MARRO 32:2 - Qullaawa Maxaafa

² Rosi'ya xeenu gede ikke dirro; qaali'yano loju gede ikke dirro. Mudhino hayisso aana shoru gede ikke, kaashshu aanano ga'labbichu xeeni gede ikke dirro.

MARRO 32:2 ပူးပေါင်းရင်းမြစ်များ

LAYINKI SAAMUEELI 23:4

gomichu nookki arrishsho soodote gedeeho; baatto hayisso fushshitanno gede assitara, xeenu gedensaanni fultanno arrishsho gedeeho» yiie.

FAARSO 65:10

Hawuurshisera xeena duushshatto; ooyyaseno taashshatto; bushshano shorunni shaqqishatto. Mu'raseno latisatto.

FAARSO 72:6

Mooteno xawoho gananno xeeninna baattote uwanno shori gedeeha ikko.

LAWISHSHA 4:2

Ani rosiiseemmo'ne rosi danchahona, habbinoonte.

HOOSEI 14:5

Israeelete mannira xeenu gede ikkeemmonsa. Insano daraarchu gede biiffanno; Libaanoosi daguwi gede rumuxxitanno.

HOOSEI 6:4

Kaaliiqi kayinni, «Israeeletenna Yihudu manna! Ki'ne hiissummoro woyyate? Ki'ne ane baxxinanni baxilli soodimari guunjonna guto loji gede rahe ba"anno.

AMOOTSI 7:16

Xaano Kaaliiqi yaanno coye macciishshi. « ‹Ati, Israeelete mannira himana coyidhooti; Yisihaaqi sircho ikkitinorira Israeelete mannira qaale kultooti› yite hooloottoe.

MIKIYAASI 5:6

Olantonsa wolqanni Asoori manna qeelte amaddanno. Namiruudi gashshoote ikkitino gobba cufanna hiiqqaqqite e'anno. Asoori manni gobbanke horritannonna maassantinota gobbanke kaddanno woyite, isi angansanni gatisannonke.

MIKIYAASI 5:7

Qarrunni gattinori Israeelete manni lowo daga mereero Kaaliiqi Maganu soyenna baatto duushshanno shori xeenunnihu gede ikkitanno. Hexxotenni agadhitannohu manna ikkikkinni Magano calla ikkanno.

ZAKKAARIYAASI 10:1

Gomicho soye xeena dirrisatenni mannaho baatto shaqqishannohu isootina, Kaaliiqi yannasira xeena aanno'ne gede huuccidhe.

IBIRAAWOOTA 6:7

Lowo yanna ise aana dirranno xeena agganno baatto, kaashsho kaasi'ranno manchira guma uyitanno daafira Maganu maassi'rannose.