MARRO 32:17 - Qullaawa Maxaafa

¹⁷ Halaalaasine ikkitinokkirira, annuwansa affinokkirira haaro magannara, kunni albaanni Israeele soqqante egentinokkirira kakkaltino.

MARRO 32:17 ပူးပေါင်းရင်းမြစ်များ

FULO 32:8

Ani hajajoommonsa doogowiinni hakkawoyintenni agurte fulte, daashshine seekkinoonnita siitu misile seekkidhe magansidhino; kakkalono shiqishshe, ‹Israeele, kuni Gibitsete gobbanni fushshe abbinonke maganooti?› yitino.

ISAYAASI 44:8

Ki'ne waajjitinoonte; bi're hundinni kayise balaxe dikuloommo'ne? Hanni ane gedeehu ayeti? Ki'ne anera naqaashshe'yaati; ane agurranna wolu Magani nooni? Ane ka'a golo ikkannohu nooni?» yii.

ERMIYAASI 10:15

Tini maganna mullare ikkitino daafira, minshe hunnanni; ati Kaaliiqi qorichishattonsara daatto yannara ba'anno.

ERMIYAASI 19:4

Togo asseemmohuno ane agurtinoehuraatinna, konne darga allagga magannaha assitino daafiraati. Insa, annuwansanna Yihudu mootoolla egentinokki magannara kakkaltino. Konne dargano keeraanote mundee duntino.

ERMIYAASI 44:3

Kuni ikkinohuno, bunshe assatenni hanqissinoe daafiraati. Kaphu magannarano kakkaltino; insa ki'neno akaakka'neno egentinoonnikki maganna magansidhino.

LEEWAAWOOTA 17:7

Kunni albaanni anera ammanama hoogatenni meu golfara kakkaltu garinni, kunni ka'a aye kakkalono kakkala dihasiissannonsa. Kuni insaranna gedensiidi ilama baalantera hegere seera ikkonsana.

AMOOTSI 5:25

«Israeelete manna! 40 diro wo'ma halallitte gobbara, massagummo'ne yannara, kakkalonna fushshaate abbitinoonnieni?

UMI QORONTOOSI 8:4

Kaphu magannara kakkalate gorrinoonni maala itate daafira coyi'nanni woyite, kaphu maganna tenne gobba aana haafare ikkitinotanna mitto Magano agurranna wolu nookkita anfoommo.

MARRO 13:8

maahoyye yitooti; yiinore macciishshitooti; marartootisi; bunshesino maaxxooti.

MARRO 28:64

«Hakkiinnino Kaaliiqi gobbate qaccenni qaccete geeshsha gosa baalate mereero billaallisanno'ne. Hakkiicho ki'neno annuwa'neno affinoonnikkita haqqetenninna kinnatenni seekkinoonnita wole maganna magansidhinanni.

MARRO 32:21

Tidhitinokkitenni kaphu magannanni hinaasiisse hanqissinoe. Anino hinaasiissannonsanna hanqissannonsa gede, tidhitinokkita gowwa gosa soyemmonsa.

UMI XIMOOTEWOOSI 4:1

Qullaawu Ayyaani xawise, «Gedensiidi yannara mitu mitu manni so'risiissanno ayyaannanna durriisu rosi hoode ha'ranni ammana aguranno» yaanno.

YOHAANNIS AJUUJA 9:20

Kunni qoomaminni reyitukkinni gattinori busha looso agurte diaagintaabbino. Durriisahonna culkunni, birrunni, camotenni, kinchunninna haqqetenni seekkinoonnirira la"a, woy macciishsha, woy ha'ra dandiitannokki maganna kaphunnitera soqqama diagurtino.

EJJEETTO 5:8

Israeele wole maganna hoode hadhu yannara, olu katamu xullichi geeshsha dayi. 40,000 Israeele giddo, wonqonna amaxxo afi'rinohu mittuno dino.