MARRO 32:11 - Qullaawa Maxaafa

¹¹ Qoolasi aanansa diriirse caacurresi agadhanno allamurchi gede, Kaaliiqino qoolasi diriirse, mannasi uwannokki gede duhanno.

MARRO 32:11 ပူးပေါင်းရင်းမြစ်များ

KALAQAMA 1:2

Hatte yannara, baatto suudu noosekkitenna mullichote; tunsichuno diimete aana no; Maganu Ayyaani wayi iimaanni millisanni no.

FAARSO 18:10

Kirubeeli aana ofolle ha'ri; bubbete qooli aana ofolle buuwi.

FULO 19:4

Gibitse assummotanna, ki'neno caacurresi qoolunni hanqafe duqqanno allamurchi gede asse abboommo'neta affinoonni.

ISAYAASI 31:5

Qoolase wanga assite, caacurrese gargadhitanno ceicho gede, ani Olantote Mootichi Yerusaalame goleemmose. Agareemmose; gatiseemmose; qarru giddonni fushsheemmose» yaanno.

ISAYAASI 40:31

Kaaliiqi kayinni iso hexxitannorira, wolqansa haaroonsanno; allamurchu gede qoolunni buubbanno. Doddanno; didaafurtanno; hadhanno dihoogganno.

ISAYAASI 46:4

Geedhitine awuubbina geeshsha, duheemmo'nehu aneeti; ani kalaqoommo'ne; qoleno towateemmo'ne; kaa'leemmo'ne; gatiseemmo'ne.

ISAYAASI 63:9

Qarrinsa yanna baalantera ledonsa qarramino; sokkaasincho soye ikkikkinni, isi umisi daye baxillisinninna maarosinni gatisinonsa; bi're hundinni kayise isi duhinonsa.

ERMIYAASI 13:11

Giddoyidi uddano halloho hossannonte gede, Israeeletenna Yihudu mannino anewa gamba yaara hedoommo. Tenne hedoommohuno manna'ya ikkitanno gede, galattannoenna ayirrissannoe gedeeti. Insa kayinni ani yoommota dimacciishshitino» yii.

HOOSEI 11:3

Angansa amade, lekkatenni qaaffanno gede rosiisoommonsahu aneeti. Insa kayinni ani towateemmonsata diaffino.

MARRO 33:12

Biiniyaami ga'rerano, «Kaaliiqi baxanno'ne; agaranno'ne. Barra wo'ma agaranno'ne; Kaaliiqi mereero'ne hee'ranno» yii.

IBIRAAWOOTA 11:3

Kalqe Maganu qaalinni kalaqantinota anfeemmohu ammanatenniiti. Kunni daafira leellanno coyi baalu leellannokki coyiwiinni dayinoha ikkinota anfoommo.

YOHAANNIS AJUUJA 12:14

Mancho halalla qixxeessinoonnise dargira buubbe hadhanno gede lowo allamurchita lame qoolla uyinise. Hakkiicho hamashshuwiinni faffe sase dironna darate dancha gede towantannase heedhu.

YOHAANNIS AJUUJA 12:4

Farrisinni beeddahete giddonni sayikki anga gordunni uulla qole waxaaxisi. Mancho iltanno woyite dhudhuufu ilamanno qaaqqo egemmara yee, manchonniwa mare albaseenni uurri.