MARRO 32:22 - Qullaawa Maxaafa

²² Hanqi'ya giirate gede buwe, baattote aana noore baala gudanno. Giirano jeennaatu geeshsha iillitanno; ilaallate safono ittanno.

MARRO 32:22 ပူးပေါင်းရင်းမြစ်များ

FAARSO 144:5

Kaaliiqa, gordo darte dirri; wiliiltanno gede, ilaalla kisi.

FAARSO 21:9

Daatto waro, booso giira gede bushshattonsa; Kaaliiqi hanqisinni hunannonsa; giirano ittannonsa.

FAARSO 46:2

Kunnira, baatto shafanturo, ilaallano marte baaru giddo ubburo diwaajjineemmo;

FAARSO 83:14

Giira dubbo ittannohu gede, buwanu ilaalla giirannohu gede,

FAARSO 86:13

Bagamannokkihu baxillikki anera bati'ra ikkino daafira, lubbo'ya balete afiinni gatisootto.

FAARSO 97:3

Bubbanno giira albasiinni hadhanno; qooxeessisira noo diinano ittanno.

ISAYAASI 24:6

Kunnira rumo baatto huntanno; mannano saosi amaddannosi. Baattote aana noo manni goofeenna, shiimu manni callu gatanno.

ISAYAASI 30:33

Lowo dirira albaanni, Asoori moote giirrannihu, giirate dargi qixxaawe no. Hakko hala'ladonna diime ikkino dargano, lowo haqqe duunnoonni; haqqeno ruqanu gedeehu Kaaliiqi fooli itanno.

ISAYAASI 54:10

Ilaallanna gaarra nafa shafantara dandiitanno; ani ate baxoommo baxilli kayinni hegerera kaajje hee'ranno. Keeru gondoorino didiigamanno; ate marareemmohu ani Kaaliiqi togo yoommo» yii.

ERMIYAASI 15:14

Hanqi'ya xo'annokki giira gede ikke buwanno'ne daafira, egentinoonnikki gobba haa're ha'ranno'ne diinira sayise eemmo'ne» yiino.

ERMIYAASI 17:4

Hanqo'ya giirate gede bushshitine xoannokkiha assitinoonni daafira, iqqoommo'ne baatto hoogginanni gedenna egentinoonnikki gobba hadhine diini'nera soqqantinanni gede asseemmo'ne» yii.

ERMIYAASI 4:4

Ki'ne Yihudunna Yerusaalamete manni, ki'ne ledo eoommo gondooro agadhe. Wodani'ne bunshenni kainohunni, konne gondooro agadha gibbine, cubbu giddo hee'rate hasidhiniro, hanqi'ya giirate gede buwanno; xoyissa dandaannohuno dihee'ranno» yiinsa.

ERMIYAASI QURTO 2:2

Kaaliiqi Yihudu qacha baala, mararikkinni gudi; aarisinni Yihudunnita kaajjado qiisho diigi; Gashshootenna gashshaanosi shollinyeho tugi.

ERMIYAASI QURTO 2:3

Lowo geeshsha hanqe, Israeelete wolqa huni; diinu dayi yannarano, sammi yee giwinsa. Hanqisi aananke giirate gede buwe, baalanka coye giire gudino.

ERMIYAASI QURTO 2:4

Isi diinu gede maxxasi, ninkera alba qo'lino; hexxinoommore baala shee gudi; hanqisino Yerusaalamete aana giirate gede buwi.

ERMIYAASI QURTO 4:11

Kaaliiqi wo'ma hanqosi wolqa facci asse agurino; Tsiyooni baatto ittanno giira qasino.

HIZIQEELI 19:12

Kayinnilla hanqino manni, rumushshunkunni buqqise tugi. Gumaseno halallinni ka'anno bubbe mooshshitu; jawaata sinnaseno hiiqqaqqantu; mooltuhu gedensaanni giirantu.

HIZIQEELI 36:5

«Ani Mootichu Kaaliiqi qooxeessi'nera noo daga, roorenka Edoomira hanqunni fooggale coyi'roommo. Wodaninni kaino hagiirrinninna mishatenni ka'e, baatto'ya adhite saada hossannowa baala amaddino.

HIZIQEELI 38:19

Hakka waro, hanqi'yanni Israeelete baatto qece yite huxidhannota kuleemmo.

LEEWAAWOOTA 26:20

Wolqa'ne beebba gooffanno; baatto gide, haqqeno laalo diuyitanno'ne.

AMOOTSI 5:6

Israeelete manna, lubbotenni heedhinanni gede, Kaaliiqa hasidhe. Gibbiniro kayinni, giirate gede ikke giiranno'ne. Beeteli heedhannoreno giira ittanno; hattenne giira xoyissannohu dihee'ranno.

AMOOTSI 7:4

Mootichu Kaaliiqi leellishinoeti wole ajuuja aante noote: Kuneeti Kaaliiqi mannasi giiratenni qorichishara qixxaawanna afoommo. Giirano baattote woroonni nooha lowo baara mooshshite baattono ittu.

MIKIYAASI 1:4

Hattenne yannara giira daaqissanno gaga gede, ilaalla lekkasira woroonni daaqqanno. Roggeno lagicha dirranno wayi gede ikkitanno.

IMBAAQOOMI 3:10

Ilaalla ate affe waajjite huxidhu; xeenu lolahino baatto hayishshe sai; lowo baari luuli; dambaluno iimira hige kai.

SOFFOONIYAASI 1:18

Kaaliiqi hanqosi leellishanno barra, manna birrisinna culkisi gatisasira didandaanno. Giirate gede bubbanno laalasinni baatto hunanno. Baattote aana noori baalunku hedeweelcho giiramanno.

SOFFOONIYAASI 3:8

Kaaliiqi, «Shiima yanna cince; insa aana yoo yeemmo yanna dagganno. Daganna gashshootuwa mitteenni gamba asseemmo; hanqi'ya giira insa aana duneemmo. Hanqi'ya buwani baatto baala giiranno.

KIIRO 16:33

Kuni manni noonsari baalunku ledo lubbotenni hee'renni waamma ei; baattono afoose gamba assidhu; insano ba'e gattu.

KIIRO 16:35

Giirano Kaaliiqiwiinni dirrite hixaana giiranni nooha 250 manna ittu.

MAATEWOOSI 10:28

Maala agurranna lubbo shaa dandiitannokkire waajjitinoonte. Hatteentenni, lubbonna maala gaannaamete giira giddo huna dandaanno Magano waajje.

MAATEWOOSI 18:9

Illekki cubboho eessitannoheha ikkiro fushshite huni! Lame ille heedheennahe gaannaamete giirara tugamattonkunni, mitte illeha ikkite hegere Gashshootiwa ea woyyitannohe.

MAATEWOOSI 23:33

Ki'ne hamasu! Buutete ooso gaannaamete qorichiwiinni hiitto ikkitine gattina ikka?

MARRO 29:20

Kaaliiqi konne mancho dimaaranno. Giirannoha hanqosi isi aana bushshanno. Kunni maxaafira borreessinoonni rumo baalanti aanasi dirritanno. Kaaliiqino su'masi baattote aaninni co'o asse hunanno.

LAYINKI TESELONQE 1:8

Hatte yannara, Magano egentinokkirenna Danchu Duduwi Mootichu Yesuusihura hajajantannokkire qorichishanno.

IBIRAAWOOTA 12:29

Maganinke ittanno giiraati.