.

ISAYAASI 43:13

Ani bi're hundanni Maganoho; anga'yanni ayino fulara didandaanno; ani assoommore soorrara dandaannohu dino» yii.

ISAYAASI 45:18

Gorduwa kalaqinohu Kaaliiqaati; baatto seekke kalaqinohunna xintinohu isooti; kalaqinosehu fano heedhara ikkikkinni, mannu hee'ranno gedeeti. Isino, «Ani Kaaliiqaati; ane agurranna wolu Magani dino.

ISAYAASI 45:22

«Ane agurranna wolu magani nookki daafira, baattote qacce geeshsha heedhinoonniri baalu, anewa daggine gato afidhe.

ISAYAASI 45:5

«Ani Kaaliiqaati; ane agurranna wolu magani dino; ati ane egenna hoogittoro nafa wolqa eemmohe.

ISAYAASI 46:4

Geedhitine awuubbina geeshsha, duheemmo'nehu aneeti; ani kalaqoommo'ne; qoleno towateemmo'ne; kaa'leemmo'ne; gatiseemmo'ne.

ISAYAASI 48:12

Kaaliiqi, «Woshshoommo'neri Yaiqoobi ooso Israeele, macciishshe! Maganu ane callaati; albihuno gedensihuno aneeti.

HIZIQEELI 37:12

Kunnira, manni'yara Israeelete himana kulinsa: Ani Mootichu Kaaliiqi waammate giddonni fushshe, qole gobba'ne abbeemmo'ne.

HIZIQEELI 37:3

Isino, «Koo manchi beetto, tini miqqa galagalte lubbotenni heedhannoha lawannoheni?» yee xa'mie. Anino, «Mooticha'ya Kaaliiqa, konne afattohu ateetilla» yoommo.

HOOSEI 5:14

Kunninni kainohunni Israeele doobbiichu gede, Yihudano aju doobbiichi gede ikke hiiqqaqqe agureemmo. Hawulukki asse haa're ha'reemmonsa; ayino gatisansara didandaanno.

HOOSEI 6:1

Israeelete manni, «Amme, Kaaliiqiwa hingona! Isi hiiqqinonkente gede, isinni sissannonke. Isi madiissinkente gede, isinni madankera gaga ganannonke.

MIKIYAASI 5:8

Kuni qarruwiinni gatinohu Israeelete manni, lowo daga gashshooti mereero hee'ranni dubbu moyicho ugaaxanni hee'ranno doobbiichi gedeeha ikkanno. Hattono mitteno xooqe fulate hexxo afi'rinokki ge'reewo hedeweelcho e"e, hiiqqaqqe bibbide itannohu aju doobbiichi gedeere ikkitanno.

YOHAANNISI 8:24

Cubbi'nenni reyitinanni yoommohu kunniraati. Ane ewelumma affine ammana hoogginiro cubbi'nenni reyitinanni» yii.

MARRO 32:12

Ayetano wolu magani kaa'lo hasi'rikkinni, Mannasi Kaaliiqi callisi massagino.

MARRO 4:35

«Kaaliiqi callu Magano ikkinotanna, isi ka'a wolu Magani nookkita affinanni gede ki'nera leellishino'ne.

MARRO 7:9

Kunnira, Magani'ne Kaaliiqi baxxannosiriranna hajajosi agadhitannorira gondoorosinna bagamannokki baxillesi kume ilama geeshsha agarannoha ikkinota habbinoonte. Isi ammanamino Maganooti.

IBIRAAWOOTA 1:12

Seemmate gede assite xaaxattonsa; uddanote gede soorrantanno. Ati kayinni hegere geeshsha ateetilla; horontanni disoorramatto; dirikkino digoofanno» yaanno.

YOHAANNIS AJUUJA 1:11

«La'anni noottore maxaafaho borreessite, Efesooni, Semirineesi, Phergamooni, Tiyaxiroosi, Serdeesi, Filidelfiyahonna Lodooqiyaho nootera lamalante beetekiristaanera soyi!» yiie.

YOHAANNIS AJUUJA 2:8

«Semirineesi Katamira noo beetekiristaane sokkaasinchira, « ‹Ree kae heeshshonniha ikkinohu, albihunna gedensihu:

UMI SAAMUEELI 2:6

«Kaaliiqi shaanno; lubbotennino woranno; Jeennaate eessanno; hakkiinnino fushshanno.