MARRO 32:10 - Qullaawa Maxaafa

¹⁰ «Ki'ne Israeelete manna, moola baattora, woggartanno diilallo noowa halallitte gobbara, raataabbinanni heedhinoonnire afe, illesi gumi gede asse seekke agarino'ne.

MARRO 32:10 ပူးပေါင်းရင်းမြစ်များ

ASTEERI 6:13

Mare iillihu gedensaanni galtesiranna jaallasira iillinosi coye baalanka kulinsa. Galtesinna egennaammu jaallasi, «Kuneeti angakkinni gashshootekki Merdookiyoosira aate mule nootto. Isi Ayihudicha ikkinka woyite assite afattosiri dino; halaaleho isilla qeelannohe» yitusi.

FAARSO 107:40

Maganu gadadissunsare mishino; doogo nookkiwa halallitte gobbara raataabbanno gede assinonsa.

FAARSO 17:8

Illete diikkichi gede assite agarie; qoolikki giddo maaxie.

LAWISHSHA 7:2

Lubbotenni hee'ratto gede hajajo'ya baala agadhi; rosiiseemmohereno illekki diikkichi gede assite towaxxi.

FAARSO ROORE FAARSO 8:5

Baxillaanchose irkidhe, halallinni daggannoti tini ayeti? Bi're amakki gamaa'mite iltuhewa, laalanno haqqichi hunda goxxe noottoha, baqqi asse kayisoommahe.

ISAYAASI 63:9

Qarrinsa yanna baalantera ledonsa qarramino; sokkaasincho soye ikkikkinni, isi umisi daye baxillisinninna maarosinni gatisinonsa; bi're hundinni kayise isi duhinonsa.

ERMIYAASI 13:11

Giddoyidi uddano halloho hossannonte gede, Israeeletenna Yihudu mannino anewa gamba yaara hedoommo. Tenne hedoommohuno manna'ya ikkitanno gede, galattannoenna ayirrissannoe gedeeti. Insa kayinni ani yoommota dimacciishshitino» yii.

ERMIYAASI 2:17

Kuni ikkinohuno massageemmo'neha, ane Magano'ne Kaaliiqa agurtineennaati.

ERMIYAASI 2:6

Ani insa wode, Gibitsete gobbanni fushshoommonsa; halallitte baattorano massagoommonsa; boonna batidhino baatto, moollenna qarru bati'rino darga, ayino hee'rannokkiwanna, milli yaannorichi nookki widoonni qole sayisoommonsa. Insa kayinni, ‹Togo assinke Magani hiikki?› yite dihasidhinoe.

HIZIQEELI 16:5

Konne mitto coye nafa assahera ate mararinohu ayino dino; ilamitta woyite mittuno baxinohehu nookkihura xawoho tugamootta.

HIZIQEELI 20:36

Halallitte gobbara Siina, annuwi'nera yoo yuummonte gede, ki'ne aanano yoo yeemmo. Konne coye coyi'roommohu ani Mootichu Kaaliiqaati.

HOOSEI 11:3

Angansa amade, lekkatenni qaaffanno gede rosiisoommonsahu aneeti. Insa kayinni ani towateemmonsata diaffino.

HOOSEI 13:5

Moolle batidhino halallittera towatummo'nehu aneeti.

ZAKKAARIYAASI 2:12

Yihudu gobba qullaawa layinkimeeshsho Kaaliiqira addi jiro ikkitanno; Yerusaalameno layinkimeeshsho aneta assi'reemmo.

ZAKKAARIYAASI 2:8

Ki'ne kisannohu ille'ya diikkicho kisannoho yaate» yaanno. Olantote Mootichi Kaaliiqi mannasi mulqidhino dagara konne qaale coyi'reemmo gede ayirrinyesi leellishe soyinoe.

ROOMU SOKKA 2:18

Maganu hedono egennootto; Muse Seera rosootto daafira dancha coye badde afootto.

ROOMU SOKKA 3:2

Addanko, Ayihude ikka batinye doogonni roortanno. Qaru coyi kayinni, Maganu addaxxe qaalesi Ayihudete aasiiti.

MARRO 1:19

«Hakkunni gedensaanni affininte gede Maganinke Kaaliiqi hajajinonke garinni, Siinanni ka'ne hattenne hala'ladonna waajjishshannota halallitte gobba sa'ne, gaaraame Amooraawotu gobba ragaanni hinge Qaadesi Berne dangoommo.

MARRO 1:31

Kawiichira iillitini geeshsha halallitte gobbara daggini doogo baalantera annu ilasi qoteho duqqannonte gede, Magani'ne Kaaliiqi ki'neno asse duhino'ne gara affinoonni› yoommo'ne.

MARRO 4:36

Hajajama rosiisa'nera yee gordoho hee're huurosi macciishshitinanni gede assino'ne. Baattote aanano jawa giirasi leellishino'ne. Qaalesino giirate mereero hee're macciishshiishino'ne.